សន្តិសុខសង្គម
សមត្ថកិច្ចឃាត់ខ្លួនថៅកែលក់គ្រឿងសង្ហារិម ពាក់ព័ន្ធករណីចេញសែកស្អុយជិត២០ម៉ឺនដុល្លារ
ភ្នំពេញ ៖ កម្លាំងសមត្ថកិច្ចកងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថខេត្តសៀមរាប បានអនុវត្តដីកាបង្គាប់ឱ្យចាប់ខ្លួន ថៅកែលក់គ្រឿងសង្ហារិម ២នាក់ប្តីប្រពន្ទ បញ្ជូនទៅសាលាដំបូងរាជធានីភ្នំពេញ នៅថ្ងៃទី២៤ ខែកុម្ភៈ ឆ្នាំ២០២៥ ពាក់ព័ន្ធករណីចេញសែកស្អុយប្រមាណជិត២០ ម៉ឺនដុល្លារអាមេរិក។
ការឃាត់ខ្លួនជនសង្ស័យទាំង២នាក់ប្តីប្រពន្ធនេះ ដោយប្តីមានឈ្មោះ ថាន់ ភក្តី ភេទប្រុស អាយុ ៣៦ឆ្នាំ ជាប្តី និងឈ្មោះ ឌី ចាន់ណា ភេទស្រី អាយុ ៤២ឆ្នាំ ជាប្រពន្ធ មានអាសយដ្ឋានភូមិសាលាកន្សែង ផ្លូវកូនម៉ែ សង្កាត់គោកចក ក្រុង-ខេត្តសៀមរាប។
តាមដីកាបង្គាប់ឱ្យឃាត់ខ្លួនរបស់ចៅក្រមស៊ើបសួរសាលា ដំបូងរាជធានីភ្នំពេញ បានបញ្ជាក់ថា ជនត្រូវចោទបានដាក់ឱ្យស្ថិតនៅក្រោមការពិនិត្យពីបទ មិនបំពេញកាតព្វកិច្ចចំពោះឧបករណ៍អាចជួញដូរបាន (ដោយចេញមូលប្បទានប័ត្រគ្មានសាច់ប្រាក់) ប្រព្រឹត្តនៅរាជធានីភ្នំពេញ កាលពីថ្ងៃទី១០ ខែកុម្ភៈ ឆ្នាំ ២០២៣ បទល្មើសដែលមានចែងឱ្យផ្តន្ទាទោសតាមបញ្ញត្តិមាត្រា ២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់សងប្រាក់។
ប្រភពព័ត៌មានឱ្យដឹងថា ថៅកែលក់គ្រឿងសង្ហារិមទាំង២នាក់ប្តីប្រពន្ធ ត្រូវបានកម្លាំងសមត្តកិច្ចកងរាជអាវុធសហការ ចាប់ខ្លួននៅខេត្តសៀមរាប និងបានបញ្ជូនមកការិយាល័យព្រហ្មទណ្ឌ នៃទីបញ្ជាការកងរាជអាវុធហត្ថលើផ្ទៃប្រទេស ទើបកម្លាំងសមត្ថកិច្ចជំនាញកងរាជអាវុធហត្ថលើផ្ទៃប្រទេស កសាងសំណុំរឿងបញ្ជូនជនសង្ស័យទាំង២ នាក់ប្តីប្រពន្ធទៅសាលាដំបូងរាជធានីភ្នំពេញ ដើម្បីប្រគល់ជូនចៅក្រមស៊ើបសួរតាមនីតិវិធី។
បើតាមប្រភពព័ត៌មានបានឱ្យដឹងថា ជនសង្ស័យបានចេញមូលប្បទានប័ត្រមួយសន្លឹក ដែលមានទឹកប្រាក់ប្រមាណ ១៨ម៉ឺន៥ពាន់ ដុល្លារអាមេរិក ឱ្យទៅភាគីដើមបណ្ដឹង។ បន្ទាប់ពីទទួលបានភ្លាម ក៏យកទៅបើកនៅធនាគារ ស្រាប់តែបុគ្គលិកធនាគារបានប្រាប់ថា សែកនេះជាសែកស្អុយពុំមានទឹកប្រាក់នោះទេ។
បន្ទាប់មកភាគីដើមបណ្តឹង បានព្យាយាមជួបភាគីចុងចោទ ដើម្បីទាមទារបំណុល និងរកដំណោះ ស្រាយក្រៅប្រព័ន្ធតុលាការជាញឹកញាប់ដែរ ប៉ុន្តែចុងក្រោយជនសង្ស័យ២នាក់ប្តីប្រពន្ធចេះតែគេចវេះពីបំណុល ទើបជនរងគ្រោះសម្រេចប្តឹងតុលាការឱ្យជួយចាត់ការតាមផ្លូវច្បាប់។
សូមបញ្ជាក់ថា រហូតដល់ល្ងាចថ្ងៃទី២៤ ខែកុម្ភៈ ឆ្នាំ២០២៥ នេះ ថៅកែលក់គ្រឿងសង្ហារឹមទាំង២ នាក់ប្តីប្រពន្ធ កំពុងស្ថិតនៅការសាកសួររបស់ចៅក្រមស៊ើបសួរសាលាដំបូងរាជធានីភ្នំពេញ៕
អត្ថបទ ៖ សុភា
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ