អង់គ្លេស ជំរុញឲ្យឥណ្ឌា បោះបង់ជំហរអព្យាក្រឹត ហើយថ្កោលទោស ការលុកលុយរបស់រុស្ស៊ី

នាយករដ្ឋមន្ត្រីអង់គ្លេសលោក Boris Johnson បានជំរុញឲ្យប្រទេសឥណ្ឌា ចូលរួមជាមួយលោកខាងលិច ថ្កោលទោសការវាយលុករបស់រុស្ស៊ីលើអ៊ុយក្រែន ចំពេលមានកំហឹងកាន់តែខ្លាំងឡើងចំពោះជំហរអព្យាក្រឹតរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយទៅកាន់នាយករដ្ឋមន្រ្តីឥណ្ឌា Narendra Modi ឲ្យពិភាក្សាអំពីស្ថានភាពដ៏ធ្ងន់ធ្ងរ នៅក្នុងប្រទេសអ៊ុយក្រែន។

នៅពេលដែលអង្គការសហប្រជាជាតិបោះឆ្នោតថ្កោលទោសជាឯកច្ឆ័ន្ទលើប្រទេសរុស្ស៊ីកាលពីដើមខែនេះ ឥណ្ឌាបានអនុបវាទ។

លោក Modi ថែមទាំងបានបង្កើតយន្តការមួយ ដើម្បីជួយសម្រួលពាណិជ្ជកម្មជាមួយរុស្ស៊ី ដោយប្រើប្រាស់ប្រាក់រូពីដើម្បីជួយលោក Putin ចៀសវាងផលប៉ះពាល់នៃទណ្ឌកម្មទៀតផង។

ហើយចុងក្រោយបំផុតនេះ ឥណ្ឌាក៏បានចាប់ផ្តើមទិញប្រេងពីរុស្ស៊ីក្នុងអត្រាថោកផងដែរ។

កាលពីថ្ងៃអង្គារទី២២ខែមីនា អ្នកនាំពាក្យរបស់នាយករដ្ឋមន្ត្រីអង់គ្លេសបាននិយាយថា លោក Johnson បានជំរុញឲ្យលោក Modi ប្រើប្រាស់ទំនាក់ទំនងជិតស្និទ្ធជាមួយវិមានក្រឹមឡាំង ដើម្បីផលល្អ។

លោក​បាន​និយាយ​ថា​ “លោកនាយក​រដ្ឋមន្ត្រី​ទទួល​ស្គាល់​ថា ​ឥណ្ឌា​មាន​តួនាទី​សំខាន់​ក្នុង​ទំនាក់ទំនង​ជាមួយ​លោក Putin ​និងរដ្ឋាភិបាល​របស់​គាត់។ យើង​បាន​ជំរុញ​គាត់ឲ្យ​ចូលរួម​ការ​ថ្កោលទោស​លោក​ Putin”។

នៅពេលសួរអំពីការសម្រេចចិត្តរបស់ឥណ្ឌាក្នុងការទិញប្រេងពីរុស្ស៊ី អ្នកនាំពាក្យបាននិយាយថា “យើងចង់ឲ្យប្រទេសទាំងអស់ ងាកចេញពីការពឹងផ្អែកលើប្រេង និងឧស្ម័នរបស់រុស្ស៊ី”។

ទន្ទឹមនឹងនោះ ការិយាល័យការបរទេសសង្ឃឹមថា ទណ្ឌកម្មថ្មីរបស់បស្ចិមប្រទេស នឹងត្រូវបានប្រកាសនៅក្នុងរយៈពេលប៉ុន្មានថ្ងៃខាងមុខនេះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាមេរិកទទួលស្គាល់ថា ចិន មិនបានផ្តល់ជំនួយយោធាដល់ រុស្ស៊ី ទេ