កីឡា
សម្តេចតេជោ ហ៊ុន សែន ៖«កីឡាករវ៉ៃញឹកញាប់ពេកមិនគួរឲ្យកើតមាន»
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជាបានស្នើឲ្យថ្នាក់ដឹកនាំកីឡា ជាពិសេសសហព័ន្ធប្រដាល់គុនខ្មែរត្រូវពិនិត្យមើលឡើងវិញពីបញ្ហាផ្គូផ្គងកីឡាករ កីឡាការិនីប្រដាល់ឲ្យឡើងប្រកួតញឹកញាប់ក្នុងរយៈពេលមួយខ្លី។
ការលើកឡើងរបស់សម្តេចតេជោ ហ៊ុន សែន បានកើតមានឡើងក្នុងឱកាសដែលសម្តេចបានអញ្ជើញចូលរួមក្នុងពិធីសំណេះសំណាល និងពិសាភោជនាហារសាមគ្គីជាមួយក្រុមបាល់ទាត់តារាកម្ពុជា និងក្រុមកីឡាករគុនខ្មែរ នៅល្ងាចថ្ងៃសុក្រ ទី១ ខែវិច្ឆិកា ឆ្នាំ២០២៤ នៅមជ្ឈមណ្ឌលសន្និបាត និងពិព័ណ៌ជ្រោយចង្វារ។
សម្តេចតេជោមានប្រសាសន៍ថា ៖«ការឡើងប្រកួតមួយអាទិត្យម្តងមិនអាចទៅរួចទេ ខូចកីឡាករអស់ហើយ។ សូមឲ្យថ្នាក់ដឹកនាំកីឡាយកចិត្តទុកដាក់ទៅលើបញ្ហាការផ្គូផ្គងសម្រាប់ការប្រកួត។ ប្រសិនបើការប្រកួតញឹកញាប់ពេក ឈឺខ្លួនមួយថ្ងៃ ឈឺខ្លួនមួយអាទិត្យ មួយអាទិត្យក្រោយឡើងវ៉ៃទៀតគឺមិនអាចទៅរួចទេ។ ធ្វើយ៉ាងនេះខូចកីឡាករ បាក់កីឡាករអស់»។
សម្តេចតេជោបន្តថា ៖«ស្ថានភាពនេះមិនគួរឲ្យកើតមានក្នុងការគ្រប់គ្រងកីឡាទេ។ នៅពេលខាងមុខនេះត្រូវតែយកចិត្តទុកដាក់ក្នុងការផ្គូផ្គងកីឡាករឲ្យឡើងប្រកួត។ មិនអាចចេះតែធ្វើទៅតាមចំណង់ចំណូលចិត្តបានទេ ប៉ុន្តែយើងត្រូវទទួលស្គាល់ដែរថា យើងក៏ខ្វះអ្នកកីឡាពេលនេះ។ ការខ្វះកីឡាករ កីឡាការិនី ជាពិសេសកីឡាប្រដាល់របស់យើងក៏អាចបណ្តាលមកពីការខ្វះការបណ្តុះបណ្តាលធនធានកីឡារបស់យើង»។
ជាមួយគ្នានេះ សម្តេចតេជោ ហ៊ុន សែន បានផ្តួចផ្តើមឲ្យមានវិធីសាស្ត្រក្នុងការអភិវឌ្ឍកីឡាប្រដាល់គុនខ្មែរឲ្យមាននិរន្តរភាព ពីព្រោះកីឡាករ កីឡាការិនីប្រដាល់មិនអាចឡើងប្រកួតបានយូរអង្វែងអស់មួយជីវិតនោះទេ ដូច្នេះត្រូវការបណ្តុះបណ្តាលថ្នាលយុវជនដើម្បីបន្តវេន។
សម្តេចតេជោមានប្រសាសន៍ថា ៖«ដូច្នេះខ្ញុំយកគំនិតផ្តួចផ្តើមដើម្បីជំរុញកីឡាប្រដាល់គុនខ្មែរនេះតាមរយៈមេរៀនពិសោធដែលកំពុងកើតមាននៅទីក្រុងភ្នំពេញដែលមានអ្នកគាំទ្រតាមបណ្តាក្លិប ឲ្យកើតមាននៅតាមបណ្តាខេត្តទូទាំងប្រទេសរបស់យើង»។
សម្តេចតេជោបានសង្កត់ធ្ងន់ថា ការបណ្តុះបណ្តាលអ្នកបន្តវេនមិនអាចធ្វើតែនៅរាជធានីភ្នំពេញនោះទេ ប៉ុន្តែត្រូវរៀបចំឲ្យមានក្លិបតាមបណ្តាខេត្តដើម្បីឲ្យយុវជនបានហ្វឹកហាត់កីឡាផង និងបន្តការសិក្សាផង។ ជម្រើសដែលអាចទៅរួចគឺក្រុមហ៊ុនឯកជន ឥស្សរជន ថ្នាក់ដឹកនាំចូលរួមឧបត្ថម្ភគាំទ្រតាមបណ្តាក្លិបប្រដាល់តាមខេត្តទើបជាការល្អ។
សម្តេចតេជោបញ្ជាក់ថា ការប្រកួតបាល់ទាត់មិត្តភាពសប្បុរសធម៌ដើម្បីលើកស្ទួយគុនខ្មែរដែលរកថវិកាបានជាង១ពាន់លានរៀលគឺគ្រាន់តែជាវិធីបណ្តោះអាសន្នក្នុងរយៈពេលខ្លីប៉ុណ្ណោះ ប៉ុន្តែប្រសិនបើមានក្រុមហ៊ុនឯកជន ថ្នាក់ដឹកនាំ ឥស្សរជនឧបត្ថម្ភគាំទ្រដល់ក្លិបនីមួយៗតាមបណ្តាខេត្តទើបជាជម្រើសនិរន្តរភាពយូរអង្វែង៕
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា