កីឡា
ពេជ្រ សម្បត្តិ ផ្តាំ ក្មេងជំនាន់ក្រោយ បើចង់ហាត់ប្រដាល់គិតឲ្យច្បាស់ ការហាត់ប្រដាល់ហត់ជាងធ្វើសំណង់
ជើងខ្លាំងមកពីខេត្តកំពង់ស្ពឺគឺកីឡាករ ពេជ្រ សម្បត្តិ បានផ្ដាំផ្ញើដល់ក្មេងៗជំនាន់ក្រោយ បើចង់ចាប់អាជីពប្រដាល់សូមគិតឲ្យច្បាស់សិន។
ពេជ្រ សម្បត្តិ ពេលផ្ដួល Mario
កីឡាករ ពេជ្រ សម្បត្តិ បានឲ្យដឹងថា អាជីពជាអ្នកប្រដាល់មានតែការតស៊ូព្យាយាមប៉ុណ្ណោះទើបអាចជោគជ័យទៅបាន។ ប្រសិនបើមកហាត់បាន ២-៣ថ្ងៃឈឺខ្លួនឈប់ទៅវិញ ឬឡើងប្រកួត ខ្លាចគេ ខ្លាចសន្លប់ គឺមិនអាចទៅមុខរួចនោះឡើយ។
សម្បត្តិ ពេលឈ្នះពិន្ទុ Kabutov
ជើងខ្លាំងដើមកំណើតពីខេត្តកំពង់ស្ពឺរូបនេះបន្ថែមទៀតថា ប្រសិនបើអ្នកជំនាន់ក្រោយៗមានជីវភាពខ្វះខាតហើយមិនប្រាកដជាមួយវិស័យប្រដាល់ទេ សូមកុំចំណាយពេលអ្វីល្អជាងគួរងាកទៅរកករងារផ្សេងវិញ។ ការហ្វឹកហាត់ប្រដាល់មិនស្រួលទេហត់ជាងធ្វើការងារសំណង់ឆ្ងាយណាស់។ ការងារសំណង់ធ្វើហើយអត់ឈឺខ្លួន ប៉ុន្តែប្រដាល់ទាំងហាត់ និងឡើងប្រកួតគឺឈឺខ្លួន។ បើគិតច្បាស់ចាំចូលប្រឡូកក្នុងវិស័យប្រដាល់កុំបានតែមួយឆាវៗនាំឲ្យខាតពេលវេលា។
សម្បត្តិ ពេលឈ្នះពិន្ទុ Kabutov
បញ្ជាក់ដែរថា ពេជ្រ សម្បត្តិ ជាកីឡាករល្បីឈ្មោះមួយរូបនៅកម្ពុជា និងទទួលបានភាពជោគជ័យជាខ្លាំងក្នុងអាជីពមួយនេះ។ បន្ទាប់ពីចូលប្រឡូកក្នុងវិស័យប្រដាល់ប្រមាណជិត ៥ឆ្នាំមកនេះ រូបគេបានផ្លាស់ប្ដូរជីវភាពខ្លាំងមានរថយន្ត ផ្ទះ និង ថវិកាចាយវាយគ្រប់គ្រាន់ ព្រមទាំងមានកេរ្តិ៍ឈ្មោះល្បី។ អ្នកគាំទ្របានដឹងពីសមត្ថភាពជាកីឡាករមិនចេះថយ និងតែងតែប្រកួតអស់ៗពីសមត្ថភាពដោយមិនខ្លាចសន្លប់ក្រោយថ្វីដៃគូប្រកួត។ រូបគេជាកូនសិស្សបណ្ដុះដោយផ្ទាល់ដៃរបស់លោក ពេជ្រ សុផាន់៕
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ