ជីវិតកម្សាន្ដ

តារាខ្មែរ ៣ ដួង ចូលរោងការបញ្ចប់ភាពនៅលីវ ក្នុងខែមីនាដើមឆ្នាំនេះដូចគ្នា

បានផុស

៣ years មុន

នៅ

ថ្ងៃសុក្រ ១៥ មេសា ២០២២

ដោយ

ក្រោយពេលខកខានរៀបពិធីមង្គលការ ដោយសារបញ្ហាជំងឺកូវីដ នាពេលកន្លងទៅទីបំផុតតារាខ្មែរ ៣ ដួង បានសម្រេចបំណងដូចគ្នាហើយ ដោយការចូលរោងជ័យតាមការកំណត់នាដើមឆ្នាំ ២០២២ នេះ។

តាមការសង្កេតឃើញគឺកន្លងមកតារាស្រីទាំង ៣ រូបនេះ តែងបង្ហោះជាបន្តបន្ទាប់នូវរូបថតផ្អែមល្ហែមស្នេហ៍ក្នុងដំណើរកម្សាន្ត ឬចូលរួមកម្មវិធីតូចធំមួយចំនួនហើយពិសេសក៏ធ្លាប់ប្រកាសពីគម្រោងចូលរោងកាច្រើនលើកមកហើយដែរ កាលពីអំឡុងឆ្នាំ ២០២១។ ប៉ុន្តែគម្រោងនោះ ក៏ត្រូវបានខកខានដោយសារបញ្ហានៃជំងឺកូវីដ-១៩។

យ៉ាងណាមិញបន្ទាប់ពីកម្មវិធីនេះ ត្រូវខកខានច្រើនលើកច្រើនសារនោះឥឡូវតារាខ្មែរទាំង ៣ ដួងនោះក៏បានសម្រេចបំណងដូចគ្នានាដើមឆ្នាំ ២០២២ នេះ។ តារាស្រីទាំង ៣ ដួងនោះគឺ

១. តារាភេទទី ៣ ផេនខេក និងស្វាមីវ័យក្មេង បានដឹកដៃគ្នាចូលរោងការកាលពីថ្ងៃទី ០៩ ខែមីនា ឆ្នាំ ២០២២ ដោយមានការចូលរួមអបអរពីអ្នកសិល្បៈរួមអាជីព និងមិត្តភក្តិបងប្អូនសាច់ញាតិចាស់ទុំទាំងសងខាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. តារាកំប្លែងវ័យក្មេង វ៉ាន់ នីឡា ក៏បានសម្រេចចូលរោងការតាមគន្លងប្រពៃណីជាមួយស្វាមីរូបសង្ហា កាលពីថ្ងៃទី ១៩ ខែមីនា ឆ្នាំ ២០២២ តាមការគ្រោងទុកផងដែរ។ មង្គលការ វ៉ាន់ នីឡា មានការអញ្ជើញចូលរួមយ៉ាងអធិកអធមពីភ្ញៀវកិត្តិយស និងតារាល្បីៗជាច្រើនដួង។

៣.មិនខុសពីតារា ២ ដួងខាងលើទេចំណែកអ្នកនាង ទឹម រដ្ឋា ក៏បានដឹកដៃស្វាមីដែលជាជនជាតិបរ ទេសចូលរោងជ័យតាមប្រពៃណីកាលពីថ្ងៃទី ២៦ ខែមីនា ឆ្នាំ ២០២២ កន្លងទៅ។ ថ្ងៃសិរីមង្គលរបស់កូនក្រមុំដែលជាតារាសម្តែងស្រី ទឹម រដ្ឋា និងកូនកំលោះរូបសង្ហាវ័យប្រហែលគ្នានេះ បើចាប់អារម្មណ៍ទៅមើលទិដ្ឋភាព គឺគេឃើញមានការរៀបចំតុបតែងកម្មវិធីឡើងយ៉ាងស្រស់ស្អាត៕