ព័ត៌មានជាតិ
រដ្ឋបាលសង្កាត់ទឹកថ្លា បើកការដ្ឋានគម្រោងដាក់លូរំដោះទឹកប្រវែងជាង ៧០០ ម៉ែត្រ បង្ការទឹកជំនន់លិចលង់
កាលពីថ្ងៃទី ២ ខែវិច្ឆិកា ឆ្នាំ ២០២៥ ម្សិលមិញ រដ្ឋបាលសង្កាត់ទឹកថ្លា បានធ្វើពិធីបើកការដ្ឋានដាក់ប្រព័ន្ធលូមូលរំដោះទឹក ដែលជាគម្រោងមូលនិធិសង្កាត់សម្រាប់ឆ្នាំ ២០២៥។ គម្រោងនេះមានប្រវែងសរុប ៧២៣ ម៉ែត្រ មុខកាត់ ០,៨ ម៉ែត្រ ស្ថិតនៅក្នុងភូមិបូរី ១០០ ខ្នង និងភូមិសេប៉េសេ។
ពិធីបើកការដ្ឋាននេះបានប្រព្រឹត្តឡើងក្រោមអធិបតីភាពលោក តាន់ ណាវិន ចៅសង្កាត់ទឹកថ្លា ដែលបានអញ្ជើញចូលរួមដោយមន្ត្រីរដ្ឋបាលសង្កាត់ អ្នកតំណាងក្រុមប្រឹក្សាឃុំ-សង្កាត់ និងប្រជាពលរដ្ឋក្នុងមូលដ្ឋាន។
លោក តាន់ ណាវិន ប្រាប់កម្ពុជាថ្មីឲ្យដឹងថា គម្រោងដាក់លូមូលរំដោះទឹកនេះ គឺជាផ្នែកមួយ នៃយុទ្ធសាស្ត្ររដ្ឋបាលសង្កាត់ក្នុងការអភិវឌ្ឍបរិស្ថាន និងបង្ការបញ្ហាទឹកជំនន់ជាបញ្ហាសំខាន់មួយដែលប្រជាពលរដ្ឋបានជួបប្រទះជារៀងរាល់ឆ្នាំ។
លោកបានបន្តថា ការសហការរបស់ប្រជាពលរដ្ឋ និងការចូលរួមយកចិត្តទុកដាក់របស់ថ្នាក់ដឹកនាំជាកត្តាសំខាន់ ដើម្បីឲ្យគម្រោងនេះប្រព្រឹត្តទៅបានជោគជ័យ។ ប្រជាពលរដ្ឋជាច្រើនដែលរស់នៅតាមបណ្ដោយផ្លូវលូមូល បានបង្ហាញការសប្បាយចិត្ត និងគាំទ្រយ៉ាងខ្លាំងចំពោះគម្រោងនេះ។
លោក សន សាវុធ ជាប្រជាពលរដ្ឋភូមិបូរី ១០០ ខ្នង លើកឡើងថា ជារៀងរាល់ឆ្នាំ ពេលមានភ្លៀងធ្លាក់ ពិបាកណាស់ ទឹកជំនន់ចូលដល់ផ្ទះ និងស្ទះលិច ២ ទៅ ៣ ថ្ងៃ ក៏មាន។ ឥឡូវនេះ ពេលសង្កាត់មានគម្រោងស្ថាបនាលូរំដោះទឹកនេះ លោកសង្ឃឹមថា បញ្ហានឹងត្រូវដោះស្រាយ ហើយការរស់នៅប្រកបអាជីវកម្មក៏ប្រសើរឡើងផងដែរ។
លោក ឆាយ មុន្នី ជាប្រជាពលរដ្ឋភូមិសេប៉េសេ ក៏បានអរគុណលោកចៅសង្កាត់ និងក្រុមការងារសង្កាត់ទឹកថ្លា ដែលយកចិត្តទុកដាក់លើបញ្ហារបស់ប្រជាពលរដ្ឋ។ លោក និងប្រជាពលរដ្ឋដទៃទៀត នឹងសហការគាំទ្រ ដើម្បីការងារនេះចប់ដោយជោគជ័យ។ លោកថា គម្រោងដាក់លូមូលរំដោះទឹកនេះ នឹងមានប្រយោជន៍យ៉ាងខ្លាំងក្នុងមូលដ្ឋានសង្កាត់ទឹកថ្លា ជាពិសេសសម្រាប់ប្រជាពលរដ្ឋរស់នៅតាមបណ្ដោយស្របផ្លូវរថភ្លើង៕
អត្ថបទ ៖ សំណាង
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ