កីឡា

កីឡា ៣ប្រភេទរបស់កម្ពុជា ធ្វើដំណើរទៅប្រទេសវៀតណាម ដើម្បីត្រៀមប្រកួតស៊ីហ្គេម

បានផុស

៤ years មុន

នៅ

ថ្ងៃអង្គារ ១០ ឧសភា ២០២២

ដោយ

កីឡាចំនួន ៣ប្រភេទរបស់កម្ពុជា ក៏ដូចជាប្រតិភូសំខាន់ៗ បានធ្វើដំណើរទៅប្រទេសវៀតណាម នៅថ្ងៃទី១០ ខែឧសភា ឆ្នាំ២០២២ ដើម្បីត្រៀមចូលរួមប្រកួតកីឡាស៊ីហ្គេម លើកទី៣១ ដែលបាននឹងកំពុងដំណើការចាប់ផ្ដើមលើប្រភេទកីឡាមួយចំនួន។

ក្រុមប្រតិភូ និងអត្តពលិក ដែលចេញដំណើរលើកទី២នេះ គឺមានចំនួនសរុប ១២០នាក់ លើ៣ប្រភេទកីឡា ដូចជាក្រុមកីឡាប៉េតង់ ដែលជាកីឡាមានសក្តានុពលជាងគេ, កីឡាវាយកូនហ្គោល និងកីឡាអេឡិចត្រូនិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម វ៉ាត់ ចំរើន ដែលជានាយបេសកកម្មក៏រួមដំណើរដឹកនាំប្រតិភូកម្ពុជា និងក្រៅពីនេះមានមន្ត្រីរដ្ឋបាល និងមន្ត្រីពេទ្យផងដែរ។ ហើយការបន្តចេញដំណើរនៅថ្ងៃបន្តបន្ទាប់ទៀត គឺនៅមុន ២ថ្ងៃនៃការប្រកួតមកដល់ ដែលចំនួនប្រតិភូកីឡាកម្ពុជា សរុបចំនួន ៥៦០នាក់។

សូមបញ្ជាក់ជាថ្មីថា ការប្រកួតស៊ីហ្គេមនៅវៀតណាមឆ្នាំនេះ មានក្រុមកីឡាករ-កីឡាការិនី និងក្រុមការងារគ្រូបង្វឹកសរុបមានចំនួន ៥៦០នាក់ក្នុងនោះមានថ្នាក់ដឹកនាំ និងមន្ត្រីកីឡាចំនួន ៤៥នាក់ កីឡាករ-កីឡាការិនីចំនួន ៣៦៣នាក់, គ្រូបង្វឹក-គ្រូជំនួយចំនួន ៩៣នាក់, អាជ្ញាកណ្ដាល ចៅក្រមអន្តរជាតិ មានចំនួន ១៩នាក់, អ្នកដឹកនាំក្រុមចំនួន ២២នាក់ និងក្រុមគ្រូពេទ្យចំនួន ២១នាក់។

សម្រាប់ការដឹកជញ្ជូនក្រុមប្រតិភូកីឡាករ កីឡាការិនីកម្ពុជាត្រូវបានផ្តល់ការហោះហើរដោយក្រុមហ៊ុន Cambodia Airways ទាំងទៅទាំងមកដោយឥតគិតថ្លៃ បន្ទាប់ពីទទួលបានការយកចិត្តទុកដាក់ខ្ពស់ពីសម្តេចតេជោនាយករដ្ឋមន្ត្រី ហ៊ុន សែន៕

អត្ថបទ ៖ មន្នីរ័ត្ន

Related Topics:VattanacBank

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា