កីឡា

គ្រូបង្វឹក Ezra FC រវាង Manila និង ព្រះខ័នរាជ្យស្វាយរៀង មួយល្អប្រើកម្លាំង មួយល្អបច្ចេកទេស

បានផុស

៧ ខែ មុន

នៅ

ថ្ងៃពុធ ២៩ តុលា ២០២៥

ដោយ

គ្រូបង្វឹកក្លឹបបាល់ទាត់ Ezra FC ថាតាមបទពិសោធប៉ះគ្នាកន្លងមកជាមួយក្លឹបព្រះខ័នរាជ្យស្វាយរៀង និង Manila Digger FC គឺលេងល្អម្យ៉ាងម្នាក់មួយល្អប្រើប្រាស់កាយសម្បទា និងមួយល្អប្រើបច្ចេកទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Byungsoo Na

លោក Byungsoo Na គ្រូបង្វឹករបស់ក្លឹប Ezra FC បានឲ្យដឹងថា តាមបទពិសោធក្នុងការជួបប្រកួតរួចហើយជាមួយក្រុមមកពីហ្វីលីពីន Manila Digger FC ជាក្រុមល្អមួយដែលកីឡាករចូលចិត្តលេងប្រើប្រាស់កាយសម្បទា ប្រើកម្លាំងក្នុងការលេង ឬប្រជែងយកបាល់។ ចំណែកក្លឹបព្រះខ័នរាជ្យស្វាយរៀងក៏ជាក្រុមល្អផងដែរខុសគ្នាត្រង់ក្រុមលេងដោយប្រើប្រាស់បច្ចេកទេស និងលេងប្រកបដោយតិចនិកខ្ពស់។

គ្រូបង្វឹកខាងលើបន្តទៀតថា បើប៉ះគ្នានៅប្រកួតចុងក្រោយនេះរវាងក្រុមទាំងពីរហើយត្រូវឆ្លើយថាមួយណាសង្ឃឹមឈ្នះជាងនោះគឺពិបាកសម្រេចសម្រាប់រូបលោក។ យ៉ាងណាលោកនៅតែសរសើរក្រុមម្ចាស់ផ្ទះព្រះខ័នរាជ្យស្វាយរៀងលេងល្អដោយប្រើប្រាស់លើបច្ចេកទេសលេងខ្ពស់។

ការប្រកួតលើកចុងក្រោយក្នុងពូល D នៅថ្ងៃសៅរ៍ ទី១ ខែវិច្ឆិកា ឆ្នាំ២០២៥ ដែលជាវគ្គបិទបញ្ចប់នេះគឺក្លឹបព្រះខ័នរាជ្យស្វាយរៀងប៉ះជាមួយក្លឹបមកពីហ្វីលីពីន Manila Digger FC ដណ្ដើមលេខ១ ក្នុងពូល។ ចំណែកមួយគូទៀតគឺជាការប៉ះគ្នារវាង Ezra FC និង SP Falcons FC៕

អត្ថបទដោយ៖ នួន ស៊ីណា