កីឡា

លីគបាល់ទះឥណ្ឌូណេស៊ីចាប់ផ្តើមថ្ងៃនេះ តារាឆ្នើម៧រូបគួរឲ្យចាប់អារម្មណ៍

បានផុស

២ years មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

លីគបាល់ទះកំពូលឥណ្ឌូណេស៊ី (Indonesian Proliga) លើកទី២២ រដូវកាល២០២៤ នឹងចាប់ផ្តើមការប្រកួតសន្សំពិន្ទុ ជុំទី១ នៅថ្ងៃទី២៥ ខែមេសា នេះហើយដោយមានក្លិបបាល់ទះអាជីព៧ចូលរួមប្រកួតប្រជែង។

ការប្រកួតសន្សំពិន្ទុនៅរដូវកាលនេះនឹងធ្វើនៅទីលានក្នុងទីក្រុង៧ផ្សេងគ្នាគឺទីក្រុង Yogyakarta, Semarang, Palembang, Pontianak, Bandung, Gresik និង Malang ដែលមានន័យថា ក្រុមនីមួយៗសុទ្ធតែមានទីលានរៀបចំធ្វើម្ចាស់ផ្ទះ ខណៈការប្រកួតជុំផ្តាច់ព្រ័ត្រគ្រោងធ្វើនៅទីក្រុង Kediri, Solo និង Yogyakarta។

លីគបាល់ទះកំពូលឥណ្ឌូណេស៊ីអាចត្រូវបានចាត់ទុកជាកម្មវិធីប្រកួតបាល់ទះអាជីពឈានមុខ និងធំជាងគេប្រចាំតំបន់អាស៊ាន។ ឥណ្ឌូណេស៊ីជាប្រទេសដែលសំបូរកីឡាករបាល់ទះល្អៗ ប៉ុន្តែជាទូទៅ ឥណ្ឌូណេស៊ីមិនសូវសំបូរកីឡាករដែលមានកម្ពស់ចាប់ពី២ម៉ែត្រឡើងទេ។ ដូច្នេះក្រុមនីមួយៗបាននាំចូលកីឡាករឆ្នើមៗ កម្ពស់ខ្ពស់ៗមកពីប្រទេសផ្សេងដើម្បីពង្រឹងសមត្ថភាព និងប្រជែងជើងឯក។

ថ្ងៃនេះសារព័ត៌មាន«កម្ពុជាថ្មី» សូមលើកយកកីឡាករឆ្នើម៧រូបប្រចាំក្រុមទាំង៧ដែលលេចធ្លោគួរឲ្យចាប់អារម្មណ៍៖

កីឡាករតួកគី Gokhan Gokgoz

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Gokhan Gokgoz កើតឆ្នាំ១៩៩៣ មានកម្ពស់ ២.០០ម៉ែត្រ ធ្លាប់លេង៧ក្លិបផ្សេងគ្នា។ បច្ចុប្បន្ន រូបគេជាកីឡាករវ៉ៃផ្តាច់ក្រៅប្រអប់រំរបស់ ក្លិប Kudus Sukun Badak។

កីឡាករប្រេស៊ីល Renan Buiatti

កីឡាករជម្រើសជាតិប្រេស៊ីល Renan Buiatti កើតឆ្នាំ១៩៩០ មានកម្ពស់២.១៧ម៉ែត្រ មានបទពិសោធលេងឲ្យក្លិបជាច្រើននៅប្រទេសប្រេស៊ីល អ៉ីតាលី តួកគី បារាំង និងចុងក្រោយក្លិប Jakarta Lavani Forever ដែលមានកីឡាករប៉ះសេឆ្នើម Dio ធ្លាប់មកលេងនៅកម្ពុជា។

កីឡាករអ៉ីរ៉ង់ Porya Yali

កីឡាករជម្រើសជាតិអ៉ីរ៉ង់ Porya Yali កើតឆ្នាំ១៩៩៩ មានកម្ពស់២.១០ម៉ែត្រ ធ្លាប់លេងឲ្យក្លិបអាជីព៦ផ្សេងគ្នា និងចុងក្រោយក្លិប Jakarta Pertamina Pertamax របស់ឥណ្ឌូណេស៊ី។

កីឡាករម៉ាលី Noumory Keita

កីឡាករម៉ាលី Noumory Keita កើតឆ្នាំ២០០១ មានកម្ពស់២.០៦ម៉ែត្រ បានឆ្លងកាត់បទពិសោធច្រើនជាងមួយក្លិប៥ផ្សេងគ្នាមុនពេលចូលរួមជាមួយក្លិបឥណ្ឌូណេស៊ី Jakarta Bhayangkara Presisi។

កីឡាករស៊ែប៊ី Stefan Kovačević

កីឡាករស៊ែប៊ី Stefan Kovačević កើតឆ្នាំ១៩៩៥ មានកម្ពស់ ២.០៧ម៉ែត្រ មានបទពិសោធច្រើនណាស់គិតចាប់តាំងពីឆ្នាំ២០១១មក។ រូបគេបានឆ្លងកាត់ក្លិបអាជីពមិនក្រោម១០ក្លិបទេគឺនៅប្រទេសកំណើតស៊ែប៊ី រ៉ូម៉ានី ឥណ្ឌា និងចុងក្រោយជាមួយឥណ្ឌូណេស៊ី Jakarta STIN BIN ដែលមានកីឡាករឥណ្ឌូណេស៊ី២រូបធ្លាប់មកលេងនៅកម្ពុជាគឺ កីឡាករ Luvi Febrian និង Doni Haryono។

កីឡាករអ៉ីរ៉ង់ Armin Afshin Far

កីឡាករអ៉ីរ៉ង់ Armin Afshin Far កើតឆ្នាំ១៩៩៨ មានកម្ពស់២.០៧ម៉ែត្រ ធ្លាប់លេងនៅលីគកំពូលអ៉ីរ៉ង់ តួកគី មុនពេលចូលរួមជាមួយក្លិបឥណ្ឌូណេស៊ី Palembang Bank Sumsel Babel។

កីឡាករឥណ្ឌូណេស៊ី Dawuda Alaihissalam

កីឡាករឥណ្ឌូណេស៊ី Dawuda Alaihissalam កើតឆ្នាំ២០០៥ មានកម្ពស់១.៩៧ម៉ែត្រ ជាកីឡាករគួរឲ្យចាប់អារម្មណ៍ប្រចាំក្លិប Jakarta Garuda Jaya ប៉ុន្តែរូបគេមិនធ្លាប់បានចេញលេងនៅក្រៅប្រទេសទេ។

ការប្រកួតបើកឆាក ក្រុម Jakarta Lavani ត្រូវតទល់ជាមួយក្រុម Jakarta Garuda Jaya វេលាម៉ោង២រសៀល (ម៉ោងឥណ្ឌូណេស៊ី) ថ្ងៃទី២៥ ខែមេសា ឆ្នាំ២០២៤។ គូនេះពិតជាគួរឲ្យចាប់អារម្មណ៍សម្រាប់អ្នកគាំទ្រកម្ពុជាដែលធ្លាប់ស្គាល់តារាប៉ះសេឆ្នើមឥណ្ឌូណេស៊ី Dio ធ្លាប់មកលេងឲ្យក្លិបបញ្ជាការដ្ឋានអង្គរក្ស។ រូបគេនឹងក្លាយជាអ្នកបញ្ជូនបាល់ដ៏សំខាន់ឲ្យកីឡាករជម្រើសជាតិប្រេស៊ីល Renan Buiatti ផ្តាច់។

កម្មវិធីប្រកួតសប្តាហ៍ទី១

ទី២៥ មេសា ២០២៤

-LavAni Allo vs Garuda Jaya ម៉ោង២រសៀល

ទី២៦ មេសា ២០២៤

-Kudus Sukun Badak vs Jakarta STIN BIN ម៉ោង៦:៣០នាទីល្ងាច

ទី២៧ មេសា ២០២៤

-Pertamina Pertamax vs Garuda Jaya ម៉ោង២រសៀល

-Bandung bjb Tandamata vs Jakarta STIN BIN ម៉ោង៤រសៀល

-Bhayangkara Presisi vs Sumsel Babel ម៉ោង៦:៣០នាទីល្ងាច

ទី២៨ មេសា ២០២៤

-Pertamina Pertamax vs Jakarta STIN BIN ម៉ោង២រសៀល

-LavAni vs Sumsel Babel ម៉ោង៦:៣០នាទីល្ងាច

អត្ថបទ៖ វីរបុត្រ

Related Topics:កីឡាបាល់ទះ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា