គន្លឹះ៣សំខាន់ៗ ដើម្បីការពារគណនីបណ្តាញសង្គម Facebook, Telegram និង TikTok ឱ្យមានសុវត្ថិភាព

កំណើននៃការប្រើប្រាស់បច្ចេកវិទ្យាក្នុងព្រះរាជាណាចក្រកម្ពុជា កាន់តែច្រើនឡើងជារៀងរាល់ថ្ងៃ ក្នុងពេលដែលចំណេះដឹងស្តីពីហានិភ័យនៅមានកម្រិត​ ជាហេតុធ្វើឱ្យជនខិលខូចបានឆ្លៀតឱកាស កេងចំណេញពីអ្នកប្រើប្រាស់ តាមរយៈការលួចជ្រៀតចូលកាន់កាប់គណនីបណ្តាញសង្គមរបស់ជនរងគ្រោះ ដើម្បីប្រព្រឹត្តអំពើឆបោកប្រាក់ គំរាមកំហែង​ លួចទិន្នន័យ​ និងបទល្មើសផ្សេងៗ។

ដើម្បីឱ្យគណនីបណ្តាញសង្គមលោកអ្នកមានសុវត្ថិភាព ក្រុមការងារបច្ចេកទេសនាយកដ្ឋានការពារសុវត្ថិភាពបច្ចេកវិទ្យាឌីជីថល នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានលើកយកគន្លឹះ ៣សំខាន់ៗ។

គន្លឹះទី១៖ ត្រួតពិនិត្យមើលឧបករណ៍ណាខ្លះដែលបាន loggin ចូលគណនីបណ្តាញសង្គមរបស់លោកអ្នក៖

– ចំពោះគណនី Facebook: ចូលទៅកាន់ Setting -> Password and Security -> Where you’re logged in ដើម្បីពិនិត្យមើលតារាងឧបករណ៍ ឬDevice ណាខ្លះដែលកំពុងloggin ចូលគណនី Facebook របស់លោកអ្នក។

– ចំពោះគណនី Telegram: ចូលទៅកាន់ Setting -> Device ដើម្បីពិនិត្យមើលឧបករណ៍ ឬdevice ណាខ្លះកំពុងloggin ចូលគណនីរបស់លោកអ្នក។

– ចំពោះគណនី TikTok: ចូលទៅកាន់ Setting and Privacy -> Security and Permission -> Manages Devices ដើម្បីពិនិត្យមើលមានឧបករណ៍ ឬDevice ណាខ្លះ loggin ចូលគណនីTikTok របស់លោកអ្នក។

ករណីសង្ស័យ ឬមានឧបករណ៍ដែលកំពុងលួចចូលប្រើប្រាស់គណនីរបស់លោកអ្នកសូមធ្វើការលុប ឬ log out ជាបន្ទាន់។

គន្លឹះទី២. ធ្វើការកំណត់លេខសម្ងាត់ដែលពិបាកទាយ ឬប៉ាន់ស្មាន់ពីការលួចចូលប្រើប្រាស់របស់ជនខិលខូច និងគន្លឹះទី៣. បើកកំណត់មុខងារ Two Factor Authentication ឬ 2- step verificationបន្ថែមលើគណនីបណ្តាញសង្គមរបស់លោកអ្នកដើម្បីការពារឱ្យមានសុវត្ថិភាពខ្ពស់៕