ព័ត៌មានជាតិ

រដ្ឋមន្ត្រីក្រសួងធម្មការជំរុញការប្រែក្លាយគ្រប់វត្តអារាមទៅជាកន្លែងទេសចរណ៍សាសនា

បានផុស

៤ ខែ មុន

នៅ

ថ្ងៃសុក្រ ២៧ កុម្ភៈ ២០២៦

ដោយ

រដ្ឋមន្ត្រីក្រសួងធម្មការ និងសាសនា លោក ចាយ បូរិន បានជំរុញដល់អគ្គនាយកកិច្ចការសាសនាជំរុញ និងបំផុសគ្រប់អារាមសាសនាទាំងអស់អនុវត្តឱ្យបាននូវអភិក្រម ស៣ ដើម្បីប្រែក្លាយគ្រប់អារាមសាសនាទាំងអស់ក្លាយជាទីកន្លែងទេសចរណ៍សាសនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបិទសន្និបាតការងារឆ្នាំ២០២៥ នៅសាលសន្និសីទចតុម្មុខរសៀលថ្ងៃទី២៦ ខែកុម្ភៈ ឆ្នាំ២០២៦ លោករដ្ឋមន្ត្រី ចាយ បូរិន មានប្រសាសន៍ថា អភិក្រម ស៣ ដែលដាក់ចេញដោយក្រសួងធម្មការមាន ស្អាត ស្វាង និងស្ងប់ ដែលជាអភិក្រមក្នុងការការកែប្រែគ្រប់អារាមសាសនាទាំងអស់ទៅជាកន្លែងទេសចរណ៍សាសនា។ លោកក៏ជំរុញឱ្យមានការដាំដើមឈើ និងបន្លែនៅតាមវត្តអារាមនានាផងដែរ។

លោករដ្ឋមន្ត្រីបានបញ្ជាទៅអគ្គនាយកដ្ឋានកិច្ចការសាសនាឱ្យពង្រឹងលើការងារនេះ។

គួរឱ្យដឹងផងដែរថាដើម្បីជំរុញលើកកម្ពស់ទេសចរណ៍សាសនានៅកម្ពុជា ក្រសួងធម្មការ និងសាសនា ទើបតែចុះអនុស្សរណៈនៃការយោគយល់គ្នាជាមួយក្រសួងទេសចរណ៍កាលពីចុងខែមករា កន្លងទៅដើម្បីជំរុញកំណើនទេសចរណ៍ផ្ទៃក្នុង និងទាក់ទាញភ្ញៀវទេសចរអន្តរជាតិមកទស្សនាកម្ពុជាកាន់តែច្រើន៕