ព័ត៌មានជាតិ
នាយប៉ុស្តិ៍រដ្ឋបាលរលួស ត្រូវគេវាយបីដៃ ករណីចុះដោះស្រាយគ្រោះថ្នាក់ចរាចរណ៍
គ្រាន់តែរឿងចុះដោះស្រាយ ដើម្បីបញ្ចប់ករណីគ្រោះថ្នាក់ចរាចរណ៍បន្តិចបន្តួចមួយ នៅចំណុចក្បែររង្វង់មូលស្រីកងស្រូវ លោក ចាប វីណុច នាយប៉ុស្តិ៍រដ្ឋបាលរលួស ត្រូវគេវាយចំនួន ៣ដៃ។ ហេតុការណ៍នេះ កើតឡើងនៅភូមិកណ្តាល សង្កាត់រលួសខណ្ឌដង្កោ រាជធានីភ្នំពេញ កាលពីវេលាម៉ោង ២០ និង១០នាទី យប់ថ្ងៃទី១១ ខែធ្នូ ឆ្នាំ២០២០។
មូលហេតុដែលនាំឲ្យលោកនាយប៉ុស្តិ៍នគរបាលរដ្ឋបាលរលួស ត្រូវគេវាយចំនួន ៣ដៃនោះ បើតាមសាក្សីនៅកន្លែងកើតហេតុប្រាប់ឲ្យដឹងថា ផ្តើមឡើងដោយសារហេតុការណ៍គ្រោះថ្នាក់ចរាចរណ៍កើតឡើង រវាងរថយន្តព្រូស ប៉ះគ្នាតិចតួចជាមួយ ម៉ូតូ សេ១២៥ នៅចំណុចក្បែរ រង្វង់មូលស្រីកងស្រូវ។
ភ្លាមៗនោះ ក៏មានសមត្ថកិច្ចប៉ុស្តិ៍រលួសពីរ ទៅ បី នាក់ខំជួយសម្របសម្រួលផងដែរ។ ប៉ុន្តែដោយសារភាគីទាំងសង្ខាងចរចាគ្នាមិនត្រូវ ទើបលោក ចាប វីណុច នាយប៉ុស្តិ៍នគរបាលរដ្ឋបាលរលួស ព្យាយាមចុះមកដោយផ្ទាល់ ក្នុងគោលបំណងជួយដោះស្រាយបញ្ចប់រឿង គ្រាកំពុងតែបញ្ចេញមតិយោបល់ ស្រាប់តែគេស្ទុះវាយចំនួន៣ដៃ ក្នុងនោះផ្ទៃមុខ២ដៃ និង កញ្ចឹងក១ដៃ ដែលធ្វើឲ្យមេប៉ុស្តិ៍ស្រលាំងកាំងរកនិយាយអ្វីមិនចេញ ដូច្នេះមានតែទំនាក់ទំនងទៅកាន់សមត្ថកិច្ចនគរបាលជំនាញចរាចរណ៍ នាំយកមធ្យោបាយទាំង២គ្រឿង ព្រមទាំងអ្នកបើកបរទាំងសងខាង យកទៅអធិការដ្ឋាននគរបាលខណ្ឌដង្កោ ដើម្បីរង់ចាំដោះស្រាយតាមនីតិវិធី៕
អត្ថបទ៖ រ៉ាវុទ្ធ
សូមចុចអាន៖ រថយន្ត ២ គ្រឿង ប៉ះទង្គិចគ្នាពេញទំហឹង បណ្តាលឲ្យរថយន្តតូចឆាបឆេះ និងស្លាប់អ្នកបើកបរម្នាក់
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ