ព័ត៌មានជាតិ
ស្រូវប្រាំងខេត្តព្រៃវែងឆ្នាំនេះ មានទិន្នផលកើនឡើងជាងឆ្នាំមុន
ព្រៃវែង៖ ការផលិតកម្មដំណាំស្រូវរដូវប្រាំង(គិតត្រឹមថ្ងៃទី២២ ខែកុម្ភៈ ឆ្នាំ២០២២)នៅខេត្តព្រៃវែង អនុវត្តលើផ្ទៃដីសរុបចំនួន ១១៨,៥៨២ ហិកតា ស្មើនឹង១៥៨,១១% នៃផែនការ ៧៥ ០០០ ហិកតា កើនឡើងជាង៧ ៣០៣ ហិកតា ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍របស់មន្ទីរកសិកម្ម រុក្ខាប្រមាញ់ ខេត្តព្រៃវែង។
របាយការណ៍ដដែល បានឲ្យដឹងទៀតថា ការងារប្រមូលផលដំណាំស្រូវរដូវប្រាំង សរុប ៥១ ៧៥១ហិកតា ស្មើនឹង៤៣,៦៤%នៃផ្ទៃដីអនុវត្តបាន ១១៨៥៨២ហិកតា។ បរិមាណផល សរុប២៥០ ៥៤៥តោន និងទិន្នផលមធ្យម ៤,៨៤ តោន/ហិកតា។ ចំពោះបរិមាណនាំចេញស្រូវក្រៅផ្លូវការ គិតចាប់ពីថ្ងៃទី០១ ខែមករា ឆ្នាំ២០២២ ដល់ថ្ងៃទី២០ ខែកុម្ភៈ ឆ្នាំ២០២២ សរុបមានចំនួន២៩៤ ៦៩៤តោន ស្មើនឹង៦១ ៩៦៩ ៧២៤ដុល្លារ។ ដោយឡែកក្នុងសប្តាហ៍នេះ សរុបមានចំនួន ៥៣, ៦២៦ តោន ស្មើនឹង ១១,១២០,៩៣០ ដុល្លារ។ ក្នុងនោះ មានប្រភេទស្រូវ IR50404 មានតម្លៃ ៨៥០/គីឡូក្រាម និងប្រភេទស្រូវ OM5451 មានតម្លៃ៨៦០/គីឡូក្រាម។
មិនត្រឹមតែដាំដុះស្រូវប៉ុណ្ណោះទេ ក្នុងនោះដំណាំសាកវប្បកម្ម និងដំណាំឧស្សាហកម្មរដូវប្រាំង(គិតត្រឹមថ្ងៃទី២២ ខែកុម្ភៈ ឆ្នាំ២០២២) មាន ពោត ឪឡឹក និងម្ទេសគ្រប់មុខ សម្រេចបានលើផ្ទៃដីសរុបចំនួន ១ ២៨១ហិកតា ស្មើនឹង១៦២,១៥%នៃផែនការ៧៩០ហិកតា។ ផ្ទៃដីប្រមូលផលសរុប៥៨៦ហិកតា ដោយទទួលបាន បរិមាណផលសរុប៨ ៧៩០តោន។ ហើយចំពោះដំណាំឧស្សាហកម្មមានពោតក្រហម សណ្ដែកបាយ សណ្ដែកដី ល្ង អំពៅ និងឈូក សម្រេចបានលើផ្ទៃដីសរុប ចំនួន៣៧៣៦ហិកតា ស្មើនឹង៧៣,១៨%នៃផែនការ៥ ១០៥ហិកតា។ ផ្ទៃដីប្រមូលផលសរុប២៧៧ហិកតា ដោយទទួលបានបរិមាណផលសរុប៣ ៤៤៣តោន៕សៅគ្រី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង