បញ្ជូនខ្លួនស្រ្តីពាណិជ្ជករចេញសែកស្អុយទៅតុលាការ

ស្រ្តីពាណិជ្ជករម្នាក់ ដែលពាក់ពន្ធរឿងចេញសែកអត់លុយ ត្រូវបានសមត្ថកិច្ចបញ្ជូនឡើងតុលាការ នៅរសៀលថ្ងៃទី ០៦ ខែឧសភា ឆ្នាំ២០២២នេះ ដើម្បីធ្វើការសាកសួរ ។

ស្ត្រីជាជនសង្ស័យឈ្មោះ ពេជ្រ ស្រីមុំ អាយុ៣៥ឆ្នាំ ជាពាណិជ្ជករ ស្នាក់នៅផ្ទះលេខ២៥២ ផ្លូវផ្លាទីនឹម បុរីប៉េងហួតបឹងស្នោសង្កាត់និរោធ ខណ្ឌច្បារអំពៅ រាជធានីភ្នំពេញ ។ ជនសង្ស័យត្រូវបានកម្លាំងសមត្តកិច្ចការិយាល័យនគរបាលព្រហ្មទណ្ឌកំរិតធ្ងន់រាជធានីភ្នំពេញ ធ្វើការឃាត់ខ្លួនកាលពីថ្ងៃទី៤ ខែឧសភា ឆ្នាំ២០២២ នៅចំណុចមុខអាគា Rise Commercial​ Building លេខ៥ ផ្លូវលេខ ២៨២ សង្កាត់បឹងកេងកងទី១ ខណ្ឌបឹងកេងកង ដោយអនុវត្តតាមដីកា បញ្ជាឲ្យចូលខ្លួនរបស់លោក ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ពាក់ព័ន្ធករណីមិន បំពេញកាតព្វកិច្ចចំពោះឧបករណ៍អាចជួញដូរបាន ( ចេញសែកគ្មានទឹកប្រាក់ ) ទឹកប្រាក់ចំនួន ៧៧៩ ២៥២ដុល្លារអាមេរិក តាមពាក្យបណ្តឹងរបស់ឈ្មោះ លឹម ហ៊ួរនីតូ ភេទប្រុស អាយុ៣៤ឆ្នាំ មុខរបរពាណិជ្ជករ ។

មកដល់ពេលនេះជនសង្ស័យកំពុងស្ថិតនៅដំណាក់កាលស្ថាប័នអយ្យការបើកការស៊ើបសួរនៅឡើយ ៕

អត្ថបទ៖ មករា