ស្លាប់​ម្នាក់​របួសធ្ងន់​ស្រាល​៣​នាក់ ដោយសារ​គ្រោះថ្នាក់​ចរាចរ រថយន្តបុក​ម៉ូតូ​៣​គ្រឿង​
Connect with us
Helistar Cambodia - Helicopter Charter Services

ចរាចរណ៍

ស្លាប់​ម្នាក់​របួសធ្ងន់​ស្រាល​៣​នាក់ ដោយសារ​គ្រោះថ្នាក់​ចរាចរ រថយន្តបុក​ម៉ូតូ​៣​គ្រឿង​

បានផុស

នៅ

កំពត ៖ យ៉ាងហោចណាស់ មនុស្សម្នា​ក់​បាន​ស្លាប់ និង​៣​នាក់​ទៀត​រង​របួស​ធ្ងន់​ស្រាល ក្នុង​ហេតុការណ៍​គ្រោះថ្នាក់​ចរាចរ រថយន្ត​ទំនើប​ម៉ាក​FORD ពណ៌​ខ្មៅ ដោយ​រ​ថយន្ត​បាន​បុក​រះ​ម៉ូតូ​ចំនួន​៣​គ្រឿង ក្នុងទិសដៅ​ផ្ទុយគ្នា​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់​គួរ​ឱ្យ​ព្រឺព្រួច​នេះ បាន​កើតឡើង​នៅ​វេលា​ម៉ោង​១​និង​២៤​នាទី រសៀល ថ្ងៃទី​២៧ ខែតុលា ឆ្នាំ​២០២១ ត្រង់ចំណុច​មុខ​ផ្សារ​កំពង់​ត្នោត ភូមិ​កំពង់​ត្នោត ឃុំ​កូន​សត្វ ស្រុក​ទឹកឈូ ខេត្តកំពត លើ​កំណាត់​ផ្លូវជាតិ​លេខ​៣៣ រវាង​រថយន្ត​និង​ម៉ូតូ​៣​គ្រឿង​។​

​ជុំវិញ​ករណី​គ្រោះថ្នាក់​ចរាចរ​ខាងលើ បើតាម​ការ​រៀបរាប់​ពី​សាក្សី​ដែល​ឃើញ​ហេតុការណ៍​ផ្ទាល់​ភ្នែក​បាន​និយាយថា មុន​ពេល​កើតហេតុ​គេ​ឃើញ​រថយន្ត​បង្ក​ម៉ាក​ហ្វ​ត​(FORD)​ពណ៌​ខ្មៅ​បោះពួយ​មកពី​កើត​ទៅ​លិច លុះ​មកដល់​ចំណុច​គ្រោះថ្នាក់ ក៏​ជ្រុល​ទៅ​បុក​ម៉ូតូ​C125 ពណ៌​ខ្មៅ ផលិត​ឆ្នាំ​២០១០ ពាក់​ស្លាក​លេខ ភ្នំពេញ 1AO-1062 ដែល​បើកបរ​មកពី​លិច​ទៅ​កើត​បណ្តាល​ឱ្យ​ម្ចាស់​ម៉ូតូ​របួសធ្ងន់ បាក់ជើង​ស្តាំ ហើយ​រថយន្ត​បង្ក​បាន​រេ​ចង្កូត​ជ្រុល​ទៅ​បុក​ម៉ូតូ​ម៉ាក​125 ចំនួន​១​គ្រឿង ដែល​ធ្វើដំណើរ​មកពី​លិចទៅ​កើត​ដូចគ្នា រួច​រថយន្ត​បន្ត​ជ្រុល​ទៅ​បុក​ម៉ូតូ​១​គ្រឿង​ទៀត​ដែល​ម្ចាស់​កំពុង​ចត​ឈប់​ទិញ​ម៉ាស នៅ​ចិញ្ចើម​ផ្លូវ បណ្តាល​ឱ្យ​អ្នក​ជិះ​ម៉ូតូ​ទាំង​៣ គ្រឿង មាន​អ្នក​ស្លាប់​និង​រង​របួស​ធ្ងន់​ស្រាល​ដេក​រដូករណែល​តែម្តង​។​

​ចំពោះ​ករណី​គ្រោះថ្នាក់​ខាងលើ សមត្ថកិច្ច​ដែល​ចុះ​មក​វាស់វែង បាន​ឱ្យដឹងថា អ្នក​ស្លាប់​ក្នុង​ហេតុការណ៍​នេះ មានឈ្មោះ ណូ​ត អាស៊ី​យ៉ា​ស់ ភេទ​ស្រី អាយុ​ប្រ​លែ​ល​ជាង​៤០​ឆ្នាំ ជនជាតិ​ខ្មែរ​ឥស្លាម មាន​ទី​លំ​ក្នុង​ឃុំ​ត្រពាំង​សង្កែ ស្រុក​ទឹកឈូ ខេត្ត​កំពត ដោយ​ស្ត្រី​រងគ្រោះ​ជិះ​ម៉ូតូ​ម៉ាក​C125 ពណ៌​ខ្មៅ ផលិត​ឆ្នាំ​២០១៤ ពាក់​ស្លាក​លេខ ភ្នំពេញ 1CM-8524 ដឹក​សាច់ក្រក​លក់​។​ ចំណែក​អ្នក​ជិះ​ម៉ូតូ​២​គ្រឿង​ផ្សេងទៀត សមត្ថកិច្ច​មិនទាន់​ស្គាល់​អត្តសញ្ញាណ​នៅឡើយ ដោយសារ​ជនរងគ្រោះ​រង​របួស​ធ្ងន់ ហើយ​ត្រូវ​បញ្ជូន​ទៅ​សង្គ្រោះ​នៅ​ឯ​មន្ទីរពេទ្យ​ភ្លាមៗ​។​ ដោយឡែក​អ្នកបើកបរ​រថយន្ត​បង្ក​បានគេច​ខ្លួន​បាត់ស្រមោល​ឈឹង​។

បច្ចុប្បន្ន​មធ្យោបាយ​ពាក់ព័ន្ធ ក្រោយពី​វាស់វែង​សមត្ថកិច្ច​បាន​នាំ​យក​ទៅ​រក្សាទុក​នៅ​អធិការដ្ឋាន​នគរបាល​ស្រុក​ទឹកឈូ ដើម្បី​ទុក​ដោះស្រាយ​គ្នា​នៅពេល​ក្រោយ​៕

ដោយ ៖ សេង ណា​រិ​ទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៣ ម៉ោង មុន

ស្រស់ស្អាត​ណាស់​! បវរកញ្ញា​កម្ពុជា ភុំ សោ​ភ័ណ្ឌ គ្រង​សំលៀក​បំពាក់​បែបនេះ​ក្នុង​វគ្គ​មួយ​នៅ​ឆាក​Miss World

ជីវិតកម្សាន្ដ៤ ម៉ោង មុន

ពេជ្រ សោភា ប្រតិកម្ម​នឹង​សម្តី​បុរស​ម្នាក់​ មើល​ងាយ​តម្លៃ​ស្ត្រី​ខ្មែរ​ ដែល​ចេញទៅ​ប្រកួត​លើ​ឆាក​អន្តរជាតិ

ជីវិតកម្សាន្ដ៥ ម៉ោង មុន

ជុំ លី​ណូ ៖ អ្នក​ជោគជ័យ​ពិតប្រាកដ​គេ​គ្មាន​ពេល​មក​បង្រៀន​យើង​ទេ

ព័ត៌មានជាតិ៥ ម៉ោង មុន

ប្រ​ជា​ពលរដ្ឋ​អស់​ក្ដី​បារម្ភ​ទៀតហើយ ​ពេល​មាន​ផ្លូវ​វាង​សម្រាប់​ធ្វើដំណើរ

ព័ត៌មានជាតិ៦ ម៉ោង មុន

ស្អែក​នេះ សម្តេច​តេ​ជោ នឹង​អញ្ជើញ​ទៅ​ពិនិត្យ​វឌ្ឍនភាព​នៃ​ការសាងសង់​ព្រលានយន្តហោះ​ភ្នំពេញ​ថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services