សន្តិសុខសង្គម
មន្ត្រីជលផលដឹកនាំកម្លាំងចុះបង្ក្រាបបទល្មើសនេសាទទ្រង់ទ្រាយធំ ខណៈថ្ងៃឱសានវាទកាន់តែបោះជំហានទៅមុខ
បាត់ដំបង ៖ គិតត្រឹមថ្ងៃទី២៥ខែមេសានេះ ឱសានវាទរបស់រដ្ឋបាលខេត្តបានបោះជំហានទៅមុខបានរយៈពេល១៨ថ្ងៃហើយតែគេមិនទាន់ដឹងថា តើមានប្រជានេសាទខ្នាតតូចនិងឈ្មួញធំដែលប្រើប្រាស់ឧបករណ៍នេសាទល្មើសច្បាប់ប៉ុន្មាននាក់ហើយដែលបានស្ម័គ្រចិត្តដឹកឧបករណ៍ខុសច្បាប់ដែលមានតំលៃរាប់ពាន់រាប់ម៉ឺនដុល្លារបស់ខ្លួនយកមកប្រគល់ជូនអាជ្ញាធរមានសមត្ថកិច្ចខណៈឱសានវាទនេះនៅសល់ពេលត្រឹមតែជាងកន្លះខែទៀតតែប៉ុណ្ណោះ។
ដោយសារតែឱសានវាទចេះតែបោះជំហ៊ានទៅមុខកៀកនិងថ្ងៃកំណត់កាលពីថ្ងៃទី២៣ខែមេសាកន្លងថ្មីៗនេះកម្លាំងចម្រុះដែលដឹកនាំដោយមន្ត្រីជលផលបានចុះរឹបអូសឧបករណ៍នេសាទដោយខុសច្បាប់របស់ឈ្មួញទុច្ចរិតបានជាច្រើនប្រភេទលើទីតាំងចំនួន២ផ្សេងគ្នានៅក្នុងដែននេសាទក្នុងភូមិសាស្ត្រ ឃុំកោះជីវាំង ស្រុកឯកភ្នំ។
មន្ត្រីជលផលបានឲ្យដឹងថា កម្លាំងចម្រុះដែលត្រូវបានដឹកនាំចុះប្រតិបត្តិការមានប្រមាណជិត៣០នាក់ហើយក្រោយការអប់រំក្នុងការទប់ស្កាត់បទល្មើសនេសាទកម្លាំងបានអនុវត្តបង្ក្រាបលើទីតាំងកំពុងប្រព្រឹត្តបទល្មើសមួយចំនួននិងរឹបអូសបានវត្ថុតាងជាច្រើនលើទីតាំងចំនួន០២គឺទី១នៅចំណុចក្បាលក្របីច្របាញ់ញំពាមព្រែកត្រសក់ ស្ថិតភូមិក្បាលតោល ឃុំកោះជីវាំង និងគោលដៅទី២នៅចំណុចពាក់កន្ទេលព្រះដើមឈើកប់ចេសកោះក្រងស្ថិតក្នុងភូមិព្រែកទាល់ឃុំកោះជីវាំង។
តាមរបាយការណ៍បង្ក្រាបកាលពីថ្ងៃទី២៣ខែមេសាបានបង្ហាញថា លទ្ធផលនៃកិច្ចប្រតិបត្តិការលើគោដៅទាំង០២ខាងលើនេះ កម្លាំងចម្រុះបានរឹបអូសនូវវត្ថុតាងនានាដូចជាសាច់មងក្រឡាញឹកប្រវែង២៥៥០ម៉ែត្រ,ស្បៃមុងក្រឡាញឹកប្រវែង៤៧០ម៉ែត្រ,លូស្បៃមុង(ដៃ)ចំនួន១៨,ឡុកចាប់ត្រីចំនួន១៨គ្រឿងនិងបង្គោលចំនួន១៥០០ដើមផង។ប៉ុន្តែរបាយការណ៍នេះមិនបានបង្ហាញឈ្មោះម្ចាស់ដែលបានប្រព្រឹត្តិបទល្មើសដែលត្រូវបង្ក្រាបទាំង២ទីតាំងនោះទេ។
សូមរំលឹកផងដែរថា ពាក់ព័ន្ធនឹងវិធានការបង្ក្រាបបទល្មើសនេសាទក្នុងទ្រង់ទ្រាយធំមិនធ្លាប់មានកាលពីថ្ងៃទី២៣ខែមេសាកន្លងទៅថ្មីៗនេះធ្វើឡើងស្របតាមបទបញ្ជាយ៉ាងក្ដៅគគុករបស់រាជរដ្ឋាភិបាលនេះ កាលពីថ្ងៃទី០៧ខែមេសាហើយក៏ត្រូវបានលោកសុខ .លូអភិបាលខេត្តបានចេញសេចក្ដីជូនដំណឹងដ៏ខ្លីមួយសន្លឹកស្ដីពីការដកហូតឧបករណ៍នេសាទល្មើសច្បាប់លើដែនទឹកក្នុងភូមិសាស្ត្រខេត្តបាត់ដំបង។
តាមរយៈសេចក្ដីជូនដំណឹងនេះលោកសុខ .លូបានអំពាវនាវសូមឲ្យប្រជានេសាទក្នុងខេត្តបាត់ដំបងទាំងអស់ដែលមានឧបករណ៍នេសាទល្មើសច្បាប់ ដែលមានដូចជា អួនអូសទឹកសាបម៉ាញ់ឧបករណ៍ឆក់និងឈិបយន្តព្រមទាំងឧបករណ៍ល្មើសច្បាប់ដទៃទៀតផងត្រូវស្ម័គ្រចិត្តយកមកប្រគល់ជូនអាជ្ញាធរមានសមត្ថកិច្ចកិច្ចនៅក្នុងមូលដ្ឋានរៀងៗខ្លួនចាប់ពីថ្ងៃជូនដំណឹងនេះតទៅរហូតដល់ថ្ងៃទី១៥ខែឧសភាឆ្នាំ២០២២ជាកំហិត។
ក្រៅពីនេះ លោកអភិបាលខេត្តក៏បានដាក់ចេញនូវបំរាមយ៉ាងតឹងតែងថា ត្រូវបញ្ឈប់ជាបន្ទាន់នូវការប្រើប្រាស់ថ្នាំពុលគីមី សាធាតុគីមីពុលនិងឧបករណ៍ឆក់គ្រប់ប្រភេទក្នុងដែននេសាទបើពុំនោះទេរដ្ឋបាលខេត្តនិងចាត់វិធានការផ្លូវច្បាប់ដោយគ្មានការអនុគ្រោះ។ ហើយអាជ្ញាធរមានសមត្ថកិច្ចនឹងចុះឆែកឆេររុករកតាមលំនៅឋានដើម្បីរឹបអូសយកឧបករណ៍នេសាទល្មើសច្បាប់ទាំងនោះនិងចាត់វិធានការតាមផ្លូវច្បាប់ដោយគ្មានការលើកលែងឡើយ៕
ដោយ ៖ សៅ សារិទ្ធ
គ្រូរបស់ ម៉ារីអូ៖ ជំនួបរវាង សម្បត្តិ និងសិស្សរបស់ខ្លួនអាចនឹងមានអ្នកសន្លប់
នាយករដ្ឋមន្ត្រីបញ្ជាក់ចំពោះមុខប្រធានសមាគមថ្នាំជក់ថាមិនស្វាគមន៍ការវិនិយោគលើបារីអេឡិត្រូនិច
ហេតុការណ៍ផ្ទុះរំសេវចាស់ៗសម្លាប់មនុស្ស១៣នាក់នៅឥណ្ឌូណេស៊ី
អ្នកដឹកនាំរឿងចិនល្បីម្នាក់ ទម្លាយជីវិតស្នេហារបស់ តួកុន លី តាវហួ ថា មានអាថ៌កំបាំងខ្លាំង
ទេសចរចិនកាន់តែច្រើនខកចិត្តខ្លាំង ព្រោះតែថៃមិនឲ្យតម្លៃអ្នកទិញទុរេនសោះ
ក្រសួងរ៉ែទទួលយកសំណើពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា
គ្រោះធម្មជាតិបណ្តាលឱ្យមនុស្សស្លាប់-របួសជិត ៨០ នាក់ និងបំផ្លាញផ្ទះជាង ៤ ៣០០ ខ្នង ក្នុង ៤ ខែ ឆ្នាំនេះ
ឧទ្ធម្ភាគចក្រ Z-20 ២គ្រឿងរបស់ចិន ចុះចតនៅមូលដ្ឋានទ័ពអាកាសកម្ពុជា មុនសមយុទ្ធនាគមាសចេញដំណើរ
ផ្សែងពុលចេញពីភ្លើងឆេះរោងចក្រគ្រឿងសង្ហារឹមនៅបាងកកជំរុញឱ្យមានការជម្លៀសជាបន្ទាន់
ឯកអគ្គរាជទូតថាការបន្លំយកជនជាតិម៉ុងតាញ៉ាមកបាតុកម្មមុខទូតខ្មែរជាសកម្មភាពមិនថ្លៃថ្នូរ
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ១ សប្តាហ៍ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៦ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ១ សប្តាហ៍ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ១ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ