Connect with us

កីឡា

ព្រះ​ខ័ន​រាជ​ស្វាយរៀង ទទួល​បាន​ជ័យជម្នះ​ធំ​ធេង ៤-១ លើ ភ្នំពេញក្រោន

បានផុស

នៅ

ក្រុម​បាល់ទាត់​ ព្រះ​ខ័ន​រាជ​ស្វាយរៀង ទទួល​បាន​ជ័យជម្នះ​យ៉ាង​ធំធេង​លើ ភ្នំពេញ​ក្រោន ក្នុង​លទ្ធផល ៤-១ សម្រាប់​ការ​ប្រកួត​ជើង​ទី១ វគ្គ ៨ ក្រុម​ចុង​ក្រោយ​ ពាន​រង្វាន់ AFC Challenge League នា​ថ្ងៃទី​៥ ខែ​មីនា ឆ្នាំ ២០២៦ នៅ​ពហុកីឡដ្ឋាន​ជាតិ​អូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​ទាំង​ពីរ​ដែល​ដាក់​កីឡាករ​បរទេស​ពេញ​ជើង​ដូច​គ្នា​បាន​បើក​ការ​ប្រយុទ្ធ​គ្នា​គួរ​ឲ្យ​ចាប់​អារម្មណ៍ និង​រំភើប​រីក​រាយ​សម្រាប់​អ្នក​គាំទ្រ។ គ្រាន់​តែ​បើក​ឆាក​មិន​បាន​ប៉ុន្មាន​នាទី​ផង ភ្នំពេញ​ក្រោន បាន​បើក​ការ​នាំមុខ ១-០ ដោយ​កីឡាករ Moses Dyer នៅ​នាទី ៣ ប៉ុន្តែ​​ព្រះ​ខ័នរាជ​ស្វាយរៀង បាន​តាម​ស្មើ ១-១ នៅ​នាទី២៩ ដោយ​កីឡាករ Kwame Peprah។

នៅ​វគ្គ​ទី២ ព្រះ​ខ័ន​រាជ​ស្វាយរៀង ធ្វើ​បាន​យ៉ាង​ល្អឥត​ខ្ចោះ​ដោយ​រក​បាន ៣ គ្រាប់​បបន្ថែម​ទៀត ក្នុង​នោះ​កីឡាករ Kwame Peprah ស៊ុត​បាន ២ គ្រាប់​ទៀត​គឺ​នៅ​នាទី៦៧ និង​ ៨២ ហើយ ១គ្រាប់​ទៀត​ដោយ​កីឡាករ Patrick Robzon តាម​រយៈ​ការ​ស៊ុតប៉េណាល់​ទី។

ជ័យជម្នះ​នេះ​បាន​ផ្តល់​ឲ្យ ព្រះ​ខ័ន​រាជ​ស្វាយរៀង មាន​ភាព​កក់​ក្តៅ​សម្រាប់​ការ​ប្រកួត​ជើង​ទី​២ នៅ​ថ្ងៃ​ទី​១២ ខែ​មីនា ឆ្នាំ ២០២៦ នៅ​ពហុកីឡដ្ឋាន​ជាតិ​មរតក​តេជោ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម