ព័ត៌មានជាតិ

UNចាប់ផ្ដើមវាយតម្លៃលើតម្រូវការបន្ទាន់សម្រាប់ជនភៀសសឹកស្របពេលដែលបញ្ចេញជំនួយជាបន្តបន្ទាប់

បានផុស

៥ ខែ មុន

នៅ

ថ្ងៃសុក្រ ២៦ ធ្នូ ២០២៥

ដោយ

អង្គការសហប្រជាជាតិប្រចាំនៅកម្ពុជា បានសហការជាមួយគណៈកម្មាធិការជាតិគ្រប់គ្រងគ្រោះមហន្តរាយ (NCDM) ចាប់ផ្ដើមវាយតម្លៃតម្រូវការបន្ទាន់សម្រាប់ជនភៀសសឹក និងការស្ដារឡើងវិញសម្រាប់ជនងាយរងគ្រោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្ដីប្រកាសកាលពីថ្ងៃទី២៤ ខែធ្នូ UN in Cambodiaក្រុមការងារចម្រុះនឹងធ្វើការដោយផ្ទាល់ជាមួយពលរដ្ឋភៀសសឹក (IDPs) និងអាជ្ញាធរមូលដ្ឋានដើម្បីស្វែងយល់បន្ថែមអំពីតម្រូវការចាំបាច់ និងបន្ទាន់ ទាំងផ្នែកជម្រកស្នាក់នៅ អនាម័យ ទឹកស្អាត សុខភាព ស្បៀងអាហារ ការអប់រំ និងការគាំពារ។

ក្នុងសេចក្ដីប្រកាសនោះបានសរសេរថា៖ «ការសិក្សាប៉ាន់ប្រមាណនេះជាផ្នែកមួយនៃការឆ្លើយតបរួមរបស់អង្គការសហប្រជាជាតិ ដើម្បីជួយដល់ប្រជាជននៅកម្ពុជា»។

លទ្ធផលនៃការប៉ានប្រមាណរួមគ្នានេះនឹងជួយរាជរដ្ឋាភិបាលកម្ពុជា និងដៃគូពាក់ព័ន្ធក្នុងការកំណត់អាទិភាពដើម្បីផ្តល់ជំនួយ ពង្រឹងការសម្របសម្រួល និងធានាដល់ការផ្តល់ជំនួយទាន់ពេលវេលា និងសមស្របតាមស្តង់ដារជំនួយមនុស្សធម៌។

បើតាមអង្គការសហប្រជាជាតិ ចាប់តាំងពីខែមិថុនាមក ពលរដ្ឋភៀសសឹកប្រមាណជាង ១០ម៉ឺននាក់នៅក្នុងខេត្តចំនួន៧ បានទទួលការគាំទ្រពីវេទិកាឆ្លើយតបមនុស្សធម៌ (HRF) និងអង្គការសហប្រជាជាតិ ផ្នែកអនាម័យ ទឹកស្អាត សុខភាព ការអប់រំ ស្បៀងអាហារ និងជំរកស្នាក់នៅ។ បន្ថែមលើនេះ UN ក៏បានធ្វើការជាមួយរាជរដ្ឋាភិបាល ដើម្បីគាំទ្រដល់ពលករដែលត្រលប់មកពីប្រទេសថៃ ដើម្បីទទួលបានការងារនិងសេវាសង្គមចាំបាច់ ដូចជាសេវាគាំពារសង្គម។

គិតត្រឹមថ្ងៃទី២៥ ខែធ្នូ ការឈ្លានពានរបស់ថៃលើកម្ពុជាបានធ្វើឱ្យពលរដ្ឋខ្មែរ ៣០នាក់បានស្លាប់ របួស៨៨នាក់ និងបង្កឱ្យមនុស្សជាង៦៤ម៉ឺននាក់ភៀសសឹក ដែលធ្វើឱ្យមានតម្រូវការបន្ទាន់លើផ្នែកសុខភាព ដែលពេលនេះUN តាមរយៈអង្គការសុខភាពពិភពលោកបានបញ្ជូនសម្ភារសុខាភិបាលបន្ទាន់ទៅកាន់ទីតាំងភៀសសឹក ដើម្បីគាំទ្រដល់ការឆ្លើយតបផ្នែកសុខភាពរបស់រាជរដ្ឋាភិបាល ក្នុងការបន្តផ្តល់សេវាសុខាភិបាល និងការថែទាំសុខភាពសារវន្ត ទៅកាន់សហគមន៍ដែលកំពុងរងផលប៉ះពាល់៕

អត្ថបទដោយ ហ៊ុន សិរីវឌ្ឍន៍

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា