កីឡា
ពេជ្រ សឹង្ហៈ ទោះល្បី និងមានប្រជាប្រិយភាពខ្លាំងក៏ដោយ ប៉ុន្តែមិនអាចមើលស្រាល ឌឹម សារុំ បានឡើយ
ជំនួបរវាង ពេជ្រ សឹង្ហៈ និង ឌឹម សារុំ ក៏ជាជំនួបនឹងល្អមើលហើយជក់ចិត្តមួយដែរនៅថ្ងៃទី២៨ ខែមិថុនា ឆ្នាំ២០២៥ នេះ ព្រោះសុទ្ធតែជាអ្នកដែលល្អដៃដូចគ្នា និងមិនអាចមើលស្រាលសមត្ថភាពបានឡើយបើទោះជាមិនសូវល្បីឈ្មោះក៏ដោយ។
រូបភាពផេក ពេជ្រ សឹង្ហៈ
ប្រជាប្រិយភាព និងក្បាច់គុនរបស់ ពេជ្រ សឹង្ហៈ គឺល្បីមានមហាជនស្គាល់ច្រើននាពេលកន្លងមក ដោយសារតែការប្រកួតម្ដងៗរបស់គេធ្វើឲ្យកក្រើក និងជក់ចិត្ត។ កូនសិស្សគ្រូឆ្នើមរូបនេះគឺមានគ្រប់គ្រឿងទៅហើយខុសពីបងប្រុសរបស់គេគឺ ពេជ្រ សម្បត្តិ ដែលផ្ដោតលើអាវុធកណ្ដាប់បំផុត។
រូបភាពផេក ពេជ្រ សឹង្ហៈ
អ្នកគាំទ្រមួយចំនួនធំក៏រើសយក ពេជ្រ សឹង្ហៈ ផងដែរដោយសារតែដឹងពីសមត្ថភាពផង និងដឹងពីគុណភាពកីឡាកររបស់ក្លឹបគ្រូឆ្នើម ពេជ្រ សុផាន់ ផង។ ប៉ុន្តែសំអាងលើចំណុចខ្លាំងទាំងនេះមែនក៏មិនអាចមើលស្រាល ឌឹម សារុំ បានឡើយ។
រូបភាពហ្វេសបុក KKIF
ងាកមកចាប់អារម្មណ៍ចំពោះសមត្ថភាពអ្នកលេងកណ្ដាប់ដៃត្រកូល ឌឹម ម្នាក់នេះវិញក៏មិនអន់ដែរ។ បើទោះជាមិនសូវល្បីលើបណ្ដាញសង្គមដូច សឹង្ហៈ ប៉ុន្តែកីឡាកររូបនេះមានសមត្ថភាព និងអាវុធគ្រោះថ្នាក់ដល់ដៃគូប្រកួតផងដែរ។ សារុំ ធ្លាប់បានទៅហ្វឹកហាត់នៅក្លឹបប្រដាល់សកលរបស់លោក Manny Pacquiao រយៈពេល ៣ខែនៅឯប្រទេសហ្វីលីពីន។
រូបភាពហ្វេសបុក KKIF
ការហ្វឹកហាត់ជាគ្រូប្រដាល់សកលអាជីព និងបទពិសោធប្រកួត៥ប្រកួតនៅទីនោះបានធ្វើឲ្យយុវជនកម្ពុជារូបនេះមានសមត្ថភាព បច្ចេកទេសកើនឡើងគួរឲ្យកត់សម្គាល់។ តាមអ្វីដែលមើលឃើញជាក់ស្ដែង និងការយកឈ្នះដៃគូតាមសង្វៀននានាក្នុងប្រទេសកម្ពុជា ឌឹម សារុំ ប្រើប្រាស់កណ្ដាប់ដៃឆ្វេងស្ដាំបានល្អតាមបច្ចេកទេសរបស់ប្រដាល់សកល និងធ្ងន់ទៀតផង។ ការចេញ-ចូលលឿន និងបិតខាងលើរហ័សហើយជិតល្អថែមទៀត។ ចំណុចល្អរបស់គេមួយទៀតនោះមិននៅស្ងៀមឲ្យវាយស្រួលនោះទេ ពោលតែងតែកាត់មុន ឬថយគេចតាមចង្វាក់ដៃគូបុកចូលមក។ ដូច្នេះដៃគូវាយមិនសូវដល់ ឬវាយចូលមិនពេញកម្លាំងនោះឡើយ។
រូបភាពហ្វេសបុក KKIF
កណ្ដាប់ដៃរបស់ សារុំ លឿន និងធ្ងន់ល្អដូចអ្នកវាយបែបសកលអីចឹង ជាក់ស្ដែងដូចជាការផ្ដួល ប្រាក់ ចិត្រា ជាដើម។ ចំណុចល្អមួយទៀតរបស់កីឡាកររូបនេះគឺកម្លាំង បើទោះជាដៃគូបុកខ្លាំង និងត្រូវទប់ទល់ពីមួយទឹកទៅមួយទឹលទៀត ប៉ុន្តែរូបគេហាក់នៅមានស៊ុហ្វខ្លាំងល្អ។
រង់ចាំមើលរវាងអ្នកខ្លាំងដៃដូចគ្នា ពេជ្រ សឹង្ហៈ និង ឌឹម សារុំ នរណាជាអ្នកអាចយកជ័យជម្នះក្នុងការប្រកួតធំរបស់សង្វៀនហង្សមាស នៅថ្ងៃទី២៨ ខែមិថុនា ឆ្នាំ២០២៥ នេះ៕
អត្ថបទដោយ៖ នួន ស៊ីណា
ពេជ្រ សឹង្ហៈ ទោះល្បី និងមានប្រជាប្រិយភាពខ្លាំងក៏ដោយ ប៉ុន្តែមិនអាចមើលស្រាល ឌឹម សារុំ បានឡើយ
រុស្ស៊ី ព្រមានថា បើអាមេរិកបាញ់នុយក្លេអ៊ែរឬផ្លាស់ប្តូររបបនៅ អ៊ីរ៉ង់ នឹងបង្កមហន្តរាយធំធេង
រដ្ឋបាលឃុំស្វាយជ្រះ ដាក់ដេញថ្ងៃគម្រោងសាងសង់ផ្លូវប្រវែងសរុបជាង ៤ គីឡូម៉ែត្រ
លោក នួន សូរិយា លើកឡើងថា ច្បាប់គុនខ្មែរដាក់ពិន្ទុពេលរាប់២ដង គួរពិចារណាកែប្រែ
លោក ត្រាំ ត្អូញត្អែរថា អាមេរិកមានថ្ងៃឈប់ច្រើនពេក ខាតលុយរាប់ពាន់លានដុល្លារ
តួកគី ថ្កោលទោសថា Netanyahu សាហាវជាង Hitler ទៅទៀត
ពូទីន ស្នើជួយដោះស្រាយជម្លោះមជ្ឈិមបូព៌ា តែ ត្រាំ ប្រាប់វិញថា ដោះស្រាយរឿងខ្លួនឯងឲ្យចេញសិនទៅ ចាំគិតរឿងគេ
ក្រុមសកម្មប្រយុទ្ធនិកាយស៊ីអ៊ីតអ៊ីរ៉ាក់ គំរាមវាយមូលដ្ឋានទ័ពអាមេរិក បើ ត្រាំ ចូលជួយអ៊ីស្រាអែល
គណបក្សសំខាន់២ទៀតក្នុងរដ្ឋាភិបាលចម្រុះ បដិសេធ ផែថងថាន កាន់តំណែងបន្ត
អតីតកីឡាការិនីល្បុក្កតោ ពេជ្រ ចរណៃ ទំហំទឹកប្រាក់នៃការខូចខាតឆេះហាងអស់ខ្ទង់ ២៦ម៉ឺនដុល្លារ
-
នយោបាយ១ សប្តាហ៍ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ១ សប្តាហ៍ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម១ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ១ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ សប្តាហ៍ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ១ សប្តាហ៍ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន