ក្រុមព្រះខ័នរាជស្វាយរៀង U18 ឡើងដល់វគ្គផ្ដាច់ព្រ័ត្រស្វាយរៀងស៊ូបភើខាប់ 

ក្រុមព្រះខ័នរាជស្វាយរៀង U18 បានឡើងដល់វគ្គផ្ដាច់ព្រ័ត្រ ពានរង្វាន់ ស្វាយរៀងស៊ូបភើខាប់ លើកទី១ ក្រោយឈ្នះក្រុមគោព្រៃ ភូមិស្វាយធំ ក្នុងលទ្ធផល ៤-១ កាលថ្ងៃសៅរ៍​ ទី៧ ខែកញ្ញា។

គ្រាប់បាល់៤គ្រាប់របស់ក្រុមព្រះខ័នរាជស្វាយរៀង U18 រកបានដោយកីឡាករ២រូបក្នុងនោះគ្រាប់បាល់ចំនួន៣គ្រាប់រកបានដោយកីឡាករពាក់លេខ១១ នៅ សុភត្រា នៅនាទី១០ ៧៩ និង៨៦ ខណៈ១គ្រាប់ទៀតរកបានដោយកីឡាករពាក់លេខ៨ វ៉ាន់ ចាន់ដេត។ ចំណែក១គ្រាប់របស់ក្រុមគោព្រៃភូមិស្វាយធំ រកបានដោយកីឡាក្រពាក់លេខ១៧ រិទ្ធិ តុលា នៅនាទី៦២។

ចំពោះការប្រកួតវគ្គពាក់កណ្ដាលផ្ដាច់ព្រ័ត្ររវាងក្រុមស្នងការដ្ឋាននគរបាលខេត្តស្វាយរៀង ជួបជាមួយក្រុម សសយក ស្រុកបាវិត នឹងត្រូវឡើងនៅវេលាម៉ោង២:៣០នាទីរសៀល ថ្ងៃអាទិត្យ ទី១៥ ខែកញ្ញា ហើយក្រុម​ឈ្នះត្រូវឡើងជួបក្រុមព្រះខ័នរាជស្វាយរៀង U18 នៅវគ្គផ្ដាច់ព្រ័ត្រ៕

អត្ថបទ៖ ផា រតនា