បច្ចេកវិទ្យា
សញ្ញាខ្លះៗ បញ្ជាក់ថា Laptop របស់អ្នក ជិតចូលនិវត្តហើយ
កំុព្យូទ័រយួរដៃប្រភេទ Window ជាមធ្យម មានអាយុមិនលើសពី ៤-៥ឆ្នាំឡើយ បើទោះជាមានការថែទាំល្អយ៉ាងណា ក៏ដោយ។ សម្រាប់កុំព្យូរទ័រយួរដៃ ដែលមានអាយុកាន់តែចាស់ឆ្នាំ កាន់តែពិបាកប្រើ ស្ពឹក និងមានបញ្ហាដែលត្រូវជួសជុល ញឹកញាប់ថែមទៀតផង ដែលនេះបញ្ជាក់ថា ដល់ពេលដែលយើងគួរពិចារណាប្តូរចេញហើយ។
នៅពេលនេះ កម្ពុជាថ្មី សូមលើកយកបញ្ហាខ្លះៗ ដែលអ្នកប្រើប្រាស់កំព្យូទ័រយួរដៃលើសពី ៣-៤ឆ្នាំ ច្រើនតែជួប។
១. ដំណើរការយឺត
បើទោះបីជាមានការថែទាំល្អប៉ុនណាក៏ដោយ អាយុកាលកំព្យូរទ័រយួរដៃ វាប្រៀបដូចជាវ័យរបស់មនុស្សអ៊ីចឹង ឱ្យតែចាស់ឆ្នាំ ដំណើរការនឹងកាន់យឺត មិនថាការបិទបើក ឬចូលទៅកាន់គេហទំព័រណាមួយនោះទេ។
២. ពិបាកដំណើរការកម្មវិធីច្រើន ក្នុងពេលតែមួយ
ជាធម្មតា សម្រាប់កំុព្យូទ័រយួរដៃថ្មី អាចបើកកម្មវិធីជាច្រើនក្នុងពេលតែមួយបាន និងងាយស្រួលប្រើផងដែរ។ ប៉ុន្តែសម្រាប់ កំុព្យូទ័រយួរដៃដែលចាស់ឆ្នាំ នឹងពិបាកក្នុងការធ្វើរឿងទាំងនេះ អាចធ្វើឱ្យដំណើតយឺត ឬគាំងតែម្តង។
៣. លែងគាំទ្រការអាប់ដេតប្រព័ន្ធប្រតិបត្តិការ
មិនខុសពីប្រព័ន្ធប្រតិបត្តិការលើទូរស័ព្ទដៃឡើយ សម្រាប់ Update គឺមានការកំណត់របស់វា។ សម្រាប់កំព្យូរទ័រយួរដៃ ដែលចាស់ឆ្នាំខ្លះ មិនអាចធ្វើកំណែលើប្រព័ន្ធប្រតិបត្តិការចុងក្រោយឡើយ ហើយខ្លះទៀត បើទោះជាអាចដំណើរការកំណែកម្មវិធីចុងក្រោយបាន ប៉ុន្តែនឹងអាចធ្វើឱ្យហាតវែនឹងមានបញ្ហា។
៤. កង្ហាររត់គ្រប់ពេល
ជាទូទៅ នៅពេលដែលយើងដំណើរការកម្មវិធីធំៗ លើប្រព័ន្ធប្រតិបត្តិការកុំព្យូទ័រយួរដៃ ឬប្រើរយៈពេលយូរម៉ោង កង្ហាររបស់វា នឹងដំណើរការដើម្បីឱ្យកុំព្យូទ័រយួរដៃត្រជាក់។ ប៉ុន្តែបើសិនជាប្រទះឃើញថា កង្ការរបស់វា ដំណើរការគ្រប់ពេល នោះជាសញ្ញាបញ្ជាក់ថា មិនប្រក្រតី ហើយខ្លះនឹងចាប់ផ្តើមលាន់សំឡេងខ្លាំងទៀតផង។
៥. លែងកាន់ថ្ម
ជាធម្មតា កំព្យូទ័រដែលមានអាយុច្រើនឆ្នាំ ច្រើនតែមានបញ្ហាមិនកាន់ថ្ម និងខ្លះ ត្រូវប្រើបណ្តើរសាកបណ្តើរថែមទៀត ដើម្បីអាចធ្វើកិច្ចការលើកំព្យូទ័រយួរដៃបាន។ ជាមួយគ្នានេះ វាអាចនឹងមានបញ្ហាឡើងកម្តៅផងដែរ។
ក្រៅពីនេះ នៅមានបញ្ហាមួយចំនួនទៀត ដូចជា កម្រិតបង្ហាញរបស់អេក្រង់ ចាប់ផ្តើមធ្លាក់ចុះគុណភាព ឬមិនអាចធ្វើ កំណែកម្មវិធីផ្សេងៗ លើ Hard Drive បាន។
បើតាមអ្នកជំនាញលើការជួសជុលកំព្យូទ័រយួរដៃ បញ្ជាក់ថា សម្រាប់អាយុកាលរបស់កំុព្យូទ័រយួរដៃប្រភេទ Window អាចខ្លីជាង macOS ដែលជាមធ្យម មិនលើសពី ៤-៥ឆ្នាំឡើយ។ បើសិនជាវាមានអាយុលើសនេះ អាចពិបាកប្រើប្រាស់ ត្រូវជួសជុលញឹកញាប់ ឬខ្លះលែងជួសជុលបានតែម្តង៕
អត្ថបទ៖ សុធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ