ចរាចរណ៍

រថយន្តធុនធំ បុកក្របីរួចរ៉េចង្កូតទៅបុករថយន្តសណ្តោងរ៉ឺម៉ក បណ្តាលឲ្យឆេះ នៅស្រុកពួក

បានផុស

៤ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

សមត្ថកិច្ចបានឲ្យដឹងថា រថយន្តម៉ាកTRAILER បោះពួយលឿនទៅបុកសត្វក្របី រួចរ៉េចង្កូតទៅបុករថយន្តសណ្តោងរ៉ឺម៉ក បណ្តាលឲ្យឆេះយ៉ាងសន្ធោសន្ធៅ និងរបួសមនុស្ស២នាក់។ ហេតុការណ៍នេះ បានកើតឡើងនៅវេលាម៉ោង ១២និង៥០នាទីថ្ងៃទី២២ ខែកក្កដា ឆ្នាំ២០២១លើផ្លូវជាតិលេខ៦ បង្គោលគីឡូម៉ែត្រលេខ៣៣០ ៣៣១ ភូមិគោកថ្មី ឃុំពួក ស្រុកពក ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថា រថយន្តម៉ាកTRAILERពាក់ស្លាកលេខកំពង់ចាម3A.8132 សណ្តោសស៊ឺមីរ៉ឺម៉កពាក់ស្លាកលេខ ភ.ព4A.8127 បើកបរដោយឈ្មោះ អាំ ធារី ភេទប្រុស អាយុ៣២ឆ្នាំ នៅភូមិព្រៃចម្លាក់ ឃុំកញ្ជូ ស្រុកឈ្លូង ខេត្តក្រចេះ ដឹកមនុស្ស១នាក់ឈ្មោះ អាំ ដារី ភេទប្រុស អាយុ២៥ឆ្នាំ នៅភូមិឃុំ ជាមួយគ្នា ពីកើតទៅលិចបានបុកជាមួយសត្វក្របីឆ្លងផ្លូវពីត្បូងទៅជើង ហើយរថយន្តរ៉េចង្កូតទៅបុករថយន្តមួយទៀត ម៉ាកហ៊ីយ៉ាន់ដាយពាក់ស្លាកលេខកំពង់ចាម3B.0773 សណ្តោងស៊ឺមីរ៉ឺម៉កពាក់ស្លាកលេខ ភ្នំពេញ4A2947 ពណ៌ខៀវបើកបរមិនស្គាល់អត្តសញ្ញាណគេចខ្លួន បើកបរពីទិសខាងលិចទៅទិសខាងកើតពេលបុកហើយរថយន្តទាំង២ គ្រឿងបានឆេះតែម្តង។ លោកបន្តថា ករណីនេះបណ្តាលឲ្យរបួសមនុស្សចំនួន២នាក់ ១.ឈ្មោះ អាំ ធារី ២. ឈ្មោះ អ្នក ដារី បានយកទៅសង្គ្រោះនៅមន្ទីរពេទ្យបង្អែកស្រុកពួក។

លោកបញ្ជាក់ថា ករណីនេះបានខូចខាតថយន្តទាំង២គ្រឿងធ្ងន់ និងងាប់ក្របីញី១ក្បាល។ លោកបញ្ជាក់ទៀតថា មូលហេតុដោយសត្វក្របីរត់ឆ្លងផ្លូវនិងអ្នកបើកបររថយន្តTRiALRបើកបរល្បឿនលឿនខ្វះការប្រុងប្រយ័ត្ន។ ក្នុងពេលកំពុងកើតហេតុរថយន្តពន្លត់អគ្គិភ័យស្រុក១គ្រឿង និងរថយន្តពន្លត់អគ្គិភ័យរបស់ស្នងការដ្ឋានខេត្តមួយគ្រឿង បានជួយអន្តរាគមន៍ប្រើប្រាស់ទឹកអស់៣ឡាន និងបានរលត់ទាំងស្រុងនៅម៉ោង២និង៣០នាទីថ្ងៃដដែល។ បច្ចុប្បន្នកម្លាំងនគរបាលជំនាញ បានអូសយកទៅរក្សាទុកនៅអធិការដ្ឋានស្រុកពួក ដើម្បីចាត់ការបន្តតាមផ្លូវច្បាប់៕