ចរាចរណ៍

បុរស ៣ នាក់ បានបើករថយន្តស៊េរី Aphat ទៅបុករបងផ្សាររាត្រី ខូចខាតយ៉ាងដំណំ

បានផុស

៤ years មុន

នៅ

ថ្ងៃអង្គារ ១៤ ធ្នូ ២០២១

ដោយ

បុរសម្នាក់ក្នុងចំណោមគ្នា ៣ នាក់ ដែលប្រហែលទើបនឹងចេញពីផឹកស៊ីមានស្ថានភាពស្រវឹងធ្លាក់ភ្នែកបានបើករថយន្តស៊េរីទំនើបមួយគ្រឿងម៉ាក aphat បោះពួយយ៉ាងលឿនរួចក៏រេចង្កូតទៅបុកនឹងរបងដែកផ្សាររាត្រី បណ្ដាលឲ្យរងការខូចខាតបើកទៅមុខលែងរួចទើបពួកគេនាំគ្នាចុះមកដោះស្លាកលេខចេញព្យាយាមបិទបាំង ហើយគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នោះដែលបានកើតឡើងកាលពីម៉ោង ៣ និង ១០ នាទីរំលងអធ្រាត្រឈានចូលថ្ងៃទី ១៤ ខែធ្នូ ឆ្នាំ ២០២១ នៅចំណុចមុខផ្សាររាត្រី ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

ប្រភពព័ត៌មានពីក្រុមអ្នករត់ម៉ូតូកង់ ៣ ដែលកំពុងឈប់រង់ចាំម៉ូយនៅម្ដុំនោះបានរៀបរាប់ឲ្យដឹងថា នៅវេលាកើតហេតុគេឃើញរថយន្តម៉ាក aphat ពណ៌សស៊េរីទំនើបមួយគ្រឿងពាក់ស្លាកលេខភ្នំពេញ2BA 3566 បានបើកបោះពួយយ៉ាងលឿនធ្វើដំណើរតាមបណ្ដោយផ្លូវព្រះស៊ីសុវត្ថិ ក្នុងទិសដៅពីត្បូងមកជើងលុះមកដល់ចំណុចកើតហេតុ មិនដឹងជាមានបញ្ហាអ្វីនោះទេ ស្រាប់តែរថយន្តបានរេចង្កូតមកឆ្វេងដៃហោះទៅឡើងចិញ្ចើមផ្លូវបុកនឹងរបងដែករបស់ផ្សាររាត្រី បណ្ដាលឱ្យរងការខូចខាតទាំងរបង និងរថយន្តផ្នែកខាងមុខទាំងស្រុង មិនអាចបន្តដំណើរទៅមុខទៀត បន្ទាប់មកគេឃើញបុរស ៣ នាក់ ដែលស្ថិតក្នុងស្ថានភាពស្រវឹង។ បន្ទាប់មកពួកគេក៏នាំគ្នាបានដោះស្លាកលេខរថយន្តទាំងមុខទាំងក្រោយ ចេញដើម្បីព្យាយាមបិទបាំងកុំឲ្យគេស្គាល់ថា រថយន្តជារបស់ពួកខ្លួន។

ប្រភពព័ត៌មានបានបញ្ជាក់ទៀតថា បន្ទាប់ពីពួកគេទាំងនោះបានដុះស្លាកលេខទាំងមុខទាំងក្រោយរថយន្តបង្កហេតុចេញហើយនោះ ពួកគេក៏នាំគ្នាគេចខ្លួនបាត់អស់ទៅបន្សល់ទុកតែរថយន្តនៅកន្លែងកើតហេតុ ដើម្បីឲ្យសមត្ថកិច្ចមូលដ្ឋានចុះមកអន្តរាគមន៍រជាមួយកម្លាំងជំនាញចុះមកស្ទូចរថយន្តនោះយកទៅរក្សាទុក ដើម្បីរង់ចាំអ្នកបង្កហេតុចូលខ្លួនដោះស្រាយតាមនីតិវិធី៕

អត្ថបទ៖ រស្មី

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា