ព័ត៌មានអន្ដរជាតិ

អាជីវកម្មថៃទាមទារជំនួយពីរដ្ឋាភិបាល ជុំវិញផលប៉ះពាល់ពីការបិទព្រំដែនជាមួយកម្ពុជា

បានផុស

៧ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

អាជីវកម្មថៃកំពុងទាមទារសុំជំនួយពីរដ្ឋាភិបាលរបស់លោកនាយករដ្ឋមន្រ្តី អានុទីន ឆានវីរៈគុន (Anutin Charnvirakul) ដោយព្រមានថា ការបិទព្រំដែនជាមួយកម្ពុជាដែលកំពុងបន្តអូសបន្លាយ អាចបង្កការខាតបង់សេដ្ឋកិច្ចរហូតដល់ប្រមាណ ១០០ ប៊ីលានបាត ឬប្រហែល ៣,១ ប៊ីលានដុល្លារ គិតត្រឹមចុងឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់កាសែត The Nation កាលពីថ្ងៃអាទិត្យ វិស័យឯកជនថៃបានដាក់សំណើបន្ទាន់ចំនួន ៣ ដែលរាប់បញ្ចូលទាំងការកាត់បន្ថយពន្ធ និងការផ្ដល់ «ឥណទានការប្រាក់ទាប» ទៅកាន់គណៈរដ្ឋមន្ត្រីសេដ្ឋកិច្ច ដោយទាមទារឱ្យមានវិធានការសង្គ្រោះជាបន្ទាន់ ជុំវិញការបិទព្រំដែនជាមួយកម្ពុជា ដែលប៉ះពាល់ដល់លំហូរពាណិជ្ជកម្មរវាងប្រទេសទាំង២។

ប្រភពពីវិមានរដ្ឋាភិបាលបានប្រាប់ The Nation ថា រដ្ឋមន្ត្រីក្រសួងការបរទេស លោក ស៊ីហាសាក់ ភួងកេតកែវ (Sihasak Phuangketkeow) ថ្មីៗនេះ បានជួបជាមួយក្រុមធុរកិច្ចសំខាន់ៗ រួមទាំងក្រុមប្រឹក្សាធុរកិច្ចថៃ-កម្ពុជា និងសភាពាណិជ្ជកម្មថៃ ដើម្បីដោះស្រាយវិបត្តិនេះ។

ប្រភពបន្តថា ការបិទទ្វាព្រំដែនកម្ពុជា ដែលថៃបានផ្ដួចផ្ដើមឡើងជាឯកតោភាគីនៅខែមិថុនា បានបង្កការរាំងស្ទះពាណិជ្ជកម្ម ១៥ ប៊ីលានបាត ឬ ៤៥៨ លានដុល្លារអាមេរិក ក្នុង១ខែៗ ដែលថៃទទួលផលប្រយោជន៍ភាគច្រើន។ ហើយសំណើទាំង ៣ ដែលអាជីវកម្មថៃស្នើឡើងរួមមាន ការគាំទ្រផ្នែកហិរញ្ញវត្ថុ ជម្រើសភស្តុភារបន្ថែម និងការការពារខ្សែច្រវ៉ាក់ផ្គត់ផ្គង់។

ចំពោះការគាំទ្រផ្នែកហិរញ្ញវត្ថុ អាជីវកម្មថៃស្នើឱ្យរដ្ឋាភិបាលជួញកាត់បន្ថយពន្ធ កាត់បន្ថយថ្លៃសេវាប្រើប្រាស់ និងដាក់ចេញនូវ «ឥណទានដែលមានអត្រាការប្រាក់ទាប» ដើម្បីធានាថា សហគ្រិនដែលរងផលប៉ះពាល់ពីការបិទព្រំដែន អាចរក្សាបាននូវសាច់ប្រាក់ងាយស្រួលចាំបាច់ដើម្បីបន្តដំណើរការ។

ចំណែកឯជម្រើសភស្តុភារវិញ នៅពេលដែលស្ថានភាពព្រំដែនមានភាពប្រសើរឡើង អាជីវកម្មថៃជំរុញឱ្យរដ្ឋាភិបាលបើកផ្លូវកំពង់ផែ និងផ្លូវដឹកជញ្ជូននៅខេត្តត្រាតជាជម្រើសសំខាន់ សម្រាប់ការដឹកជញ្ជូនទំនិញ។

ពាក់ព័ន្ធនឹងការការពារខ្សែច្រវ៉ាក់ផ្គត់ផ្គង់ ពួកគេបានស្នើសុំវិធានការពិសេសដើម្បីអនុញ្ញាតឱ្យមានការនាំចូលទំនិញចាំបាច់ជាបន្ទាន់តាមរយៈការឆ្លងកាត់ដីគោក ដើម្បីការពារការរំខានធ្ងន់ធ្ងរដល់ខ្សែច្រវ៉ាក់ផ្គត់ផ្គង់ជាតិ។

កាសែត The Nation បានផ្សាយថា រដ្ឋមន្ត្រីការបរទេសថៃបានសន្យាថានឹងដាក់សំណើជំនួយទាំង៣នេះភ្លាមៗទៅកាន់លោកនាយករដ្ឋមន្ត្រី ឆានវីរៈគុន ដើម្បីពិចារណាឱ្យបានឆាប់រហ័ស។ ប៉ុន្តែរដ្ឋាភិបាលក៏ត្រូវបានទាមទារឱ្យដោះស្រាយបញ្ហាផ្សេងៗទៀត ដែលកើតចេញពីភាពតានតឹងជាមួយកម្ពុជា រួមទាំងកង្វះកម្លាំងពលកម្មដោយសារមាតុភូមិនិវត្តន៍របស់កម្មករខ្មែរ និងកង្វល់សុវត្ថិភាពផ្នែកទេសចរណ៍៕

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា