ព័ត៌មានជាតិ

គ្រាប់យុទ្ធភណ្ឌមិនទាន់ផ្ទុះជាង១០០គ្រាប់ ត្រូវបានប្រជាពលរដ្ឋប្រទះឃើញ

បានផុស

៥ years មុន

នៅ

ថ្ងៃពុធ ១៦ មិថុនា ២០២១

ដោយ

នៅថ្ងៃទី១៦ ខែមិថុនា ឆ្នាំ២០២១ កម្លាំងនគរបាល នៃស្នងការដ្ឋាននគរបាលខេត្តឧត្តរមានជ័យ បានទទួលព័ត៌មានពីប្រជាពលរដ្ឋបានរាយការណ៍ថា បានប្រទះឃើញគ្រាប់យុទ្ធភណ្ឌមិនទាន់ផ្ទុះ ចំនួន១១៤គ្រាប់ ឃុំបេងចំនួន៨៥គ្រាប់ ឃុំគោកមនចំនួន០៣គ្រាប់ ឃុំគោកខ្ពស់ចំនួន ២៦គ្រាប់ នៅក្នុងស្រុកបន្ទាយអំពិល ខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីបានទទួលព័ត៌មាន កម្លាំងសមត្ថកិច្ចបានចុះទៅពិនិត្យដល់ទីតាំងគ្រាប់ និងសន្និដ្ឋានថា ជាគ្រាប់សេសសល់ពីសម័យសង្គ្រាម និងបានរាយការណ៍ជូនអង្គភាព ហាឡូ ត្រាស្ត (HALO) និងស៊ីម៉ាក់ មកយកទៅកម្ទេចចោលនៅកន្លែងមានសុវត្តិភាពរួចរាល់អស់ហើយ ។ សមត្ថកិច្ចបានឲ្យដឹងថា សំណល់គ្រឿងផ្ទុះសល់ពីសម័យសង្គ្រាមនៅមានច្រើនកប់ក្នុងដី។

សូមប្រជាពលរដ្ឋនៅតាមតំបន់ដាច់ស្រយាល ងាយរងគ្រោះថា្នក់ ពិសេសក្មេងតូចៗ។ ការជីកគាស់ ក៏កាយរុករានដីព្រៃធ្វើចម្ការងាយនឹងគ្រោះថ្នាក់ ដោយសារយុទ្ធភណ្ឌមិនទាន់ផ្ទុះ យើងរួមគ្នាទប់ ស្កាត់ការគ្រោះថ្នាក់បណ្តាលមកពីសំណល់គ្រឿងផ្ទុះសល់ពីសម័យសង្គ្រាមក្នុងសហគមន៍យើង ទាំងអស់គ្នា។

នៅពេលឃើញគ្រាប់មិនទាន់ផ្ទុះ សូមកុំប៉ះពាល់វា ហើយរាយការណ៍ជូនភូមិ -ឃុំ ប៉ុស្តិ៍ នគរបាល នៅក្នុង មូលដ្ឋានរបស់អ្នក ឬក៏ទំនាក់ទំនងមកការិយាល័យគ្រប់គ្រងអាវុធគ្រឿងផ្ទុះតាមរយៈលេខ ទូរស័ព្ទ : ០៨៨ ៤៥ ២២២ ៤៥៕

អត្ថបទ ៖ ចាន់ ធី