ចរាចរណ៍

រថយន្តម៉ាស្តា ឆ្លងផ្លូវត្រូវរថយន្តព្រូសបុកពេញទំហឹង

បានផុស

២ years មុន

នៅ

ថ្ងៃពុធ ១២ មករា ២០២២

ដោយ

ភ្នំពេញ ៖ រថយន្តម៉ាស្តាមួយគ្រឿងបើកឆ្លងផ្លូវជិតផុតទៅហើយស្រាប់តែមានរថយន្តព្រូសបើកលឿនចាប់ហ្វ្រាំងមិនទាន់ជ្រុលបុកពីចំហៀងពេញទំហឹង បណ្តាលឱ្យរងការខូចខាតទាំងសងខាងយ៉ាងដំណំតែមិនមានមនុស្សរងរបួសនោះទេ។

ហេតុការណ៍ នេះបានកើតឡើងកាលពីវេលាម៉ោង១០យប់ ថ្ងៃទី១១ ខែមករា ឆ្នាំ២០២២ នៅចំណុចផ្លូវលេខ២៥៧ កែងផ្លូវកម្ពុជាក្រោម ក្នុងសង្កាត់ទឹកល្អកទី១ ខណ្ឌទួលគោក រាជធានី ភ្នំពេញ។

តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញរថយន្តម៉ាកម៉ាស្តា ពណ៌ស ពាក់ស្លាកលេខ គជប ២-០០៤១ ធ្វើដំណើរតាមបណ្តោយផ្លូវលេខ២៥៧ ក្នុងទិសដៅពីត្បូងទៅជើងឆ្លងផ្លូវកម្ពុជាក្រោម ខណៈឆ្លងជិតផុតស្រាប់តែមានរថយន្តម៉ាកព្រូសពណ៌ទុយោ ពាក់ស្លាកលេខកម្ពុជា SITHIKA9 ធ្វើដំណើរតាមបណ្តោយផ្លូវកម្ពុជាក្រោមក្នុងល្បឿនលឿនចាប់ហ្វ្រាំងមិនទាន់ក៏ជ្រុលបុកចំពីចំហៀងពេញទំហឹងបណ្តាលឱ្យរថយន្តម៉ាស្តាផ្ទុះពោងសុវត្ថិភាពចំណែករថយន្តព្រូសរងការខូចខាតផ្នែកខាងមុខយ៉ាងដំណំ តែសំណាងមិនមានមនុស្សរងរបួសនោះទេ។

ក្រោយកើតហេតុសមត្ថកិច្ចបានចុះទៅដល់ចំណុចកើតហេតុនិងធ្វើការវាស់វែងយកទៅរក្សាទុករង់ចាំដោះស្រាយពេលក្រោយ៕

ដោយ ៖ សុខា