កីឡា

Luvi ប្រាប់ថា មកលេងនៅកម្ពុជាលើកទី២ ពិសេសលើសពីការប្រកួតបាល់ទះ

បានផុស

១ year មុន

នៅ

ថ្ងៃអង្គារ ៧ មករា ២០២៥

ដោយ

កីឡាករបាល់ទះឥណ្ឌូណេស៊ី Luvi Febrian Nugraha បានវិលត្រឡប់មកលេងឲ្យក្លិបបាល់ទះបញ្ជាការដ្ឋានអង្គរក្សជាលើកទី២ បន្ទាប់ពីបានជួយឲ្យក្លិបកម្ពុជាមួយនេះបានឈ្នះជើងឯកតេជោលីគកាលពីរដូវកាល២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចប់សន្និសីទសារព័ត៌មានស្តីពីការប្រកួតតេជោលីគរដូវកាល២០២៥ កីឡាករ Luvi បានប្រាប់ថា រូបគេសម្រេចមកលេងនៅប្រទេសកម្ពុជាជាលើកទី២គឺមានអ្វីពិសេសជាងពីការលេងបាល់ទះថែមទៀត។

កីឡាករបាននិយាយតាមរយៈអ្នកបកប្រែថា ៖«ខ្ញុំសប្បាយរីករាយណាស់ ពីព្រោះខ្ញុំបានចូលរួមជាមួយក្លិបដែលខ្ញុំធ្លាប់បានលេងជាមួយគ្នាកាលពីមុន។ ខ្ញុំអាចនិយាយបានថា យើងមានអនុស្សាវរីយ៍កម្សត់ជូរចត់ជាមួយគ្នា ហើយមានមិត្តភក្តិច្រើននៅកម្ពុជា។ ការមកកម្ពុជាលើកទី២នេះគឺមិនមែនត្រឹមតែជាការប្រកួតប៉ុណ្ណោះទេ តែអ្នកគាំទ្រកម្ពុជាទទួលរាក់ទាក់យ៉ាងកក់ក្តៅ មានមិត្តភក្តិល្អៗ ក្លិបទទួលផ្តល់ភាពកក់ក្តៅ ជាពិសេសក្លិបតែងតែបំពេញតាមអ្វីដែលខ្ញុំចង់បាន»។

កីឡាករ Luvi Febrian Nugraha បានបន្ថែមថា រូបគេសូមអរគុណយ៉ាងខ្លាំងដល់អ្នកគាំទ្រកម្ពុជាដែលស្រឡាញ់ពេញចិត្ត និងលើកទឹកចិត្តដល់លោក ព្រមទាំងក្រុមទាំងមូល ហើយលោកសង្ឃឹមធ្វើបានល្អដើម្បីយកពានរង្វាន់ជូនអ្នកគាំទ្រជាលើកទី២។

Luvi ជាកីឡាករឥណ្ឌូណេស៊ីម្នាក់ក្នុងចំណោមកីឡាករឥណ្ឌូណេស៊ី៤នាក់ដែលមកចូលរួមជាមួយក្លិបបញ្ជាការដ្ឋានអង្គរក្សគឺ Febri, Okky និងViko ប៉ុន្តែមានតែរូបគេម្នាក់ប៉ុណ្ណោះដែលបានលេងជាលើកទី២ ខណៈ៣នាក់ផ្សេងទៀតទើបមកចូលរួមលើកទី១។

សូមបញ្ជាក់ថា តេជោលីគ រដូវកាល ២០២៥ មានក្រុម៨គឺ

វិសាខា
ក្រសួងមហាផ្ទៃ
បញ្ជាការដ្ឋានអង្គរក្ស
កងពលធំអន្តរាគមន៍លេខ៣
នគរបាលរាជធានីភ្នំពេញ
នគរបាលខេត្តតាកែវ
នគរបាលខេត្តពោធិ៍សាត់
នគរបាលខេត្តស្វាយរៀង

ការប្រកួតនឹងចាប់ផ្តើមពីថ្ងៃទី១០ ខែមករា ដល់ថ្ងៃទី២០ ខែកុម្ភៈ ឆ្នាំ២០២៥៕

អត្ថបទ៖ វីរបុត្រ

Related Topics:កីឡាបាល់ទះ Cambodian Volleyball League តេជោលីគ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា