Connect with us

បច្ចេកវិទ្យា

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

បានផុស

នៅ

កាលពីថ្ងៃទី ១៥ ខែឧសភា ក្រុមហ៊ុនមិត្តហ្វូនបានបរិច្ចាគថវិកាបន្ថែមចំនួន ២ ម៉ឺនដុល្លារ ដល់សាខាកាកបាទក្រហមកម្ពុជាសាខាខេត្តកោះកុង។ ទន្ទឹមនឹងថវិកាចំនួន 100,000 ដុល្លារសម្រាប់ទីស្នាក់ការកណ្តាល និង 20,000 ដុល្លារសម្រាប់សាខាខេត្តសៀមរាប ដែលបានបរិច្ចាគពីមុនមក មិត្តហ្វូនបានបង្កើនការឧបត្ថម្ភសរុបរបស់ខ្លួនដល់កាកបាទក្រហមកម្ពុជាក្នុងឱកាសខួបលើកទី 161 នៃទិវាកាកបាទក្រហមអន្តរជាតិរហូតដល់ 140,000 ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងក្រុមហ៊ុនមិត្តហ្វូនសង្ឃឹមថា ថវិកាចំនួន 14 ម៉ឺនដុល្លារនេះ នឹងចូលរួមចំណែកមួយផ្នែកតូចដល់សកម្មភាពកាកបាទក្រហមកម្ពុជានៅឆ្នាំ 2024។ ដោយហេតុនេះនឹងជួយដល់បុគ្គលដែលជួបការលំបាកនិងខ្វះខាតទូទាំងប្រទេស ដែលជាទឹកដីសម្បូរដោយប្រាសាទ ដើម្បីឱ្យជីវិតកាន់តែប្រសើរឡើង។

មិត្តហ្វូន បានរួមដំណើរជាមួយកាកបាទក្រហមកម្ពុជា តាំងពីឆ្នាំ 2010 មកម្ល៉េះ ពោលគឺគម្រប់ 14 ឆ្នាំ ដែលមានទឹកប្រាក់បរិច្ចាគសរុប 3 លានដុល្លារអាមេរិក។ ក្រៅពីការបរិច្ចាកជាសាច់ប្រាក់ មិត្តហ្វូនក៏បានចូលរួមចំណែកក្នុងកិច្ចខិតខំប្រឹងប្រែង និងឧបត្ថម្ភសម្ភារសំខាន់ៗ និងការផ្គត់ផ្គង់ផ្សេងៗ សម្រាប់សកម្មភាពសប្បុរសធម៌របស់កាកបាទក្រហមទូទាំង 25 ខេត្តក្រុងក្នុងប្រទេសកម្ពុជាផងដែរ។

មិត្តហ្វូនគឺជាឈ្មោះដែលធ្លាប់ទទួលស្គាល់នៅក្នុងកម្មវិធីសប្បុរសធម៌ និងសកម្មភាពសង្គមក្នុងប្រទេសកម្ពុជា ដែលគ្របដណ្តប់លើវិស័យជាច្រើនដូចជា៖ ការថែទាំសុខភាព ការអប់រំ ការសង្គ្រោះគ្រោះមហន្តរាយ ការគ្រប់គ្រងជំងឺ កីឡា និងជាច្រើនទៀត។ នៅចុងឆ្នាំ 2023 បន្ទាប់ពីប្រតិបត្តិការរយៈពេល 15 ឆ្នាំ ការរួមចំណែកសរុបរបស់មិត្តហ្វូនចំពោះគម្រោងសប្បុរសធម៌ និងសង្គមបានកើនឡើងដល់ 120 លានដុល្លារ។ ការរួមចំណែករបស់មិត្តហ្វូនទាំងអស់នេះ ត្រូវបានវាយតម្លៃខ្ពស់ដោយទីភ្នាក់ងារ និងក្រសួងនៃរាជរដ្ឋាភិបាលកម្ពុជាហើយត្រូវបានចាត់ទុកថាជាគំរូនៃសហគ្រាសដែលមានទំនួលខុសត្រូវសង្គមខ្ពស់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២៧ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម