កីឡា
លោក ហេង វុទ្ធី លើកទឹកចិត្តក្រុមបាល់ទះស្នងការខេត្តកំពង់ចាម ជាសម្ភារ និងថវិកាសរុបជិត ២០០០ដុល្លារ
លោក ហេង វុទ្ធី បានជួបសំណេះសំណាលជាមួយក្រុមបាល់ទះស្នងការដ្ឋាននគរបាលខេត្តកំពង់ចាម និងបានឧបត្ថម្ភសម្ភារ ថវិកាមួយចំនួនដល់គ្រូបង្វឹក កីឡាករ ដើម្បីជាការលើកទឹកចិត្តត្រៀមខ្លួនចូលរួមការប្រកួតពានរង្វាន់សម្ដេច ក្រឡាហោម លើកទី៤ ថ្ងៃទី៧ ខែកុម្ភៈ ឆ្នាំ២០២៦ នេះ។
ទិដ្ឋភាពជួបសំណេះសំណាល
នេះបើតាមការផ្សព្វផ្សាយនៅលើហ្វេសបុកលោក ហេង វុទ្ធី ដែលជាស្នងការនគរបាលខេត្តកំពង់ចាម និងជាប្រធានក្លឹបបាល់ទះ បានបញ្ជាក់ថា កាលពីថ្ងៃទី២៤ ខែមករា ឆ្នាំ២០២៦ នេះលោកបានជួបសំណេះសំណាលជាមួយក្រុមគ្រូបង្វឹក កីឡាករ នៃស្នងការដ្ឋាននគរបាលខេត្តកំពង់ចាម ដើម្បីលើកទឹកចិត្តផង និងឧបត្ថម្ភផង។ ការលើកទឹកចិត្តនេះគឺដើម្បីជំរុញឲ្យក្រុមទាំងមូលរឹតតែខំប្រឹងប្រែងប្រកួតប្រជែងកាន់តែខ្លាំង និងអស់ពីសមត្ថភាពក្នុងពានរង្វាន់ធំមួយនេះ។
ទិដ្ឋភាពជួបសំណេះសំណាល
សម្ភារដែលបានឧបត្ថម្ភនាឱកាសនោះរួមមាន៖
១- ស្បែកជើងកីឡាចំនួន ១៨គូ
២- ខោ អាវកីឡាករចំនួន ២៨ឈុត
៣- អាវគ្រូបង្វឹកចំនួន ៤អាវ
៤- អាវប្រតិភូចំនួន ១៦អាវ
៥- បាល់ទះចំនួន ១០គ្រាប់
៦- សានូទប់ជង្គង់ចំនួន ១៤គូ
សរុបជាថវិកាចំណាយអស់ចំនួន ១៧៦៨ដុល្លារ
ទិដ្ឋភាពជួបសំណេះសំណាល
បញ្ជាក់ដែរថា ពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះនឹងធ្វើឡើងចាប់ពីថ្ងៃទី៧ ខែកុម្ភៈ ដល់ ថ្ងៃទី១ ខែមីនា នៅវិមានពហុកីឡដ្ឋានជាតិ។ សម្រាប់ក្រុមបាល់ទះស្នងការដ្ឋាននគរបាលខេត្តកំពង់ចាម គឺស្ថិតនៅក្នុងពូល C ជាមួយ ក្រុមកងពលធំអន្តរាគមន៍លេខ៣ ក្រុមឬទ្ធិសែនខេត្តកំពង់ឆ្នាំង និងស្នងការ ន.ប ខេត្តកែប។ ពានរង្វាន់នេះមាន ៣២ក្រុមចូលរួម និងបានបែងចែកជា ៨ពូល៕
ទិដ្ឋភាពជួបសំណេះសំណាល
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ