ព័ត៌មានអន្ដរជាតិ

សូមប្រយ័ត្ន មនុស្សរាប់ពាន់នាក់នៅវៀតណាមចាញ់បោកពាណិជ្ជកម្មតាមអនឡាញ

បានផុស

៥ years មុន

នៅ

ថ្ងៃចន្ទ ២៨ មិថុនា ២០២១

ដោយ

ការក្លែងបន្លំធ្វើពាណិជ្ជកម្មដោះដូររូបិយ័ណ្ណតាមអ៉ីនធឺណេតបានកំពុងរាលដាលខ្លាំងនៅប្រទេសវៀតណាមដែលមានមនុស្សរាប់ពាន់នាក់បានចាញ់បោកដោយសារតែចង់បានប្រាក់ចំណេញច្រើនក្នុងរយៈពេលខ្លី។

ប៉ូលិសនៅទីក្រុង Hai Phong ប្រទេសវៀតណាមកាលពីថ្ងៃអង្គារ៍បានបង្ក្រាបបណ្តាញទម្រង់ពាណិជ្ជកម្មធំខុសច្បាប់មួយនៅភាគខាងជើងទីក្រុងកំពង់ផែដែលមានមនុស្ស១១៥ ៧០០នាក់បានដាក់ប្រាក់ជាង៣២៦លានដុល្លារអាមេរិកដើម្បីធ្វើការវិនិយោគ។

ក្នុងចំណោមទម្រង់ពាណិជ្ជកម្មខុសច្បាប់នោះមានមួយគឺ Hitoption.net ដែលជាទម្រង់ពាណិជ្ជកម្មដោះដូររូបិយ័ណ្ណដែលមានអ្នកវិនិយោគ៩៦៩នាក់។

ប្រតិបត្តិកររៀបចំឲ្យអ្នកវិនិយោគភ្នាល់ថាតើរូបិយ័ណ្ណឡើង ឬធ្លាក់ចុះក្នុងរយៈពេល៣០វិនាទី។ ប្រសិនបើត្រូវ អ្នកនោះនឹងទទួលបានប្រាក់ចំណេញ៩៥%ពីការភ្នាល់នោះ ហើយប្រសិនបើខុស នឹងត្រូវបាត់បង់លុយទាំងអស់។

ប៉ូលិសបង្ក្រាបកន្លែងធ្វើពាណិជ្ជកម្មខុសច្បាប់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមលើនេះ ពួកគេក៏រៀបចំឲ្យអ្នកវិនិយោគពឹងផ្អែកលើមនុស្សយន្តដើម្បីធ្វើការភ្នាល់ដែរដោយនឹងទទួលបានប្រាក់ចំណេញពី៦ទៅ១៥%ក្នុងមួយខែ។

ជាពិសេសទៀតនោះ ប្រតិបត្តិករក៏ជួលបុគ្គលិកជិត១០០នាក់ដើម្បីឲ្យខលទូរសព្ទទៅរកអ្នកវិនិយោគឲ្យចូលរួមបន្ថែមទៀត។

ប៉ុន្តែប៉ូលិសបាននិយាយថា បន្ទាប់ពីដំណើរការមួយរយៈពេល ប្រតិបត្តិករនឹងធ្វើការរំខាន ឬប្រែប្រួលមនុស្សយន្តដើម្បីធ្វើឲ្យការភ្នាល់នោះចាញ់ និងមិនអនុញ្ញាតឲ្យអ្នកវិនិយោគដកប្រាក់បានឡើយ។

កាលពីខែមុន សមត្ថកិច្ចទីក្រុងហាណូយបានចាប់គ្រុបប្រតិបត្តិករមួយដែលបានបើកទម្រង់ពាណិជ្ជកម្មខុសច្បាប់៤កន្លែងដែលមានមនុស្ស១២០០០នាក់ដាក់ដាក់លុយប្រមាណ៣.៤លានដុល្លារអាមេរិក។

គ្រុបនេះបានធានាប្រាក់ចំណេញ១៥-៣០%ក្នុងមួយខែសម្រាប់អ្នកវិនិយោគក្នុងការដោះដូររូបិយ័ណ្ណ មាស ឬប្រាក់អនឡាញ។

ប៉ូលិសបានរកឃើញថា ប្រតិបត្តិករអាចជ្រៀតជ្រែកចូលទៅគណនីរបស់អ្នកវិនិយោគនៅពេលណាមួយ ហើយមិនមានការភ្ជាប់រវាងទម្រង់ប្រតិបត្តិការក្នុងប្រទេស និងប្រតិបត្តិការជាសល នៅពេលប្រតិបត្តិករធ្វើការផ្សព្វផ្សាយ។

វេបសាយដែលពួកគេប្រើមានដូចជា Rforex.com, Yaibroker, Vistaforex, Exswiss និង១៥ផ្សេងទៀត។

អាជ្ញាធរហាណូយបានប៉ាន់ស្មានថា មានទម្រង់ការធ្វើពាណិជ្ជកម្មដោះដូររូបិយ័ណ្ណខុសច្បាប់ប្រហែល៣០០នៅក្នុងប្រទេសវៀតណាមដែលមានមនុស្សរាប់ពាន់នាក់ដាក់ប្រាក់ដើម្បីវិនិយោគ៕

ប្រែសម្រួល៖ វីរបុត្រ
ប្រភព៖ e.vnexpress

Related Topics:ប្រទេសវៀតណាម ព័ត៌មានខ្លីៗ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា