ព័ត៌មានអន្ដរជាតិ
ថ្លៃចំណាយរបស់ជនបរទេសនៅថៃ សម្រាប់ការព្យាបាលកូវីដរយៈពេល ១ សប្ដាហ៍
បច្ចុប្បន្នការព្យាបាលជំងឺកូវីដនៅប្រទេសថៃមិនគិតថ្លៃសម្រាប់ពលរដ្ឋខ្លួននោះទេ (ចំពោះពេទ្យរដ្ឋ) ប៉ុន្តែចំពោះជនបរទេសដែលចូលនិវត្តន៍ឬធ្វើការនៅក្នុងប្រទេសថៃ នឹងត្រូវបង់ប្រាក់សម្រាប់ការធ្វើតេស្តនិងព្យាបាលទាំងនៅក្នុងមន្ទីរពេទ្យរដ្ឋឬមន្ទីរពេទ្យឯកជន។
ចំណែកតម្លៃនៃការសម្រាកព្យាបាលនៅមន្ទីរពេទ្យរដ្ឋសម្រាប់ជនបរទេសគឺមានចន្លោះពី ៤,០០០ បាត (១២៩ ដុល្លារ) ទៅ ១០,០០០ បាត (៣២៣ ដុល្លារ) ក្នុងមួយយប់ អាស្រ័យលើកម្រិតនៃការថែទាំរបស់ក្រុមគ្រូពេទ្យ។ ហើយជនបរទេសត្រូវបង់ប្រាក់សរុប ១០០,០០០ បាត (៣,២៣២ ដុល្លារ) ក្នុងមួយសប្ដាហ៍ ។
ដោយឡែកសម្រាប់មន្ទីរពេទ្យឯកជនមួយចំនួន បានបង្កើតគ្លីនិកព្យាបាលរោគផ្លូវដង្ហើម (ARI Clinics) ដែលមានអាទិភាពលទ្ធផលតេស្តរហ័សក្នុងរយៈពេល ៦ ទៅ ១២ ម៉ោង ធៀបនឹងគ្លីនិកមិនមែន ARI បានចំណាយពេល ១២ ទៅ ៤៨ ម៉ោងទើបទទួលបានលទ្ធផល ។ ការចំណាយព្យាបាល ៦,៥០០បាត (២១០ ដុល្លារ) បើអ្នកជំងឺគ្រាន់តែចូលមន្ទីរពេទ្យដោយមិនមានរោគសញ្ញា ហើយស្នើសុំការធ្វើតេស្ត នោះអ្នកជំងឺនឹងត្រូវស្នើសុំឲ្យចំណាយថ្លៃធ្វើតេស្តដោយខ្លួនឯង។
ចំណែកនៅក្នុងមន្ទីរពេទ្យឯកជនខ្លះ ការប៉ាន់ប្រមាណខុសគ្នាអាស្រ័យលើថាតើអ្នកជំងឺត្រូវចូលក្នុងអង្គភាពថែទាំកម្រិតធ្ងន់ឬស្រាល ប៉ុន្តែបើតាមព័ត៌មានពីអ្នកនាំពាក្យមន្ទីរពេទ្យម្នាក់បានបង្ហាញថា ថ្លៃចំណាយអាចពី ៨០,០០០ បាត (២,៥៨៥ ដុល្លារ) ទៅ ៤០០,០០០ បាត (១២,៩២៩ ដុល្លារ) ក្នុងមួយថ្ងៃ ។ នោះគឺជាចំនួនទឹកប្រាក់ច្រើនសម្រាប់អ្នកចូលនិវត្តន៍ ឬប្រសិនបើអ្នកជំងឺទទួលរងនូវផលវិបាកផ្សេងទៀតដូចជា ជំងឺលើសឈាម មហារីកឬទឹកនោមផ្អែម ហើយសម្រាកព្យាបាលលើសពី ២ទៅ៤ សប្ដាហ៍ ថ្លៃព្យាបាលអាចលើសពី ២លានបាត (៦៤,៦៤១ ដុល្លារ) ឬទៅ ៣ លានបាត (៩៦,៩៦១ ដុល្លារ) ឯណោះ ។
ប៉ុន្តែបើសិនជនបរទេសមានបំណងស្នាក់នៅក្នុងប្រទេសថៃរយៈពេលយូរ ហើយមានការធានារ៉ាប់រងផ្នែកវេជ្ជសាស្ត្រ ថ្លៃចំណាយសម្រាប់អ្នកកំពុងសម្រាកព្យាបាលដែលមានស្ថានភាពមធ្យមគឺ ៣.២៥ លានបាត (១០០,០០០ ដុល្លារ) ក្នុងមនុស្សម្នាក់ដែលមានអាយុ ៦១ ទៅ ៦៥ ឆ្នាំ ៕
ប្រែសម្រួល៖ សាង ស្រីល័ក្ខ
ប្រភព៖ thaiexpathealth
ចុចអាន៖មិនធម្មតា! ថ្លៃចំណាយសម្រាប់ការព្យាបាលអ្នកជំងឺកូវីដ ១៩ ក្នុងម្នាក់នៅអាមេរិក
ចុចអាន៖តម្លៃព្យាបាលជំងឺកូវីដ-១៩ នៅមន្ទីរពេទ្យរ៉ូយ៉ាល់ ភ្នំពេញ មិនដូចអ្វីដែលបានបែកធ្លាយ
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ