អ្នកកំពង់ស្ពឺ១៣នាក់វិជ្ជមានកូវីដ-១៩ ភាគច្រើនជាកម្មកររោងចក្រពីខេត្តកណ្ដាល

កំពង់ស្ពឺ៖ នៅថ្ងៃទី០១ ខែឧសភា ឆ្នាំ២០២១នេះ រដ្ឋបាលខេត្តកំពង់ស្ពឺ បានសេចក្តីជូនដំណឹង ស្តីពីការរកឃើញករណីជំងឺកូវីដ-១៩ ចំនួន ១៣រូបបន្ថែមទៀត ដែលជាករណីឆ្លងក្នុងសហគមន៍ ដែលភាគច្រើនជាកម្មករធ្វើការនៅរោងចក្រ ម៉ាស័រ & ហ្រ្វែង ក្នុងស្រុកអង្គស្នួល ខេត្តកណ្តាល។

ក្នុងនោះ រដ្ឋបាលខេត្តកំពង់ស្ពឺ បានបង្ហាញអត្តសញ្ញាណអ្នកវិជ្ជមានកូវីដ-១៩ទាំង១៣នាក់ និងសូមបងប្អូនដែលបានប៉ះពាល់ផ្ទាល់ ឬប្រយោលជាមួយបុគ្គលខាងលើ សូមដាក់ខ្លួនឱ្យនៅដាច់ដោយឡែក និងទាក់ទងទៅអាជ្ញាធរមូលដ្ឋានជាបន្ទាន់ ដើម្បីយកសំណាក់នៅមន្ទីរពេទ្យបង្អែក។

សូមបញ្ជាក់ថា ក្នុងចំណោមអ្នកវិជ្ជមានកូវីដ-១៩ថ្មី ទាង១៣នាក់ខាងលើ មានទារកទើបតែអាយុ ១ខែម្នាក់ក៏ឆ្លងពីមីងជាអ្នកភូមិព្រៃវែង ឃុំប្រាំបីមុម ស្រុកថ្ពង។

តាមស្ថិតិបមឋខេត្តកំពង់ស្ពឺ មានអ្នកឆ្លងកូវីដ-១៩ កើនដល់ ៣៧នាក់ ស្រី២៥នាក់ និងអ្នកមកថែក្មេង ០៤នាក់ទៀត ដែលពួកគាត់សុទ្ធតែត្រូវប្រឈមខ្ពស់បំផុត។ ក្នុងចំណោមអ្នកឆ្លងកូវីដ-១៩ មកពីស្រុកសំរោងទង១១នាក់ ភ្នំស្រួច៣នាក់ ឧដុង្គ១៥នាក់ ឱរ៉ាល់៤នាក់ គងពិសី០១នាក់ បសេដ្ឋ០២នាក់ និងថ្ពង០១នាក់។

រដ្ឋបាលខេត្តកំពង់ស្ពឺ បានក្រើនរម្លឹកដល់បងប្អូនប្រជាពលរដ្ឋសូមមេត្តាប្រុងប្រយ័ត្នឲ្យបានខ្ពស់ ជាពិសេសត្រូវអនុវត្តតាមវិធានការសុខាភិបាល ៣ការពារ ៣កុំ ជាប្រចាំ ដើម្បីជៀសផុតពីជំងឺដ៏កាចសាហាវនេះ។

អត្ថបទ៖ ភួង រដ្ឋា