កីឡា

អតីតអ្នកហែលទឹក Kirsty ក្លាយជាស្ត្រីទី១កាន់តំណែងប្រធានស្ថាប័នកីឡាកំពូលលើលោក

បានផុស

១ year មុន

នៅ

ថ្ងៃសុក្រ ២១ មីនា ២០២៥

ដោយ

លោកស្រី Kirsty Leigh Coventry Seward ជនជាតិហ្ស៊ីមបាវ៉េ ត្រូវបានអង្គមហាសន្និបាតបោះឆ្នោតជ្រើសរើសជាប្រធានគណៈកម្មាធិការអូឡាំពិកអន្តរជាតិ (IOC) ថ្មី កាលពីយប់ថ្ងៃទី២០ ខែមីនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីចូលកាន់តំណែងជំនួសលោក Thomas Bach ដែលបានកាន់តំណែងប្រធានគណៈកម្មាធិការអូឡាំពិកអន្តរជាតិតាំងពីឆ្នាំ២០១៣។ អតីតប្រធានជនជាតិអាល្លឺម៉ង់រូបនេះត្រូវបានផ្តល់តួនាទីជាប្រធានកិត្តិយសនៃគណៈកម្មាធិការអូឡាំពិកអន្តរជាតិ។

លោកស្រី Kirsty Coventry បានក្លាយជាស្ត្រីដំបូងគេបង្អស់ក្នុងការកាន់តំណែងជាប្រធានស្ថាប័នកីឡាកំពូលនៅលើពិភពលោក បន្ទាប់ពីស្ថាប័ននេះមានប្រធានចំនួន៩នាក់កន្លងមកសុទ្ធតែបុរសតាំងពីឆ្នាំ១៨៣៥។ លោកស្រីនឹងចូលកាន់តំណែងផ្លូវការជំនួសលោក Thomas Bach នៅថ្ងៃទី២៣ ខែមិថុនា ឆ្នាំ២០២៥។

លោកស្រី Kirsty ដែលមានអាយុ៤១ឆ្នាំ ជាកីឡាការិនីហែលទឹកជម្រើសជាតិហ្ស៊ីមបាវ៉េដ៏ឆ្នើមគិតចាប់តាំងពីឆ្នាំ២០០០ រហូតដល់ចូលនិវត្តន៍នៅឆ្នាំ២០១៦។ ក្នុងអាជីពហែលទឹករយៈពេល១៦ឆ្នាំ លោកស្រីទទួលបានមេដាយមាសចំនួន២០គ្រឿងពីការប្រកួតកីឡាអូឡាំពិក កីឡាទ្វីបអាហ្វ្រិក និងជើងឯកហែលទឹកពិភពលោក ព្រមទាំងមេដាយប្រាក់ និងសំរិទ្ធជាច្រើនទៀត។

ក្រោយមក លោក Kirsty បានចូលក្រឡូកក្នុងវិស័យនយោបាយ ហើយនៅឆ្នាំ២០១៩ លោកស្រីត្រូវបានតែងតាំងជារដ្ឋមន្ត្រីក្រសួងយុវជន កីឡា សិល្បៈ និងកម្សាន្ត ក្រោមអាណត្តិប្រធានាធិបតី Emmerson Mnangawa។

លោកស្រីបានរៀបការជាមួយលោក Tyrone Seward និងមានកូន២នាក់សម្រាប់ជាចំណងដៃអាពាហ៍ពិពាហ៍៕

អត្ថបទ៖ វីរបុត្រ

Related Topics:IOC

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា