ព័ត៌មានអន្ដរជាតិ
ប្រទេសអាស៊ាន៤នេះចាក់វ៉ាក់សាំងបានតិច ជំរុញឲ្យកាកបាទក្រហមអំពាវនាវឲ្យជួយ
ប្រទេសអាស៊ានមួយចំនួនត្រូវការជំនួយវ៉ាក់សាំងបន្ថែមទៀតដើម្បីទប់ទល់នឹងកូវីដ-១៩ដែលកំពុងរាតត្បាតខ្លាំងពីវីរុសបំប្លែងខ្លួនកាចសាហាវ Delta។ នេះជាការលើកឡើងរបស់សហព័ន្ធអន្តរជាតិកាកបាទក្រហម និងសង្គមអឌ្ឍចន្ទក្រហម។
លោក Alexander Matheou នាយកសហព័ន្ធអន្តរជាតិកាកបាទក្រហម និងសង្គមអឌ្ឍចន្ទក្រហមប្រចាំតំបន់អាស៊ីប៉ាស៊ីហ្វិកបាននិយាយក្នុងសេចក្តីថ្លែងការណ៍មួយថា ៖«វិបត្តិកូវីដ-១៩នេះកំពុងរាតត្បាតខ្លាំងដោយវីរុសបំប្លែងខ្លួន Delta ដែលបានក្លាយជាសោកនាដកម្មទូទាំងអាស៊ាន»។
គួរឲ្យកត់សំគាល់នោះគឺថា បណ្តាប្រទេសអាស៊ានជាច្រើនមានដូចជា ថៃ វៀតណាម ឥណ្ឌូណេស៊ី និងហ្វីលីពីន កំពុងកើនឡើងករណីឆ្លងកូវីដ-១៩ថ្មី និងស្លាប់ជាប់កំណត់ត្រារហូត ស្របពេលជាមួយចំនួននៃការចាក់វ៉ាក់សាំងមានកម្រិតទាបនៅឡើយ។
មិនដូចប្រទេសនៅអឺរ៉ុបដូចជា កាណាដា អេស្ប៉ាញ និងចក្រភពអង់គ្លេសបានចាក់វ៉ាក់សាំងដូសពេញលេញជាង៦០%ដល់ប្រជាជនរបស់ពួកគេ ហើយអាមេរិកចាក់ពេញបានជាង៥០% ប្រទេសអាស៊ានមួយចំនួននៅមានកម្រិតទាបណាស់។ នេះបើយោងតាម Reuters។
ប្រទេសឥណ្ឌូណេស៊ី និងហ្វីលីពីនដែលមានប្រជាជនច្រើនបំផុតនៅអាស៊ានទើបចាក់វ៉ាក់សាំងបានពេញទាំងពីរដូសទើបបាន១០% និង១១%ប៉ុណ្ណោះ ខណៈប្រទេសវៀតណាមចាក់បាន២% ហើយថៃបាន៧%។
លោក Matheou បានប្រាប់ថា ៖«នៅក្នុងរយៈពេលខ្លី យើងត្រូវការប្រឹងប្រែងខ្លាំងពីប្រទេសអ្នកមានដើម្បីជំរុញការចែករំលែកវ៉ាក់សាំងរាប់លានដូសរបស់ពួកគេដល់ប្រទេសអាស៊ាន។ ក្រុមហ៊ុនវ៉ាក់សាំង និងរដ្ឋាភិបាលក៏ត្រូវការចែករំលែកគ្នានូវបច្ចេកវិទ្យា និងការផលិតបន្ថែម»។
លោកបន្ថែមថា ប៉ុន្មានសប្តាហ៍ខាងមុខនេះ សំខាន់ណាស់សម្រាប់ការបង្កើនការព្យាបាល ការធ្វើតេស្ត និងការចាក់វ៉ាក់សាំងគឺគ្រប់កន្លែងនៃប្រទេសអាស៊ានទាំងអស់។ គោលដៅគឺត្រូវចាក់វ៉ាក់សាំងបង្ការកូវីដ-១៩ឲ្យបាន៧០ទៅ៨០%។
កាលពីប៉ុន្មានថ្ងៃមុននេះ ប្រទេសថៃបានចរចារខ្ចីវ៉ាក់សាំងពីប្រទេសតូចប៊ូតានដែលធ្វើយ៉ាងណាឲ្យមានវ៉ាក់សាំងចាក់ដល់ប្រជាជនរបស់ខ្លួន៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)