កីឡា
ផល ផានិត ចំណុចខ្លាំងរបស់បាល់ទះស្នងការគឺលេងសាមគ្គីគ្នាមិនស្ដីបន្ទោសពេលបាល់ខូច
កីឡាករដំណែងបាល់ដេញ ផល ផានិត ថាចំណុចខ្លាំងរបស់ក្រុមបាល់ទះស្នងការរាជធានីភ្នំពេញ ពិសេសភាពរីកចម្រើនមួយរយៈពេលចុងក្រោយនេះគឺការលេងយល់ចិត្តគ្នា សាមគ្គីគ្នា និងមិនស្ដីបន្ទោសគ្នាពេលបាល់ខូចនៅពេលកំពុងលេងជាដើម។
ផានិត និងមិត្តរួមក្រុម
កីឡាករ ផល ផានិត បានឲ្យដឹងថា ចំណុចខ្លាំងរបស់ក្រុមបាល់ទះស្នងការនៅរយៈពេលចុងក្រោយនេះគឺកីឡាករស្ដាប់គ្រូណែនាំ ខំប្រឹងប្រែងហ្វឹកហាត់ និងម្នាក់ៗហ្វឹកហាត់បានទៀងទាត់ល្អ។ ចំណុចពិសេសមួយទៀតនោះគឺការលេងសាមគ្គីគ្នាតែម្ដង។ ពោលម្នាក់ៗលេងយល់ចិត្តគ្នា និងមិនស្ដីបន្ទោសឲ្យគ្នានៅពេលខូចបាល់នោះឡើយដោយគ្រាន់តែកែតម្រូវទៅតាមបច្ចេកទេសលេងប៉ុណ្ណោះ។
កីឡាករ ផល ផានិត
ជើងខ្លាំងខាងបាល់ដេញរូបនេះបន្ថែមទៀតថា ប៉ុន្មានចំណុចខាងលើនេះហើយបានធ្វើឲ្យក្រុមបាល់ទះស្នងការរាជធានីភ្នំពេញមានការរីកចម្រើន និងទទួលបានលទ្ធផលល្អដូចជាការប៉ះក្រុមស្វាយរៀង ប៉ះវិសាខា និងការប្រកួតវគ្គផ្ដាច់ព្រ័ត្រយកឈ្នះកោះកុងដោយលទ្ធផល ៣-០ លើកពានក្រឡាហោមកន្លងទៅនេះអីចឹង។
ផានិត កំពុងប្រកួត
បញ្ជាក់ដែរថា ផល ផានិត ជាកីឡាករតួនាទីបាល់ដេញ និងជាកម្លាំងស្នូលមួយរូបរបស់ក្រុមបាល់ទះស្នងការរាជធានីភ្នំពេញ។ ក្រុមបាល់ទះស្នងការរាជធានីភ្នំពេញបច្ចុប្បន្ននេះកំពុងតែមានភាពល្បីល្បាញជាខ្លាំង និងមានការចាប់អារម្មណ៍ពីអ្នកគាំទ្របាល់ទះបន្ទាប់ពីមានកីឡាករលេចធ្លោច្រើន និងការយកឈ្នះក្រុមធំៗនៅពានរង្វាន់សម្ដេចក្រឡាហោម លើកទី៤ ឆ្នាំ២០២៦ នេះ៕
ក្រុមបាល់ទះស្នងការរាជធានីភ្នំពេញ
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ