ព័ត៌មានជាតិ

ដើរយំឡើងស្ពានជ្រោយចង្វារលោតទឹកសម្លាប់ខ្លួន តែត្រូវអ្នកសម្អាតស្ពានជួយទាន់

បានផុស

៥ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

ស្ត្រីម្នាក់មិនដឹងជាមានវិបត្តិរឿងអ្វីនោះទេ បានដើរយំឡើងលើស្ពានជ្រោយចង្វារគោលបំណងលោតទឹកសម្លាប់ខ្លួន តែសំណាងល្អបានអ្នកអនាម័យកំពុងមកសម្អាតនៅលើស្ពានឃើញ ក៏ជួយអន្តរាគមន៍ហៅគេហៅឯងចាប់ឃាត់ទាន់ពេល រួចបញ្ចៀសគាត់ឲ្យចុះមកត្រើយខាងលិចវិញ។

ហេតុការភ្ញាក់ផ្អើលនេះបានកើតឡើងកាលពីរសៀលថ្ងៃទី២៦ ខែសីហា ឆ្នាំ២០២១ នៅលើស្ពានជ្រោយចង្វារ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដែលបានឃើញហេតុការណ៍បានឲ្យដឹងថា នៅវេលាកើតហេតុគេឃើញស្ត្រីម្នាក់ស្លៀកពាក់ឈុតពណ៌ខៀវទទូកន្សែងរួមទាំងពាក់ម៉ាសដើរឡើងលើស្ពានជ្រោយចង្វាដោយទឹកមុខស្រពោនព្រមទាំងទឹកភ្នែករហាមផង មិនដឹងជាគាត់កើតទុកមិនសុខចិត្តរឿងអ្វីនោះទេ។ លុះដល់ពាក់កណ្ដាលស្ពានបំណងនឹងលោតទឹកសម្លាប់ខ្លួន ក៏គាប់ជួនបានអ្នកបោសសម្អាតធ្វើអនាម័យនៅលើស្ពានឃើញដូច្នេះក៏ស្រែកអន្តរាគមន៍ឲ្យអ្នកជិតខាងជួយឈប់យានជំនិះចាប់ឃាត់ខ្លួនទាន់ពេលរួចបញ្ចៀសគាត់ឲ្យចុះមកគោលដៅត្រើយខាងលិចដើម្បីឱ្យសមត្ថកិច្ចសួរនាំប៉ុន្តែស្ត្រីរូបនោះមិននិយាយស្ដីឬផ្ដល់ព័ត៌មានឲ្យសមត្ថកិច្ច ក៏ដូចជាអ្នកសារព័ត៌មានដែលកំពុងតែនាំគ្នារត់ប្រសាចដើម្បីសួរនាំពីរឿងហេតុនៃបញ្ហាដែលឈានដល់ការប៉ុនប៉ងលោតទឹកសម្លាប់ខ្លួននោះឡើយ ហើយស្ត្រីរូបនោះក៏ព្យាយាមដើរចេញពីក្រុមអ្នកព័ត៌មានរហូតទៅដល់ផ្លូវ៧០ ទើបគេបែកផ្លូវគ្នាអស់ទៅដោយមិនដឹងថា ស្ត្រីរូបនោះគាត់ដើរទៅណាទៀតឡើយ ម្យ៉ាងវិញទៀតគេពុំបានដឹងថា ស្ត្រីរូបនោះរស់នៅឬធ្វើការងារកន្លែងណាឡើយ។

ដូច្នេះហើយគេសង្ឃឹមថា គាត់នឹងឈប់មានបំណងគិតខ្លីដូច្នេះតទៅទៀត៕

អត្ថបទ ៖ រស្មី

Related Topics:វិបត្តិផ្លូវចិត្ត ស្ពានជ្រោយចង្វារ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា