ចរាចរណ៍
រថយន្តដឹកទំនិញ ក្រឡាប់សង្កត់ផ្ទះមួយខ្នងជាកន្លែងសិស្សតូចៗរៀនបំប៉ន
រថយន្តកូរ៉េដឹកទំនិញមួយគ្រឿងបានរេចង្កូតធ្លាក់ផ្លូវក្រឡាប់សង្កត់ផ្ទះពលរដ្ឋមួយខ្នងដែលជាកន្លែងសិស្សតូចៗរៀនបំប៉នរាល់ថ្ងៃ។
ហេតុការណ៍នេះបានកើតឡើងកាលពីវេលាម៉ោង១០និង៥០នាទី ព្រឹកថ្ងៃទី១៥ ខែមករា ឆ្នាំ២០២៣ នៅលើកំណាត់ផ្លូវជាតិលេខ៥ ស្ថិតក្នុងភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ។
រថយន្តដែលគ្រោះថ្នាក់ដោយឯកឯងនោះ ជាប្រភេទរថយន្តដឹកទំនិញ ធ្វើដំណើរក្នុងទិសដៅពីភ្នំពេញ ទៅបាត់ដំបង ដោយមានដឹកឥវ៉ាន់ចាប់ហ៊ួយពេញទ្រុង។ បើតាមការរៀបរាប់ពីអ្នករួមដំណើរបាននិយាយថា ពេលនោះរូបគាត់បានដេកលក់នៅក្នុងកាប៊ីនក្បែរអ្នកបើកបរ ពេលរថយន្តក្រឡាប់ទើបលោកភ្ញាក់ដឹងខ្លួន ដោយលោកបានប្រាប់ថា អ្មកបើកបរអាចដេកលក់ លុះផុតកំណាត់ផ្លូវកោងត្រង់ស្ពានកំពង់ព្រះ ដែលកន្លងមកតែងតែមានគ្រោះថ្នាក់ជាញឹកញាប់នោះ បានរេធ្លាក់ចេញពីផ្លូវក្រឡាប់សង្កត់លើផ្ទះពលរដ្ឋបាក់ខ្ទេចតែម្តង។
ដោយឡែកបើតាមបុរសជាម្ចាស់ផ្ទះបាននិយាយថា រៀងរាល់ថ្ងៃ គឺមានកូនសិស្សតូចៗមករៀនបំប៉នរាល់ថ្ងៃ គឺអង្គុយរៀនប្រមូលផ្តុំត្រង់កន្លែងរថយន្តសង្កត់នោះឯង តែសំណាងល្អដោយថ្ងៃនេះជាថ្ងៃអាទិត្យ ទើបមិនមានកូនសិស្សមក រីឯរូបលោកក៏ទើបនឹងក្រោកដើរចូលទៅក្នុងផ្ទះផុតក៏ត្រូវរថយន្តក្រឡាប់សង្កត់តែម្តង។
បច្ចុប្បន្នសមត្ថកិច្ចកំពុងហៅរថយន្តស្ទូចមកស្ទូចឡើងដើម្បីអោយម្ចាស់រថយន្តរកដំណោះស្រាយលើការខូចខាតផ្ទះរបស់ពលរដ្ឋ៕
អត្ថបទ៖ សោ និយមរ័ត្ន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន