ក្រសួង​ធម្មការ ណែនាំ​ឲ្យអនុវត្ត​បង្ការ​ការពារ ក្នុង​ឱកាស​បុណ្យ​ភ្ជុំបិណ្ឌ

ក្រសួង​ធម្មការ និង​សាសនា​បាន​ចេញសេចក្តី​ណែនាំ​ ខណៈ​ប្រជាពលរដ្ឋកម្ពុជា​ត្រៀមរៀបចំ​​រដូវ​បុណ្យ​ភ្ជុំបិណ្ឌ និង​កឋិនទាន។

ដើម្បីរៀបចំបុណ្យកាន់បិណ្ឌ និងកឋិនទាន ឱ្យដំណើការស្របទៅ​តាមទំនៀមទម្លាប់ និងប្រពៃណីព្រះពុទ្ធសាសនា តាមការ​ណែនាំ​និងចូលរួមប្រតិបត្តិ​តាមសេចក្តីណែនាំរបស់ក្រសួងសុខាភិបាល និងអាជ្ញាធរដែនដី ក្នុងការអនុវត្តវិធានការចាំបាច់នានា សំដៅកាត់ផ្តាច់ និងទប់ស្កាត់ការឆ្លងរាលដាលនៃ “ព្រឹត្តិការណ៍សហគមន៍​ ២០ កុម្ភៈ” តាមសភាពជាក់ស្តែងនៃទីកន្លែងនីមួយៗ។

ក្នុងការអនុវត្តវិធានការចាំបាច់នានា ដែលមានការ​ពាក់​ម៉ាស់ ធ្វើការវាស់កម្ដៅ រក្សាអនាម័យ រក្សាគម្លាតសុវត្ថិភាពសង្គម-បុគ្គល និង​ត្រូវប្រកាន់ភ្ជាប់ជានិច្ចនូវវិធានការ ៣កុំ ៣ការពារ” សំដៅកាត់ផ្តាច់ និងទប់ស្កាត់ការឆ្លងរាលដាលនៃ “ព្រឹត្តិការណ៍សហគមន៍ ២០ កុម្ភៈ” ដែលជាជំងឺឆ្លងកាចសាហាវ និង ប្រកបដោយគ្រោះថ្នាក់ធ្ងន់ធ្ងរ។

បុណ្យកាន់បិណ្ឌ ភ្ជុំបិណ្ឌជាបុណ្យប្រពៃណីព្រះពុទ្ធសាសនាដ៏សំខាន់ ហើយ​ឆ្នាំនេះនឹងប្រព្រឹត្តទៅពីថ្ងៃថ្ងៃទី២២ ខែកញ្ញា ដល់ថ្ងៃទី០៦ ខែតុលា ឆ្នាំ២០២១។ ចំណែក​បុណ្យកឋិនទាន មាន​លក្ខណ:ពិសេសនៅក្នុងព្រះពុទ្ធសាសនា ដែលក្នុងមួយឆ្នាំមាន​តែម្តង មានរយ:ពេលកំណត់ ២៩ ថ្ងៃ ហើយ​ដែល​ឆ្នាំនេះបុណ្យ​កឋិនទាន នឹង​រៀបចំឡើង​នៅ​ថ្ងៃទី២២ ខែតុលា ដល់ថ្ងៃទី១៩ ខែវិច្ឆិកា ឆ្នាំ ២០២១៕