កីឡា
ក្លិបព្រះខ័នរាជស្វាយរៀងប្តឹងជំទាស់នឹង FFC រឿងពិន័យកីឡាករ Gabriel ៦ខែ
ក្លិបបាល់ទាត់ព្រះខ័នរាជស្វាយរៀងបានសម្រេចប្តឹងជំទាស់នឹងការសម្រេចរបស់គណៈកម្មការវិន័យរបស់សហព័ន្ធកីឡាបាល់ទាត់កម្ពុជាដែលបានពិន័យកីឡាករប្រេស៊ីល Gabriel Silva រយៈពេល៦ខែពីអបអរសាទរគ្រាប់បាល់ដោយបង្ហាញពាក្យស្លោក«100% Jesus»។
សហព័ន្ធកីឡាបាល់ទាត់កម្ពុជា (FFC) បានពិន័យកីឡាករប្រេស៊ីល Gabriel Silva ដែលជាសមាជិករបស់ក្លិបបាល់ទាត់ព្រះខ័នរាជស្វាយរៀងរយៈពេល៦ខែជុំវិញការបង្ហាញពាក្យស្លោក «100% Jesus» នៅលើអាវយឺទ្រនាប់របស់គាត់ក្នុងពេលអបអរសាទរគ្រាប់បាល់ដែលរូបគេបានស៊ុតចូលក្លិបបឹងកេត កាលពីថ្ងៃទី២៨ ខែតុលា ឆ្នាំ២០២៣ ក្នុងសប្តាហ៍ទី៩នៃខេមបូឌានព្រីមៀរលីគ។
សហព័ន្ធកីឡាបាល់ទាត់កម្ពុជាបានបញ្ជាក់ថា មូលហេតុនៃការដាក់ពិន័យនេះគឺដោយសារកីឡាករបានបំពានលើមាត្រាទី៤១ នៃក្រមសីលធម៌ និងវិជ្ជាជីវៈនៃសហព័ន្ធកីឡាបាល់ទាត់កម្ពុជា និងមាត្រាទី៥១.១នៃក្រមសីលធម៌ និងវិជ្ជាជីវៈនៃសហព័ន្ធកីឡាបាល់ទាត់ទ្វីបអាស៊ី (AFC) ដែលចុះហត្ថលេខាដោយលោក អេង ពៅទិត្យ ប្រធានគណៈកម្មការវិន័យ។
នៅលើផេកផ្លូវការ ក្លិបព្រះខ័នរាជស្វាយរៀងបានចេញសេចក្តីថ្លែងការណ៍ផ្លូវការនៅល្ងាចថ្ងៃទី១ ខែវិច្ឆិកានេះថា ៖«បន្ទាប់ពីមានការចេញ លិខិតពិន័យ កាលពីថ្ងៃទី៣១ ខែតុលា ឆ្នាំ២០២៣ ដោយសហព័ន្ធកីឡាបាល់ទាត់ជាតិកម្ពុជា (FFC) និងការដាក់ពិន័យជាបន្តបន្ទាប់មកលើកីឡាករ Gabriel Silva Costa។ ក្លិបសូមប្រកាសជាផ្លូវការថា ក្លិបមិនទទួលយកការសម្រេចនេះឡើយ ដោយហេតុផលថា យើងជឿលើ Gabriel ថា គាត់មិនមានបំណងបញ្ចេញនូវពាក្យសំដីរើសអើង ឬធ្វើឱ្យនរណាម្នាក់អាក់អន់ចិត្តជាមួយនឹងពាក្យស្លោកនៅលើអាវខាងក្នុង របស់គាត់ឡើយ ដែលជាហេតុផលឈានទៅដល់ FFC ដាក់ពិន័យដូច្នេះ ដោយគ្រាន់តែយោងទៅតាមមាត្រាដូចដែលបានរៀបរាប់នៅក្នុងលិខិតវិន័យនោះទេ។
ក្លិបអាចបញ្ជាក់បានថា ឥឡូវនេះយើងបានធ្វើការជាមួយមេធាវីកីឡាអន្តរជាតិ ដើម្បីប្តឹងឧទ្ធរណ៍ទៅ FFC ហើយយើងបានត្រៀមបញ្ជូនរឿងក្តីនេះបន្តទៅតុលាការអាជ្ញាកណ្តាលសម្រាប់កីឡា (CAS) ប្រសិនបើចាំបាច់»៕
អត្ថបទ៖ វីរបុត្រ
-
សេដ្ឋកិច្ច៧ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៥ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៤ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៣ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ជីវិតកម្សាន្ដ៦ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៦ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានអន្ដរជាតិ២២ ម៉ោង ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៧ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ