ព័ត៌មានជាតិ
អភិបាលខេត្តស្វាយរៀង ណែនាំមន្ត្រីសាលាភូមិន្ទរដ្ឋបាលកុំតាំងខ្លួនជាមន្ត្រីជើងដប់
លោក ម៉ែន វិបុល អភិបាលនៃគណៈអភិបាលខេត្តស្វាយរៀង បានណែនាំឱ្យមន្ត្រីនៃសាលាភូមិន្ទរដ្ឋបាលកុំតាំងខ្លួនជាមន្ត្រីជើងដប់ឲ្យសោះ ត្រូវតាំងខ្លួនជាមន្ត្រីជើងពីរនិងយកចិត្តទុកដាក់បម្រើប្រជាពលរដ្ឋឱ្យបានល្អប្រសើរ។
ការណែនាំនេះបានធ្វើឡើងកាលពីថ្ងៃទី២៦ ខែមករា ក្នុងជំនួបសំណេះសំណាលជាមួយកម្មសិក្សាការី វគ្គវិក្រឹត្យការមន្ត្រីជាន់ខ្ពស់ វគ្គវិក្រឹត្យការមន្ត្រីគ្រប់គ្រងរដ្ឋបាល និងវគ្គវិក្រឹត្យការមន្ត្រីមធ្យម បញ្ចប់ការសិក្សានៃសាលាភូមិន្ទរដ្ឋបាលឆ្នាំ២០២១ក្នុងខេត្តស្វាយរៀង។
ក្នុងឱកាសនោះ លោកអភិបាលខេត្ត បានលើកទឹកចិត្ត និងសូមកោតសរសើចំពោះមន្ត្រីទាំងអស់ បើទោះបីស្ថិតក្នុងបរិបទនៃជំងឺកូវីដ១៩ ដែលតម្រូវឲ្យសិក្សាតាមប្រព័ន្ធអនឡាញ ប៉ុន្តែបានខិតខំព្យាយាមរៀនសូត្ររហូតបញ្ចប់ការសិក្សាដោយជោគជ័យ និងបានវិលត្រឡប់មកបំពេញការងារនៅតាមអង្គភាព-ស្ថាប័នរបស់ខ្លួននាពេលនេះ។
លោកអភិបាលខេត្តបានផ្តាំផ្ញើថា មន្ត្រីគឺជាខ្ញុំបម្រើដ៏ស្មោះត្រង់របស់ប្រជាជន ហើយក្នុងនាមជាមន្ត្រីយើងត្រូវរំឭកខ្លួនឯងថា ខ្លួនគឺជាអ្នកបម្រើប្រជាជនមិនមែនជាចៅហ្វាយប្រជាជនទេ ត្រូវខិតខំធ្វើអំពើល្អ និងត្រូវបំពេញការងារដោយឈរលើមូលដ្ឋានបម្រើផលប្រយោជន៍ប្រជាជនជាធំ។
លោកអភិបាលខេត្តបានបន្តថា ជាមួយគ្នានេះមន្ត្រីត្រូវមានគុណធម៌ និងសិលធម៌របស់មន្ត្រី។ ពេលនៅឲ្យប្រជាជនស្រលាញ់ ពេលចេញឲ្យប្រជាជនរឮក ជាពិសេសសម្រាប់មន្ត្រីមូលដ្ឋាន។ ជាងនេះទៀត សូមកុំតាំងខ្លួនជាមន្ត្រីជើងដប់ឲ្យសោះ ត្រូវតាំងខ្លួនជាមន្ត្រីជើងពីរនិងកុំតាំងខ្លួនជាមន្ត្រីគ្រាប់ល្ពៅ គឺត្រូវធ្វើជាមន្ត្រីដែលស្មោះត្រង់ចំពោះថ្នាក់ដឹកនាំ ចំពោះអង្គភាព ចំពោះការងាររបស់ខ្លួន និងប្រជាជន។
លោកអភិបាលខេត្តបានណែនាំទៀតថា ត្រូវយកចំណេះដឹងដែលទទូលបានពីវគ្គសិក្សានេះ ទៅបំពេញការងារដោយស្មោះត្រង់ និងឲ្យអស់ពីសមត្ថភាពដើម្បីជួយកែលម្អ និងអភិវឌ្ឍន៍ស្ថាប័នរបស់ខ្លួនឲ្យកាន់តែមានការរីកចម្រើននិងត្រូវរួមសហការគ្នាបំពេញការងារដោយសាមគ្គីភាព និងឯកភាពផ្ទៃក្នុងឲ្យបានល្អព្រមទាំងគោរពឋានានុក្រមការងារ និងការចាត់តាំងរបស់ថ្នាក់ដឹកនាំ៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore