បច្ចេកវិទ្យា
សញ្ញាថាពួក Hacker កំពុងព្យាយាមជ្រៀតចូលបណ្ដាញសន្តិសុខព័ត៌មានវិទ្យារបស់យើង
បច្ចុប្បន្ននេះក្រុមហ៊ុនធំៗកំពុងប្រឈមបញ្ហាសន្តិសុខព័ត៌មានវិទ្យាពីពួក Hacker ដែលព្យាយាមលួចយកព័ត៌មានដើម្បីយកប្រយោជន៍ផ្សេងៗតាមដែលអាចធ្វើបានរួមមាន ការបន្លំលួចប្រាក់ និងបង្ខូចកេរ្តិ៍ឈ្មោះជាដើម។
ថ្មីៗនេះលោក Jason Lackey មកពីក្រុមហ៊ុនសន្តិសុខ Cisco បានសម្ភាសន៍អតីតសមាជិកនៃក្រុម hacker អនាមិកម្នាក់ដែលឈ្មោះក្រៅ SparkyBlaze ពីអសន្តិសុខព័ត៌មានវិទ្យាតាមបណ្ដាក្រុមហ៊ុន។
នៅក្នុងប្លក់របស់ Jason Lackey ដែលមានចំណងជើង “Life After Anonymous – Interview with a Former Hacker” លោកបានសរសេរពីគំនិតរបស់ SparkyBlaze ស្តីពីស្ថានភាពបច្ចុប្បន្ននៃឧស្សាហកម្មសន្តិសុខបច្ចេកវិទ្យាពីសុវត្ថិភាពនៅកន្លែងធ្វើការ។
លោក SparkyBlaze បាននិយាយថា សុវត្ថិភាពព័ត៌មានវិទ្យាមានភាពរញ៉េរញៃសាំញ៉ាំ។ ប៉ុន្តែក្រុមហ៊ុនភាគច្រើនបែរជាមិនចង់ចំណាយពេល ឬថវិកាទៅលើសុវត្ថិភាពកុំព្យូទ័រ ដោយសារពួកគេគិតថាវាមិនសំខាន់។ ពួកគេមិនខ្វល់ពីការការពារទិន្នន័យដើម្បីមានសុវត្ថិភាពដល់ក្រុមហ៊ុនដែរ។ ក្រុមហ៊ុនភាគច្រើនមិនទាំងបណ្ដុះបណ្ដាលបុគ្គលិករបស់ខ្លួនឲ្យចេះបើកឯកសារភ្ជាប់ពីមនុស្សដែលមិនស្គាល់ថែមទៀត ដែលនេះជាបញ្ហានាំឲ្យកើតមានការលួចយកទិន្នន័យបានយ៉ាងស្រួល។ បញ្ហាមិនមែនស្ថិតត្រង់កម្មវិធីទេ តែអាស្រ័យលើមនុស្សដែលប្រើប្រាស់វា។ លោកបន្ថែមថា ក្រុមហ៊ុនត្រូវតែបង្រៀនបុគ្គលិកពីគោលការណ៍សន្តិសុខព័ត៌មានវិទ្យាឲ្យបានច្បាស់លាស់ ពុំនោះទេអសន្តិសុខបច្ចេកវិទ្យាអាចកើតឡើងគ្រប់ពេល។
អតីត hacker រូបនេះ បានលើកឡើងបន្ថែមទៀតពីបញ្ហាប្រឈមសុវត្ថិភាពព័ត៌មានវិទ្យា នៅក្នុងបទសម្ភាសន៍ថា អាចបណ្ដាលមកពីសង្គមឬមនុស្សដែលធ្វើក្លែងជានរណាម្នាក់ ដើម្បីទទួលបានព័ត៌មានឯកសិទ្ធិទៅកាន់បុគ្គលិកក្រុមហ៊ុន។
ហេតុនេះគ្រប់ក្រុមហ៊ុន ត្រូវតែបណ្ដុះបណ្ដាលបុគ្គលិកឲ្យផ្ទៀងផ្ទាត់អត្តសញ្ញាណមនុស្សម្ខាងទៀតដែលកំពុងស្នើសុំព័ត៌មានពីខាងយើងឲ្យបានហ្មត់ចត់ច្បាស់លាស់។
បច្ចេកទេសពីរដែលអាចបង្រៀននិយោជិកបានគឺ៖
១. សួរសំណួរផ្ទៀងផ្ទាត់៖ នៅពេលនរណាម្នាក់ហៅចូល ស្នើសុំចូលប្រព័ន្ធឬលេខសម្ងាត់ សូមសួរសំណួរជាស៊េរី ដើម្បីជួយក្នុងការផ្ទៀងផ្ទាត់អត្តសញ្ញាណរបស់ជនខិលខូច។ ប្រសិនបើនិយោជិកមិនអាចផ្ទៀងផ្ទាត់ថា មនុស្សនោះជានរណាទេ ពួកគេពិបាកបដិសេធសំណើណាស់។ ដោយឡែកប្រព័ន្ធនេះដំណើរការបាន លុះត្រាតែក្រុមហ៊ុនបានបង្កើតសំណួរ ហើយបានអនុវត្តដំណើរការនៅទូទាំងអង្គភាព។
២. ហៅទូរសព្ទត្រឡប់ទៅវិញ៖ បើសិននរណាម្នាក់ហៅទូរសព្ទចូល មកស្នើសុំលេខសម្ងាត់ ឬប្រភេទព័ត៌មានផ្សេងៗទៀត ត្រូវប្រាប់ឲ្យចាំសិន ដោយថាយើងនឹងហៅត្រឡប់ទៅវិញ។ កត់លេខទូរសព្ទទុក ឬបញ្ជូនដោយផ្ទាល់ទៅអង្គភាពទាំងមូល ដើម្បីផ្សព្វផ្សាយឲ្យបុគ្គលិកគ្រប់ថ្នាក់ប្រុងប្រៀប។ បន្ទាប់មកទៀត ហៅទូរសព្ទត្រឡប់ទៅវិញ បើសិនគេនិយាយថា ពួកគេមិនស្គាល់អ្នកដែលបានខលមកយើងទេនោះមានន័យថា គេកំពុងបន្លំយកព័ត៌មានពិតមែន៕
ប្រែសម្រួល៖ សន្យា
ប្រភព៖ i-Sight
ចុចអាន៖តើបណ្ដាញ linkedin គឺជាអ្វី និងមានសារៈប្រយោជន៍បែបណាខ្លះ?
ចុចអាន៖តាមមិនទាន់និន្នាការទំាង៦នេះ រស់នៅសម័យឌីជីថល នឹងស្គាល់ពិបាកហើយ!
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»