សន្តិសុខសង្គម
ត្រឡប់មកពីធ្វើការវិញ ជនសង្ស័យគាស់បន្ទប់ជួលយកលុយអស់ជាង ១ ម៉ឺនដុល្លារ និងលុយជប៉ុន ២ ម៉ឺនយ៉េន នៅខណ្ឌឫស្សីកែវ
នារីម្នាក់ ទៅធ្វើការវេនយប់ បន្ទាប់ពីចេញមកដល់បន្ទប់វិញ ឃើញបន្ទប់ខ្លួនត្រូវបានជនសង្ស័យគាស់បាត់លុយចំនួន ១ ម៉ឺន ៤ ពាន់ដុល្លារ និង លុយជប៉ុន ២ ម៉ឺនយ៉េន ទើបបង្កការភ្ញាក់ផ្អើលដល់ប្រជាពលរដ្ឋប្ដឹងសមត្ថកិច្ច។
ហេតុការណ៍នេះបានកើតឡើងកាលពីវេលាម៉ោង ០៧ ព្រឹក ថ្ងៃទី ២១ ខែវិច្ឆិកា ឆ្នាំ ២០២៥ ស្ថិតនៅសង្កាត់ទួលសង្កែទី ១ ខណ្ឌឫស្សីកែវ រាជធានីភ្នំពេញ។
នារីរងគ្រោះ បានឲ្យដឹងថា គាត់ទើបតែមកពីជប៉ុនបាន ២-៣ ខែ ប៉ុណ្ណោះ។ គាត់ បានមកជួលបន្ទប់នៅទួលសង្កែនេះ ដើម្បីរកលុយបន្ថែម ដោយគោលបំណងរកលុយធ្វើផ្ទះនៅឯស្រុក។ នៅមុនវេលាម៉ោងកើតហេតុ គាត់បានដកលុយដើម្បីយកទៅស្រុក ទុកក្នុងបន្ទប់ជួល ហើយក៏ចេញទៅធ្វើការវេនយប់បាត់តែម្ដង។ រហូតដល់ម៉ោង ៧ ព្រឹក គាត់ចេញពីធ្វើការមកដល់មុខបន្ទប់ជួលវិញ ក៏ស្រាប់តែឃើញសោទ្វារបន្ទប់របស់ខ្លួនចំហ។ ភ្លាមៗ គាត់ ស្លន់ស្លោរត់ចូលទៅក្នុងបន្ទប់ ស្វែងរកលុយរបស់គាត់ ប៉ុន្តែជាអកុសល លុយ ១ ម៉ឺន ៤ ពាន់ដុល្លារ និង លុយជប៉ុនចំនួន ២ ម៉ឺនយ៉េន ត្រូវបានជនសង្ស័យធ្វើសកម្មភាពលួចយកទៅបាត់ស្រមោល។
ក្រោយកើតហេតុ កម្លាំងសមត្ថកិច្ចមូលដ្ឋាន នៃប៉ុស្តិ៍ទួលសង្កែទី ១ បានចុះមកដល់ និងនាំនារីដែលជាជនរងគ្រោះទៅប៉ុស្តិ៍ ដើម្បីដាក់ពាក្យបណ្ដឹង និងបន្តស៊ើបអង្កេតរកមុខជនសង្ស័យធ្វើការទៅតាមនីតិវិធីច្បាប់៕
អត្ថបទ ៖ រដ្ឋា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត