ជីវិតកម្សាន្ដ

តារាចម្រៀង ពុទ្ធ មិថុនា ៖ បើអក្សរជាតិខ្លួនឯងមិនប្រើ តើអ្នកណាជាអ្នកប្រើ ?

បានផុស

៤ years មុន

នៅ

ថ្ងៃពុធ ២៨ កក្កដា ២០២១

ដោយ

តារាចម្រៀងវ័យក្មេងលោក ពុទ្ធ មិថុនា ថ្មីៗនេះចេញមុខបំផុសដល់យុវជនខ្មែរ ក៏ដូចជាអ្នកគាំទ្រឲ្យចូលរួមការថែរក្សានិងអភិរក្សអក្សរសាស្ត្រជាតិ តាមរយៈការប្រើប្រាស់នៅលើបណ្តាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការដាស់តឿនស្មារតីនេះដែរ ពុទ្ធ មិថុនា ក៏បានធ្វើការសំណូមពរឲ្យមហាជនបញ្ឈប់ការប្រើប្រាស់ពាក្យពេចន៍សរសេរជាអង់គ្លេសសំនៀងខ្មែរ ដោយងាកមកប្រើប្រាស់ភាសាកំណើតផងដែរ។ លោកថា កន្លងមកលោកក៏ធ្លាប់ដែរ តែពេលនេះបានផ្លាស់ប្តូរហើយ។

តារាចម្រៀងវ័យក្មេងរូបនេះលើកឡើងថា ពីមុនខ្ញុំក៏សរសេរអង់គ្លេសជាសំនៀងខ្មែរច្រើនដែរ ព្រោះវាងាយស្រួលក្នុងការសរសេរបានលឿន តែពេលមួយខ្ញុំបានឃើញគណនីក្នុងបណ្តាញសង្គមរបស់ប្រជាជននៅប្រទេសជិតខាង គឺគេសរសេរអក្សររបស់ជាតិគេគ្រប់គ្នាមិនថាតារាឬប្រជាជនធម្មតាទេ។

លោក ពុទ្ធ មិថុនា បញ្ជាក់បន្ថែមថា ដោយសារហេតុផលនេះហើយ ទើបធ្វើឲ្យលោកមានអារម្មណ៍គិតក្នុងចិត្តថាបើអក្សរជាតិខ្លួនឯងមិនប្រើតើអ្នកណាជាអ្នកប្រើ? នៅពេលនេះលោកព្យាយាមកែប្រែបានយ៉ាងច្រើន។ មានមហាជនជាច្រើនបង្ហាញការគាំទ្រការលើកឡើងរបស់លោក ពុទ្ធ មិថុនា ខាងលើ៕

អត្ថបទ៖ ចាន់រ៉ា

Related Topics:តារាចម្រៀងខ្មែរ