នាំអំណោយគ្រឿងឧបភោគបរិភោគ និងថវិការបស់សម្តេចព្រះ វនរ័ត កិត្តិបណ្ឌិត ណយ ច្រឹក ដល់កម្លាំងអាវុធហត្ថមូលដ្ឋាន

លោកវរសេនីយ៍ឯក ភួង សុភី មេបញ្ជាការមូលដ្ឋានអាវុធហត្ថខណ្ឌព្រែកព្នៅ បានប្រជុំជួរត្រួតពិនិត្យកម្លាំង ពង្រឹងការអនុវត្តវិធានការ ការពារ ៣កុំ ៣ការពារ ដេីម្បីបង្ការ និងទប់ស្កាត់ការឆ្លងរាលដាលវីរុសកូវីដ-១៩ និងធ្វើការចែកអំណោយរបស់ សម្តេចព្រះវនរ័ត កិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា និងជាព្រះគ្រូចៅអធិការវត្ត ច័ន្ទបុរីវង្ស ដល់នាយទាហាន នាយទាហានរង ជាសមាជិក មូលដ្ឋានអាវុធហត្ថខណ្ឌព្រែកព្នៅ ទាំងអស់ នាថ្ងៃម្សិលមុិញ ក្នុងពេលប្រយុទ្ធប្រឆាំងនឹងជំងឺកូវីដ១៩។

អំណោយដ៏ថ្លៃថ្លារបស់សម្តេចព្រះវនរ័ត កិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា ដោយក្នុងម្នាក់ៗទទួលបាន
១/ អង្ករ១ការ៉ុង (២៥kg)
២/ ត្រីខកំប៉ុង១យួរ
៣/ មី១កេស
៤/ ទឹកត្រី១យួរ
៥/ ថវិកាចំនួន៥មុឺនរៀល ។
៦/ ទឹកសុទ្ធ១យួរ និងម៉ាស់ចំនួន១ប្រអប់ ដែលជាអំណោយបន្ថែមរបស់ លោកមេបញ្ជាការខណ្ឌផងដែរ។

ក្នុងឱកាសនោះ មេអាវុធហត្ថខណ្ឌព្រែកព្នៅ បានសម្តែងនូវការថ្លែងអំណរព្រះគុណយ៉ាងជ្រាលជ្រៅ ចំពោះសម្តេចព្រះវនរ័ត កិត្តិបណ្ឌិត ណយ ច្រឹក ដែលមានព្រះរាជសន្តានចិត្តជ្រះថ្លា ដល់អាវុធហត្ថមូលដ្ឋាននាពេលនេះ គឺពិតជាមានសារៈសំខាន់បំផុត សម្រាប់ប្រើប្រាស់ជាក់ស្តែងក្នុងអង្គភាពនាយុទ្ធនាការប្រឆាំងនឹងជំងឺរាតត្បាតកូវីដ១៩ដ៏កាចសាហាវនេះតែម្ដង៕

អត្ថបទ ៖ វិមាន