ផឹក​ស្រវឹង​ចេញពីផ្ទះ​ប្រពន្ធចុង ស្លៀក​លី​អូ​បើករថយន្ត​ដូច​ហោះ បុក​រថយន្ត​សណ្តោង​ពីក្រោយ​ស្លាប់​ភ្លាម
Connect with us
Helistar Cambodia - Helicopter Charter Services

ចរាចរណ៍

ផឹក​ស្រវឹង​ចេញពីផ្ទះ​ប្រពន្ធចុង ស្លៀក​លី​អូ​បើករថយន្ត​ដូច​ហោះ បុក​រថយន្ត​សណ្តោង​ពីក្រោយ​ស្លាប់​ភ្លាម

បានផុស

នៅ

បាត់ដំបង ៖ បុរសរងគ្រោះ​ម្នាក់​ដែល​គេ​ដឹង​ថា មាន​ប្រពន្ធ​ពីរ បាន​បើករថយន្ត​យ៉ាង​លឿន​ទៅបុក​រថយន្ត​សណ្តោង​ចំ​ពីក្រោយ បណ្តាល​អោយ​ស្លាប់​ទាំង​រំលង​អធ្រាត្រ បន្ទាប់ពី​បាន​ផឹក​ស៊ី​ស្រវឹង​ពី​ផ្ទះ​ប្រពន្ធចុង​រួចមក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណី​គ្រោះថ្នាក់​ចរាចរណ៍​នេះ បាន​កើត​ឡើង នា​ថ្ងៃទី​៧ ខែធ្នូ ឆ្នាំ​២០២១ វេលា​ម៉ោង​០០ និង ២០​នាទី រំលង​អធ្រា​ត្រ នៅលើ​កំណាត់​ផ្លូវជាតិ​លេខ​៥៧B ចន្លោះ​បង្គោល​គីឡូ​លេខ​៦ និង​លេខ ៧ ស្ថិតក្នុង​ក្រុមទី​១ ភូមិ​តាំងយូ ឃុំ​អូរ​ដា ស្រុក​កំរៀង ខេត្តបាត់ដំបង​។​

បើតាម​ការ​អះអាង​ពី​សមត្ថកិច្ច​មូលដ្ឋាន​បាន​ឲ្យ​ដឹង​ថា នៅ​មុនពេល​កើតហេតុ គឺមាន​រថយន្ត​១​គ្រឿង ម៉ាក​លុច​ស៊ី​ស​៣០០ ពណ៌​ខ្មៅ ពាក់​ស្លាក​លេខ 2i-0908 ភ ព បើកបរ​ដោយ​ឈ្មោះ ហុន ឆាន ភេទ​ប្រុស អាយុ​៥៣ រស់នៅ​ភូមិ​អូរ​គគី ឃុំ​អូរ​ដា ស្រុក​កំរៀង ខេត្តបាត់ដំបង​។

គឺ​រថយន្ត​នេះ​បាន​បោះពួយ​យ៉ាង​លឿន ចេញពីផ្ទះ​ប្រពន្ធចុង និង​ស្ថិតក្នុង​សភាព​ស្រវឹង ដោយ​គេ​ស្លៀក​តែ​ខោ​លី​អូ​ប៉ុណ្ណោះ ក្នុង​គោលបំណង​ត្រឡប់​ទៅ​ផ្ទះ​ប្រពន្ធដើម​នៅ​ភូមិ​កំ​ប្រង់ ឃុំ​តា​ក្រី ស្រុក​កំរៀង​។​

​លុះ​មកដល់​ត្រង់​ចំណុច​កើតហេតុ បាន​បុក​គូទ​រថយន្ត​ធំ​ពីក្រោយ​ដែល​រថយន្ត​ធំ​នោះ​កំពុង​សណ្តោង​គ្នា បណ្តាល​ឲ្យ ស្លាប់​នៅ​កន្លែង​កើតហេតុ ដោយ​រថយន្ត​ធំ​ដែល​ធ្វើដំណើរ​ស្រប​ទិស​គ្នា​នោះ​ម៉ាក NISSAN DIESEL ផ្លូវ​ប្រាំ ពណ៌​ក្រហម លឿង ពាក់​ស្លាក​លេខ​3A-0034 ប ជ អ្នកបើកបរ​រត់គេច​ខ្លួន​បាត់។​

សមត្ថកិច្ច​បាន​ស្រង់​សម្តី​ប្រពន្ធចុង​ដោយ​បាន​និយាយ​ថា គាត់​បើក​ចេញ​មក​គឺ​គាត់​បាន​ផឹក​ស្រវឹង​ហើយ ទើប​បណ្តាលអោយ​គ្រោះថ្នាក់​បែបនេះ​។ បច្ចុប្បន្ន​សមត្ថកិច្ច​បា​ន​នាំ​យក​រថយន្ត​ទាំងពីរ​ទៅ​រក្សា​ទុកជា​បណ្តោះអាសន្ន ដោយឡែក​សព ក៏​ត្រូវ​បាន​ប្រគល់អោយ​ប្រពន្ធ​ទាំងពីរ​យកទៅ​ធ្វើបុណ្យ​តាម​ប្រពៃណី៕

អត្ថបទ ៖ សោ និយម​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services