បាក់ដីសង្កត់ឡានក្រុង សម្លាប់មនុស្ស៦នាក់នៅខេត្ត Khanh Hoa ប្រទេសវៀតណាម

យោងតាមការចេញផ្សាយរបស់សារព័ត៌មាន VN Express នៅថ្ងៃទី១៧ខែវិច្ឆិកា មនុស្ស ៦ នាក់បានស្លាប់ និង ១៩ នាក់រងរបួស ដោយសារភ្លៀងធ្លាក់ខ្លាំងបណ្តាលឱ្យថ្ម និងដីបាក់សង្កត់លើឡានក្រុងកំពុងធ្វើដំណើរ ក្នុងខេត្ត Khanh Hoa ប្រទេសវៀតណាម។

ហេតុការណ៍នេះកើតឡើងនៅតំបន់ Khanh Le Pass នៅលើផ្លូវជាតិលេខ ២៧C ក្នុងខេត្ត Khanh Hoa ដោយបានកប់ឡានក្រុងដឹកអ្នកដំណើរធ្វើដំណើរពី Da Lat ទៅ Nha Trang។ ឡានក្រុងរងគ្រោះ ជារថយន្ត limousine Phuong Trang ចំនួន ៣៤ កៅអី កំពុងដឹកមនុស្ស ៣២នាក់ រួមទាំងអ្នកបើកបរពីរនាក់ និងជំនួយការម្នាក់។

ក្រុមជួយសង្គ្រោះបានចំណាយពេលច្រើនម៉ោងដើម្បីជីកកកាយកំទេចកំទីចេញជួយជនរងគ្រោះ។ ជនរងគ្រោះភាគច្រើនជាអ្នករស់នៅ Da Lat ហើយមានអ្នករបួសបីនាក់កំពុងស្ថិតក្នុងស្ថានភាពធ្ងន់ធ្ងរ។

គួរបញ្ជាក់ថាតំបន់ Khanh Le Pass ត្រូវបានគេស្គាល់ថាងាយនឹងរងគ្រោះបាក់ដីក្នុងរដូវវស្សា ហើយភ្លៀងធ្លាក់ខ្លាំងថ្មីៗនេះនៅកណ្តាលប្រទេសវៀតណាមបានបង្កឱ្យមានបំណាក់ដីកាន់ជាច្រើននៅក្នុងតំបន់។

លើសពីនេះអាជ្ញាធរវៀតណាម បានព្រមានអំពីភ្លៀងធ្លាក់ខ្លាំងជាបន្តបន្ទាប់រហូតដល់ថ្ងៃទី ១៨ ខែវិច្ឆិកា ជាមួយនឹងសក្តានុពលនៃទឹកជំនន់ និងបំណាក់ដីក្នុងតំបន់កាន់តែច្រើន៕

អត្ថបទ៖ ប៊ុន សុភាព