ព័ត៌មានជាតិ

ក្រសួងអប់រំប្រកាសពន្យារពេលប្រឡងជ្រើសរើសនិស្សិតថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំ ជំនាន់ទី៩

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

ភ្នំពេញ ៖ ក្រសួងអប់រំយុវជននិងកីឡា បានប្រកាសពន្យារពេលប្រឡងជ្រើសរើសនិស្សិតថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រងអប់រំ ជំនាន់ទី៩ ឆ្នាំសិក្សា២០២០-២០២១ ដែលគ្រោងរៀបចំនៅថ្ងៃទី០៧ ខែធ្នូ ឆ្នាំ២០២០។

យោងតាមសេចក្ដីជូនដំណឹងរបស់ក្រសួងអប់រំយុវជននិងកីឡាចុះថ្ងៃទី០១ធ្នូនេះបានឲ្យដឹងថាក្រសួងនឹងជួនដំណឹងពីកាលបរិច្ឆេទនេះនៅពេលក្រោយ។

យ៉ាងណាក៏ដោយក្រសួងមិនបានបញ្ជាក់ថាការពន្យាពេលក្នុងការជ្រើសរើសនេះបណ្តាលមកពីមូលហេតុអ្វីនោះទេ។ ប៉ុន្តែប្រហែលជាក្រសួងចូលរួមទប់ស្កាត់ជំងឺកូវីដឆ្លងចូលសហគមន៍ដោយសារមានព្រឹត្តិការណ៍២៨វិច្ឆិកាដែលមានការឆ្លងជំងឺកូវីដ១៩ចូលក្នុងសហគមន៍។

បើតាមក្រសួងសុខាភិបាលបានឲ្យដឹងថា រយៈពេល២ថ្ងៃគឺថ្ងៃទី២៩និង៣០វិច្ឆិកាឆ្នាំ២០២០មានអ្នកជាប់ពាក់ព័ន្ធជាមួយព្រឹត្តិការណ៍២៨វិច្ឆិកាចំនួន៤,៨៦៩នាក់ ក្នុងនោះក្រសួងបានធ្វើតេស្តនៅថ្ងៃទី៣០ ខែវិច្ឆិកាចំនួន ២,៦២១នាក់ក្នុងនោះនៅរាជធានីភ្នំពេញចំនួន២,១៣១នាក់និងនៅថ្ងៃទី២៩វិច្ឆិកាមានចំនួន២២៤៨នាក់។

ជាលទ្ធផលតេស្តបានបង្ហាញថា មានអ្នក វិជ្ជមានវីរុសកូវីដ-១៩ ថ្មី សរុបចំនួន១៧នាក់។រីឯចំនួននៅសល់ ៤.៨៥២នាក់ គឺមានលទ្ធផល អវិជ្ជមានវីរុសកូវីដ-១៩ ទាំងអស់៕
ដោយ ៖ សំអឿន