កីឡា

សហព័ន្ធគុនខ្មែរ ទទួលស្គាល់ថាចៅក្រម-អាជ្ញាកណ្ដាល ត្រូវតែពង្រឹងសមត្ថភាពជាបន្តបន្ទាប់តទៅទៀត

បានផុស

៦ ខែ មុន

នៅ

ថ្ងៃចន្ទ ១៥ ធ្នូ ២០២៥

ដោយ

ប្រធានសហព័ន្ធប្រដាល់គុនខ្មែរថា ទទួលស្គាល់ចៅក្រុម-អាជ្ញាកណ្ដាល នាពេលបច្ចុប្បន្ននេះត្រូវតែបន្តពង្រឹងសមត្ថភាពបន្ថែមទៀតដើម្បីដឹកនាំការប្រកួតឲ្យកាន់តែល្អ និងកាត់បន្ថយការខ្វះចន្លោះនានាតទៅមុខទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខូវ ឆាយ

លោក ខូវ ឆាយ បានឲ្យដឹងថា តាមរយៈបញ្ហាក្នុងការប្រកួតកន្លងមកនេះគឺលោកទទួលស្គាល់ថាចៅក្រម-អាជ្ញាកណ្ដាលបច្ចុប្បន្ននេះត្រូវតែពង្រឹងសមត្ថភាពលើការបំពេញកិច្ចការងារបន្ថែមទៀត។ ដោយសារឥលូវនេះគុនខ្មែរបានបោះជំហានទៅលើឆាកអន្តរជាតិកាន់តែទូលំទូលាយ ដូច្នេះប្រសិនភាពការងារត្រូវតែអនុវត្តន៍ឲ្យកាន់តែប្រសើរ។ មួយវិញទៀតមន្ត្រីមួយចំនួនជាអតីតគ្រូបង្វឹក និងកីឡាករចាស់ៗហេតុនេះត្រូវតែជំរុញលើការពង្រឹងសមត្ថភាពពិសេសការដឹកនាំការប្រកួតតែម្ដង។

រូបភាពតំណាង (ផេកសហព័ន្ធ)

ប្រធានសហព័ន្ធខាងលើបន្តទៀតថា សហព័ន្ធក៏មិនចង់ឃើញការប្រកួតមួយដូចដែរ អេ អាំម៉ារីនភូថង ប្រកួតកន្លងទៅនេះទេ។ កីឡាករមួយថយពេក និងការប្រកួតដែលមិនសូវវាយបែបនេះជាដើមអាជ្ញាកណ្ដាលត្រូវតែណែនាំ ឬព្រមានដើម្បីធ្វើឲ្យការប្រកួតនោះធ្វើឲ្យអស់ពីសមត្ថភាព និងជក់ចិត្តសម្រាប់អ្នកគាំទ្រដូចគ្នា។

រូបភាពផេកសហព័ន្ធ

បញ្ជាក់ដែរថា កីឡាប្រដាល់គុនខ្មែរជារឿយៗឧហ្សាហ៍ជួបបញ្ហាលើការកាត់សេចក្ដីនៃការប្រកួតបន្ថែមពីនេះសហព័ន្ធក៏តែងតែបើកកិច្ចប្រជុំដោះស្រាយបញ្ហា ឬពិនិត្យលើការដាក់ពិន្ទុជាថ្មីផងដែរ។ ការលើកឡើងរបស់លោក ខូវ ឆាយ នេះបន្ទាប់ពីសហព័ន្ធប្រដាល់គុនខ្មែរបានដោះស្រាយបញ្ហារិះគន់ចំពោះការប្រកួតរបស់ អេ អាំម៉ារីនភូថង ជាមួយកីឡាករ Mo Abdurahman កន្លងទៅនេះ៕

អត្ថបទដោយ៖ នួន ស៊ីណា