តុលាការខេត្តកណ្តាលចេញដីការ ឃុំខ្លួនលើជនត្រូវចោទ ឈ្មោះ មាន សុខន្តី ករណីចេញសែកស្អុយ

លោក ម៉ាង ណុល ចៅក្រមស៊ើបសួរនៃសាលាដំបូងខេត្តកណ្តាលបានចេញដីការឃុំខ្លួនដាក់ពន្ធនាគារបណ្តោះអាសន្នលើជនត្រូវចោទឈ្មោះមាន សុខន្តី ក្នុងករណីមិនបំពេញកាតព្វកិច្ចចំពោះឧបករណ៍អាចជួញដូរ(សែកស្អុយ) កាលពីថ្ងៃទី៣១ ខែតុលា ឆ្នាំ២០២៥

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជននេះត្រូវបានឃាត់ខ្លួនកាលពីថ្ងៃទី១៦ ខែតុលា ឆ្នាំ២០២៥ ពាក់ព័ន្ធករណីចេញសែកស្អុយគ្មានប្រាក់ ប្រព្រឹត្តនៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី២៧ ខែធ្នូ ឆ្នាំ២០២៤ តាមបទបញ្ញាត្តិមាត្រា ២៣១ នៃច្បាប់ ស្តីពីឧបករណ៍អាចជួញដូរបាន និងប្រត្តិបត្តិការទូទាត់សងប្រាក់។

ជនសង្ស័យឈ្មោះ មាន សុខន្តី ភេទប្រុស កើតឆ្នាំ១៩៨៥ អាយុ៤០ឆ្នាំ ជនជាតិខ្មែរ សញ្ជាតិខ្មែរ មុខរបរ លក់ដូរ មានទីកន្លែងកំណើតភូមិមិត្តភាព សង្កាត់តាខ្មៅ ក្រុងតាខ្មៅ ខេត្តកណ្តាល និង ទីលំនៅមុនពេលចាប់ខ្លួននៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល ត្រូវជាប់ចោទពីបទៈ មិនបំពេញកាតព្វកិច្ចចំពោះឧបករណ៍អាចជួញដូរ តាមបទបញ្ញាត្តិមាត្រា ២៣១ នៃច្បាប់ ស្តីពីឧបករណ៍អាចជួញដូរបាន និងប្រត្តិបត្តិការទូទាត់សងប្រាក់។

បើយោងតាមដីកាសន្និដ្ឋានបញ្ជូនរឿងឲ្យស៊ើបសួរលខៈ ១៧៨៥ ដកសស ចុះថ្ងៃទី៣១ ខែតុលា ឆ្នាំ២០២៥ របស់តំណាងអយ្យការអមសាលាដំបូងខេត្តកណ្តាល ឲ្យភ្នាក់ងារមានសមត្ថកិច្ចនៃកម្លាំងសាធារណៈធ្វើការនាំខ្លួនជនត្រូវចោទដែលមានឈ្មោះ មាន សុខន្តី ទៅពន្ធនាគារខេត្តកណ្តាល ដោយអនុវត្តតាមនីតិវិធីច្បាប់រហូតដល់មានបទបញ្ជាថ្មីសម្រេច៕