កីឡា
ជប៉ុន ប៉ះ អាហ្សង់ទីន រសៀលនេះ ក្រោយឈ្នះ អាល្លឺម៉ង់ ម្សិលមិញ
ក្រុមបាល់ទះជម្រើសជាតិ ជប៉ុន កាន់តែខិតជិតកក់កៅអី ឡើងទៅកាន់វគ្គ ៨ ក្រុមចុងក្រោយ ក្នុងព្រឹត្តិការណ៍ លីគបាល់ទះជម្រើសជាតិពិភពលោក FIVB Men’s Nations League ឆ្នាំ ២០២៥ បន្ទាប់ពីឈ្នះ អាល្លឺម៉ង់ ដោយលទ្ធផល ៣-១ កាលពីល្ងាចថ្ងៃទី ១៦ ខែកក្កដា។
សិតទី១ អាល្លឺម៉ង់ បានយកឈ្នះ ជប៉ុន ដោយពិន្ទុ ២៥-២១ ប៉ុន្តែ ជប៉ុន បានវាយបក ៣ សិតចុងក្រោយក្នុងលទ្ធផល ២៥-២០, ២៥-២៣ និង ២៥-២០ ដើម្បីបង្កើនស្ថិតិឈ្នះ ៦ លើក និងចាញ់ ៣ លើក រកបាន ១៨ ពិន្ទុ ឈរចំណាត់ថ្នាក់លេខ ៤ បង្កើតភាពកក់ក្តៅ ក្នុងការឡើងទៅកាន់វគ្គ ៨ ក្រុមចុងក្រោយ។
នៅវេលាម៉ោង ៤ រសៀល ថ្ងៃនេះ ជប៉ុន ត្រូវប៉ះ អាហ្សង់ទីន សម្រាប់ការប្រកួតទី ១០។ អាហ្សង់ទីន បានចាញ់ ប្រេស៊ីល ១-៣ ដែលធ្វើឲ្យពួកគេកាន់តែស្តូចស្តើងក្នុងការឡើងទៅវគ្គបន្ត។ គិតត្រឹមការប្រកួតទី ៩ អាហ្សង់ទីន ឈ្នះ ៥ និងចាញ់ ៤ រកបាន ១៣ ពិន្ទុ ស្ថិតនៅលេខ ៩។
រហូតដល់ពេលនេះ មានតែក្រុមបាល់ទះ ជម្រើសជាតិ ប្រេស៊ីល មួយគត់ដែលបានឡើងទៅកាន់វគ្គ ៨ ក្រុមចុងក្រោយមុនគេ បន្ទាប់ពីឈ្នះ ៨ ប្រកួត និងចាញ់ ១ ប្រកួត រកបាន ២៣ ពិន្ទុ ស្ថិតនៅកំពូលតារាង។
ក្រុមទាំង ១៨ នៅសល់ ៣ ប្រកួតទៀត គិតទាំងការប្រកួតនៅថ្ងៃទី ១៧ ខែកក្កដា នេះដើម្បីបញ្ចប់វគ្គវិលជុំសន្សំពិន្ទុ ហើយក្រុមលំដាប់កំពូលទាំង ៧ និងក្រុមជម្រើសជាតិ ចិន បានឡើងទៅវគ្គ ៨ ក្រុមចុងក្រោយ។ បច្ចុប្បន្ន ចិន ស្ថិតនៅចំណាត់ថ្នាក់លេខ ១៥ បន្ទាប់ពីឈ្នះ ២ និងចាញ់ ៧ ប៉ុន្តែ ចិន ក្នុងនាមជាម្ចាស់ផ្ទះ បានឡើងទៅកាន់វគ្គ ៨ ក្រុមចុងក្រោយដោយស្វ័យប្រវត្តិ៕
អត្ថបទ៖ វីរបុត្រ
Photo by Volleyballworld
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព